JOEL 2:30 - Kathara Bible (BSI)

³⁰ “Kazinglila, okathuilila ashee, mei kala meikhut eina machut kachungkha chitheira.

JOEL 2:30 Iomraidhean Croise

HAOKAPHOK 19:28

kala ana Sodom eina Gomorrahshong kala tampāk chiwui apam saikorali ngashānkhayang eina, yanglu, apam chiwui meikhut chi mei shātkharungwui thāda thei.

SOLOMONWUI LAA 3:6

lamhāngwui eina rākharā, meikhut khangapān kathā, nganamkaphā myrrh eina frankincense eina ngasoda, leihkhalonbingwui nganamkaphā katonga chi khikhala?

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

ZECHARIAH 14:6

Chithang kasik maleimara, phāmla matāmara.

MATTHEW 24:29

“Kachotkachāng atamwui thichangli zimikla tangmanghaora, kachāngla mahorluimara, kazingramwui eina sirābingla tātungra kala kazingramwui pangshapla nganukhaora;

LUKE 21:11

chitharan neina̱ panglāk eina khanukra kala apam kachungkhali chāmrei eina mao rāra; matakhak kahai kala khangachee machut kachungkha kazingramwui eina shokra.

JOSHUA 8:20

Chieina Aiwui mibingna ngareikhaung tharan, yanglu, keinung chi meikhut ngapuirut eina kazing kāshunga; kala athum hishongla chishongla yām khavai pangshap maleithuwa, kaja lamhāngvāk yāmvā kahai mibing chi athumwuishong hanungrāsai.

PHONGKHAMI 18:18

ali chuikatāwui meikhut chi theilaga hānga, “Khareia keinung hikathā kali leiluirakhala!”

PHONGKHAMI 18:9

Ali shāmkasa, awui khangkāserli kazang okathuiwui awungabingna, ali chuikatāwui meikhut chi theilaga malung ringda chapngachāra.

PHONGKHAMI 8:7

Khare kazingrao china awui talla̱ chi khonguwa; chieina theih eina mei ashee manātlaga okathuili rotai. Okathui khum kathumwui khumkha chuitāhaowa, thingrong khum kathumwui khumkha chuitāhaowa, khamateka khawola chuitāserhaowa.

WUNGVA̱-WUNGVĀ 20:38

Israelwui mibing eina ngathirai kasābingna theingarok khavai machut chiya, keinungli meikhut kashok tharan Israel mibingna ngararphokki kajina.

WUNGVA̱-WUNGVĀ 20:40

Kha keinungwui eina khudam chi meikhut pemda kashok eina, Benjaminnaobingna khanukvāk kapeikhaung eina, yanglu, keinung katonga kazingram kāshungda meikhut pemhairasai.