JOEL 2:26 - Kathara Bible (BSI)

²⁶ Nathumna kapen eina tangda zāda nathum Vare Proholi masotmira; ana nathumwui vang phaningla makakhui ot sāmihaira. Kala iwui mibingli kakhayak mamiluimara.

JOEL 2:26 Iomraidhean Croise

HAOKAPHOK 33:11

Iwui kachigat hi kakhuimiphalunglu da ina nali kapona, kaja Varena ili mathālak eina yangmihaira, chiwui vang ila leishap leihaira.” Hithāda ana hānglui hānglui kaji eina Esauna khuihaowa.

NEHEMIAH 9:25

Kala athumna raipan ngaveiphin kahai keinungbing kala ngalei katuma lam yuikhui, kala athumna shimli leikasā khamathā ot kachungkha, khonkhui kahai ra̱khong, drakhā yāmgui, olive yāmgui, kala atheirong ayur kachungkha samphanga; chieina kathokachir samphangda thaoaowa, kala nawui khamathā otsak chili athum ningyāngkhaung samphanga.”

LAA 103:5

na ringlakha eina tangda khamathān eina ningyāng ungngasaka, nawui yarthot khalāng thāda pangngasaka.

LAA 116:7

O imanglā, latunglu, nawui ngasām khavaili; kaja Prohona nali mavātlakla sāmihaira.

LAA 13:6

Proholi ina laa sāra, khikhalajila ana ili mavāt ngasakmana.

LAA 22:26

Chotchāng kahaibingna zāda thora; ali kaphābingna Proholi sochikatra! Nathumwui ning katang mavaila ringranu!

LAA 37:19

Makaphā atamli athumli makhayak ngasakmana, chāmrei atamli athumna mavātla leira.

LAA 67:5

O Vare, yurbingna nali masochikatranu; yur saikora nali masochikatranu!

LAA 72:18

Israelwui Vare Proholi soranu, amāngna matakhak kahai ot sai.

CHĀNSAM 13:25

Khangaronga mina awui thokhavai kachungkha lei, kha makhayāwui wuk masaichinga.

SOLOMONWUI LAA 5:1

Ina iwui yāmguili rai, izarva̱, iwui khām kahaiva̱, iwui nganamkaphāphā ot eina ngasoda ina myrrh kazipkhui, ina iwui khuihāng eina ngasoda khuira̱ shai, ina drakhāra̱ eina ngasoda seina̱ manga. Zālu O ngasotnaobing, kala manglu: kachungkha manglu, O leikashebing!

ISAIAH 25:1

O Proho, na iwui Varena; ina nali sora, namingli sora; kaja nana matakhak kahai otbing sāhaira, achālakha ngaranping kahai makhangachei otmānga.

ISAIAH 29:22

Abrahamli ngatangkhame Prohona Jacob shimkhurwui pongli hithāda hānga: “Jacob makhayakluimara, amai tarātahaora.

ISAIAH 45:17

Kha Israelli katang makhavai huikhami eina ngasoda huimihaira; katang mavaila nathumli kakhayakla kala pa̱khangapāla malei ngasakmara.”

ISAIAH 49:23

Awungabingna nathumli nganaokakhuiya avāva̱ ngasāra, awungva̱bingna nathumwui khanganaova̱ ngasāra. Athumwui mai ngaleili mashunzangda nathumli khorumra, kala nathum pheiwui chifa athumna malekra. Chieina I Prohona kaji nathumna theira. Ili khangaraibing chi mai mashimara.”

ISAIAH 54:4

Mangacheealu, na mai mashimara; mapa̱ngapālu, nathumli mamaishi ngasakmara; kaja yaronlakhawui maikashi chi na malaihaora; kala ra̱khameiwui khamashāt chi maphaningungluimara.

ISAIAH 55:2

Kashakazā makhaninga chiwui vang khisāda nana pheisā shimān ngasakkhala, kala mathokapai chiwui vang khisāda ngalang zārkhala? Ningmazinglak eina ili nganākhuida khamathā chi zālu, kala nakhalatta phasā phākhavai chili kahaolu.

PĀNGMONSHI 25:19

ngalei chiwui athei-arai matheira, nathumna zākashap chi zākhuira kala chili ningtāphup eina somra.”

PĀNGMONSHI 26:26

Ina nathumwui chum masingrā khangasak chitharan, sha̱nao tharāna meiphung akhali khamui sāda onlaga mishonlala nathumna zāda katho mavaimara.

PĀNGMONSHI 26:5

Kala nathumwui heiun, zāt nilala, athei-arai nilala zingkum angasut ungshungda zāpeira, thochingra kala ningtāphup eina nathumwui ngaleili okthuira.

MICAH 6:14

Nana phazāra, kha mathomara, thaishon thaithaira; nana taihaira, kha makharuikhuimara, kala kharuikhui kahai chi raighai eina shimān ngasakra.

ZEPHANIAH 3:11

Chithanghon nali makhayak ngasakluimara, ili ngakaishida sākahai otsak chiwui vang; kaja ina nathumwui alungwui eina lāngkasobing chi khuishokhaora, kala iwui kathara phungreili nathum malāngsoluimara.

ZECHARIAH 9:15

Saikorawui Prohona athumli makānmira, kala athumna lunggui eina kahorbingli tukkhuilaga naitāhaora; kala athumwui ashee drakhāra̱ khamang thāda mangra, tengkot kapem thāda pemtinghaora, hanphutwui achikunbing thāda ya̱sophaora.

ZECHARIAH 9:17

Mha, chi kayākha phā, kayākha mathāra! Mayar ngalābingli theishirai kala kadhara drakhātheina pangsang ngasakra, kala mayā ngasakra.

ROMNAO 10:11

Kaja hithada kapihaida lei: “Ali shitkasang mi khipālikha kaphaning makaingasakmara.”

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

ROMNAO 9:33

Kaja hithada kapihaida lei: “Yanglu, ina Zionli lunggui haihaida lei, chili mibingna phei ngaphokra, lunghār china athumli konglui ngasakra. Kha ali shitkasanga mi chili makhayak ngasakmara.”

KHALATLUI 11:15

Kala nathumwui seihomphungli seizātla kharngasakra; kala nathumna zāda thotinghaora.

KHALATLUI 12:12

Chili nathum, nanaomayarabing, nanaongalāva̱bing, nathumwui rao mayarnao kala sha̱naobing kala nathumwui keinungli khalei shimlui mayarkasanga Levinaobing zangda Proho nathumwui Varewui mangāli ringphangarumra.

KHALATLUI 12:18

kha Proho nathumwui Varena kapangkhuiki kaji apam chili nathumwui Proho Varewui mangāli shaira, na, nanaomayara eina nanaongalāva̱, rao sha̱nao eina mayarnaobingla kala nathumwui keinungli khalei shimlui mayarkasanga Levibingla zangda Proho Varewui mangāli otsak khuikakā saikorali ringphāngarumra.

KHALATLUI 12:7

kala chili Proho nathumwui Varewui mangāli shaida nathumna mathānra; kasāsā kachiva̱li Proho nathumwui Varena somida nathumla, shimkhur katonga ringphāra.

KHALATLUI 8:10

Kala nathumna phāshak phazāda thochingra; khamathā ngalei khamiwui vang Proho nathumwui Vareli nathumna masot chigatra.”

1 TIMOTHY 6:17

Okathuili kashāngbingli malangso khavai kala akachang makhaning lanli machihān khavai, kha ot saikora ithumli ringphā khavai mavātla khame Vareli chihānthei khavai machinlu.

1 JOHN 2:28

Ara naoshinaobing, ali leichinglu, chithākha ana rāthanghon khayakta mangathumla pinglak eina samphangshapra.