JOEL 2:22 - Kathara Bible (BSI)

²² Mangacheelu, khararli khalei sāyur, lamhāngwui seizat timfahaira; thingrongna athei mathei, khaorārong kala drakhārong sorngasaida matheira.”

JOEL 2:22 Iomraidhean Croise

HAOKAPHOK 4:12

Nana lui vālala theishirai mathāda mashokluimara; okathuili na ara ramsom makhavaiya yāmkazata mi ngasāra.”

LAA 36:6

Nawui khamashung-khangarong Varewui phungrei thai; kala nawui bichar thukkhamatai kathuka thai; O Proho, mila, sāyurla nana huikhui.

LAA 65:12

Lamhāngwui seizātpam wonnui timda pemtaiya, kaphungbingna mathānthuphai,

LAA 65:13

seihomphung yaoshangna pemtinghai, luiwuk hupta māthei hammithai, khamathānwui vang athumna laa sāngarumda vaoshoka.

LAA 67:6

Ngaleina theishirai shokngasaka; Vare, ithumwui Varena ithumli somihaira.

ISAIAH 51:3

Kaja Prohona Zionli ning lumngasakra. Chiwui ramchopam saikorali ana ning lumngasakra, chiwui lamhāng Eden thāngasakra, chiwui siwukla Prohowui yāmgui thāngasakra; chili ringkaphā, khamathān, ningkashi khami, kala laakhon kashā samphangra.

EZEKIEL 36:30

Ina thingrong kala yāmguiwui heiun kachungkha ungngasakta, miyurbingwui mangāli kachām-khangaiwui maikashi chi matheiluimara.

EZEKIEL 36:35

Kha, ‘Ramcho lam hi Edenwui yāmgui thāhaira, kala sākazam kahai keinungla mi pānluida ngaziplak eina sākāluiserhaira,’ da athumna hāngra.

EZEKIEL 36:8

Kha O Israelwui kaphungbing, nathumva aphāng kachungkha shokta iwui mi Israelnaobingwui vang atheila matheira, kaja athum thākta shim hanungra.

JONAH 4:11

Chithākha uishong yāshong matheithangkhamei kahaka keinung mi lakh akha thing maga̱ lāngda khalei, kala sha̱keila kachungkha khalei Ninevehli I malumashan ngayimala?”

HAGGAI 2:16

nathum kathāda sāsākhala? Mi akhana shung maga̱ kazipkhuingai, kha shung tharāmāng samphanga; akhana drakhāra̱ surkhavaipamli khokthi hangphangā sokkhui khavai rai, kha maga̱māng samphanga.

ZECHARIAH 8:12

Kaja chingri eina yaosangra; drakhārongna athei matheira, ngaleina kashakazā chungmei mira, kazingna ikra̱ tāmira, kala ina saikora hi shākkahai mibingli khuingasakra.

1 CORINTHNAO 3:7

Chieina lingkasangla, tara̱ chaikhamela khikha maningmana, kha kharkhangasaka Vare china khamataiyana.