JOEL 2:29 - Kathara Bible (BSI)

²⁹ Kala rao sha̱nao, rao mayarnaobinglila, chitharan ina iwui manglā heirormira.

JOEL 2:29 Iomraidhean Croise

EZEKIEL 36:27

Kala ina iwui manglā nali sangmida iwui shiyan-chikanwui alungli zatkhavai kala ngasharlak eina ain mayon ngasakra.

EZEKIEL 37:14

Kala ina iwui Manglā nathumli sangmira, kala nathum ringra, kala ina nathumli nathum khalattawui ngaleili chipamra. Chitharan Proho ina hānghaira da nathumna theira, kala chi ina sāhaira da Prohona hānga.”

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

1 CORINTHNAO 12:13

Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.