JOEL 2:28 - Kathara Bible (BSI)

²⁸ “Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

JOEL 2:28 Iomraidhean Croise

CHĀNSAM 1:23

Iwui hāngkhamachinli nganālu, yanglu, ina iwui kaphaning nali hāngsera; iwui tui ina nali chitheira.

ISAIAH 32:15

atungshongwui eina manglā ithumli maheirormiranglakha, lamhāng chi athei khamathei tampāk mangasāranglakha, kala athei khamatheiya tampāk chi ngahong kathā mangasāranglakha eina tangda.

ISAIAH 40:5

Kala Prohowui tekhamatei chi phongmira, kala chi mi saikorana theirumsera, kaja Proho akhalattana hānghaira.”

ISAIAH 44:3

“Khikhalajila ra̱kachangpamli ina tara̱ heirorra, ngalei kathengli kong longmira; nawui atheili iwui Manglā heirorra, nawui ara̱-azāli iwui sokhami tāshungmira.

ISAIAH 49:26

Nali rekakhareka athumli ina khalattawui asā chishaira, kala zam thāda athum khalattawui ashee eina marip ngasakra, chieina asā khavai saikorana, I nathumwui huikhame Proho, Ngatangkhame, Jacobwui Pangshapa china da theira.”

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 54:13

“Nanaomayarabingli Prohona tamchitheira, naomayarabingwui mataikasang hakmahāra.

JEREMIAH 23:25

Marānbingna iming singlaga kapikta, ili mangli mahāmihaira, ili mangli mahāmihaira! da khamatui ina shāhaira.

JEREMIAH 23:28

Mang kashimana marān china mang chi hāngranu, kha iwui tui kashāpa china iwui tui peichaoda hāngmiranu. Mā eina lanji ngaraikachā khi leikhala? da Prohona hānga.

EZEKIEL 36:27

Kala ina iwui manglā nali sangmida iwui shiyan-chikanwui alungli zatkhavai kala ngasharlak eina ain mayon ngasakra.

EZEKIEL 37:14

Kala ina iwui Manglā nathumli sangmira, kala nathum ringra, kala ina nathumli nathum khalattawui ngaleili chipamra. Chitharan Proho ina hānghaira da nathumna theira, kala chi ina sāhaira da Prohona hānga.”

EZEKIEL 39:29

kala iwui Manglā Israelwui shimkhurtungli sangkhami tharan athumli mayangkheiluimara, da Proho VAREna hānga.”

DANIEL 7:1

Babylonwui awunga Belshazzarna mungkhare kum, Danielna pilakha mang akha shimana. Mang chi ana kapikhui, kala chiwui kasha̱a ara̱tui ana hāngmi.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 12:6

Ana hānga, “Iwui tuibing nganālu: nathumwui alungli marānkhame leiakha Proho I khalattana ali mahāmi kala ina mang eina ngazeka.

LUKE 1:67

Avāva̱ Zechariahli Manglā Katharana pemtinghaoda ana marānda hānga;

LUKE 3:6

kala phasā khavaia saikorana Varewui huikhami theisera.’”

JOHN 7:39

Hi ali shitkasangbingna samphangki kaji Manglāwui tui kahāngna. Kaja Jishuna tekhamatei eina maringshokrangsāthuda Manglā chi mamirangsai.

OTSAK 2:33

Ara Varewui yāshong pamngasakta, ngashit kahai Manglā Kathara chi Avāva̱wui eina samphanga kala ithumwuitungli heirorkhami chi nathumna kathei kala kashā hina.

OTSAK 2:39

Tuingashit hi nathum kala nathumwui naongarāli kala katāva̱li khalei ithumwui Proho Varena hokakhui mi kachiva̱li khamina.”

OTSAK 21:9

Awui nao mafathuirang kaje ngalānao mati leisai, athumna phongkhami ot sai.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

HEBREWNAO 1:1

Achālakha awo ayibingli Varena kachungkha shida matuiya kala apong kachungkha eina marānbingli shichinda hāngmi.

1 SAMUEL 19:20

Chieina Saulna Davidli akhui khavai paomebing chihovai; kala marānbingli Samuelna thānda marān kasā chi athumna athei, kala paomebing chilila Varewui manglā zanghaida athumla marānphokuwa.

1 SAMUEL 19:21

Chi Saulli kahāng eina, Saulna khangatei paomebing chiholui; kala athumla marānkhami chili azanghaowa. Kala Saulna paomebing kathum shida chihovai, kala athumla marānkhamili azanghaowa.

1 SAMUEL 28:6

Kala Saulna Proholi khangasan eina, Prohona ali mangahānkāmithuwa, mang nganālala, Urim yanglala, marānbingnala khikha matheirarthuwa.