JOEL 2:27 - Kathara Bible (BSI)

²⁷ Israelwui alungli I lei kaji nathumna theira; kala Vare Proho I mānga, katei maleimana kajila, kala iwui mibingli kakhayak mamiluimara.”

JOEL 2:27 Iomraidhean Croise

LAA 46:5

Chiwui alungli Vare lei, a mangacheimara; Varena ngalāngda ali ngachonmira.

LAA 68:18

Narkahaibingli thānda nana kaphung kajuili kai; mibing kala ngakaikashebingwui einala kachigat khuiya; kaja apam chi Prohona sompam khavaina.

CHĀNSAM 1:23

Iwui hāngkhamachinli nganālu, yanglu, ina iwui kaphaning nali hāngsera; iwui tui ina nali chitheira.

ISAIAH 12:6

Vaolu kala khamathānwui vang laa sālu, O Zionli kapambing, kaja nathumwui alungli Israelwui Kathara chi hakmahālaka.”

ISAIAH 44:3

“Khikhalajila ra̱kachangpamli ina tara̱ heirorra, ngalei kathengli kong longmira; nawui atheili iwui Manglā heirorra, nawui ara̱-azāli iwui sokhami tāshungmira.

ISAIAH 44:8

Mangangalu, khangacheela mangacheealu; rilak eina ina hāngda lānchithei kahai maningmala? Nathum iwui shākhina! Ili lāngda Vare katei leila? Lunghar katei maleimana; I khangatei matheimana.”

ISAIAH 45:18

Kaja kazingram kasaa, (A Varena!), okathuiwui maong semkhuilaga chi sākakhuia (ana chi sakai; ngapa̱khangapā kasā maningla, somkhavai semkakhuia!) Proho china hithada hānga: “I Proho china, katei maleimana.

ISAIAH 45:5

“I Prohona, khangatei maleiluimana, ili lāngda Vare katei maleimana; ina shaksāmi, nana matheilala,

ISAIAH 45:6

zingshowui eina thuida zingtunshong vāshungda, ili lāngda katei maleimana kaji mina theikhavai. I Prohona, khangatei maleiluimana.

ISAIAH 46:9

achālakhawui kachama otbing chi phaningunglu; kaja I Varena, kala katei maleimana; I Varena, kala ikatha khipakha maleimana,

ISAIAH 49:23

Awungabingna nathumli nganaokakhuiya avāva̱ ngasāra, awungva̱bingna nathumwui khanganaova̱ ngasāra. Athumwui mai ngaleili mashunzangda nathumli khorumra, kala nathum pheiwui chifa athumna malekra. Chieina I Prohona kaji nathumna theira. Ili khangaraibing chi mai mashimara.”

ISAIAH 53:6

Yao thāda ithum saikora ma̱thuiserhaira, kachichā khalattawui apongli thuihaira; chieina ithum saikorawui morei awuitungli Prohona parmi.

EZEKIEL 37:6

Ina nathumwuitungli anonān phonmida nathumwuitungli asāla kāngasakra, kala ahui eina rommihaida khak suisangmilaga nathum ringunghaora; kala nathumna I Prohona da theikhuira.”

EZEKIEL 39:22

I athumwui Proho VAREna da Israelwui shimkhurna chithang eina theiphokra.

EZEKIEL 39:28

Athumli raithāhailaga thanungluishit kajiwui vang I, athumwui Proho VAREna da theikhuira. Khipālikha ina miyurbingwui ngachaili mataimihailakmara;

EZEKIEL 39:29

kala iwui Manglā Israelwui shimkhurtungli sangkhami tharan athumli mayangkheiluimara, da Proho VAREna hānga.”

JOEL 2:26

Nathumna kapen eina tangda zāda nathum Vare Proholi masotmira; ana nathumwui vang phaningla makakhui ot sāmihaira. Kala iwui mibingli kakhayak mamiluimara.

JOEL 3:17

“Chieina iwui kathara kaphung Zionli somkapama, I Proho nathumwui VAREna da nathumna theira, Kala Jerusalem kathara ngasāda miyur khangatei chili mazatluimara.

JOEL 3:21

Ina ashee chiwui athut khuira, kala athumwui khayon mapheomimara, kaja Prohona Zionli pama.”

ZEPHANIAH 3:11

Chithanghon nali makhayak ngasakluimara, ili ngakaishida sākahai otsak chiwui vang; kaja ina nathumwui alungwui eina lāngkasobing chi khuishokhaora, kala iwui kathara phungreili nathum malāngsoluimara.

ZEPHANIAH 3:17

Nawui Vare Proho nathumwui alungli lei, raikhoka rai yuikhame chi; ana nawui vang ringphāda mathānra, nali awui leikashi alungli mirin kadhar miluishitra; nawuitungli ana ringkaphāwui laa pangda vaora, phanit phanaoli kasā thāda.

ZECHARIAH 2:9

“Yanglu, ina athumwuitungli ipāng khāngkāra kala athum athumwui rao sākasābingwui vang ngapon khavai ngasāra.” Chieina saikorawui Prohona ili kachihona kaji nathumna theira.

MISHĀN 11:29

Kha Mosesna ali hānga, “Iwui vang eina na mikpaishihaola? Prohowui mi saikora marān ngasāsāsi kaja, Prohona awui manglā athumli sangmisāsi kaja jong!”

MISHĀN 23:21

Ana Jacobli kalākashi matheimana, lah ana Israelli pa̱khangapā matheimana. Proho athumwui Varena athumli ngasomida lei, kala awunga akhawui khavaokhon chi athumwuili lei.

2 CORINTHNAO 6:16

Varewui khorumshim eina meoma̱ khi mayā khangarok leikhala? Khikhalajila ithum kharinga Varewui shimna. Varena hithada hānga, “Ina iwui mibingli ngasoda pamra kala athumli okthuirumra; I athumwui Vare sāra, kala athum iwui miyur sāra.”

KHALATLUI 23:14

Khikhalajila Proho nathumwui Varena nathumwui rāmrahlungli yaozatta kanmi khavai kala yangkashebingli nathumwui pāngli horsangmi khavai khaleiwui vang, rāmrah tharmathengda haiphalungra; nathumwui alungli ana makathar ot theilaga thuihaipaishina.

1 PETER 2:6

Hithada kapihaida lei; “Yanglu, aman kasaka ngalung akha ina kapangkhui, kala Zionwui akhoka sāda shunhai; ali shitkasangbing ning makatatlakmara.”

PHONGKHAMI 21:3

kala wungpamkhongwui eina panglāk eina khavaokhon akha ina shai; “Yanglu, Varena mili okthuirumkachangda lei! Ana athumli ringrumra kala athum awui mi sāra, Varivara A khalattana athumli ngasopamra.