JOEL 2:20 - Kathara Bible (BSI)

²⁰ Atungshongwui mi khuithuihaora, katheng kala ramcho ngaleili kashamvāhaora, kharebingli zingsho shamadruvāk, khanaobingli zingtun shamadruvāk, chiwui eina kashui nganamshirut nganamshokra; kaja ana kahaka ot kachungkha sāmihaira.”

JOEL 2:20 Iomraidhean Croise

2 WUNGNAOBING 8:13

Chieina Hazaelna hānga, “Narao iya fa kathāna, chiyākha hakkhamahā ot ina kathāda sāshaprakhala?” Elishana ngahānkai, “Na Syriawui awunga sāra da Prohona ili chitheimihaira.”

LAA 126:3

Prohona ithumwui vang ot kahakva sāmihaira; ithum ringphai.

SHONGZĀ 10:19

Kala Prohona zingtunshongwui masi panglāk eina phanngasakta khaoh saikora Red Seali phansang ngasakserhaowa, kala Egypt ngaleili khaoh akhanidala maleilathuwa.

SHONGZĀ 8:14

Kala athumna akhum akhum eina kazipkhuida aram chi nganamshiruthaowa.

ISAIAH 34:3

Athumwui shaothat kahaibingli horshokhaora, kala kashui-nganam pemhaora; athumwui ashee phungreibingli longra.

EZEKIEL 47:18

“Zingshoshong, Hauran eina Damascus ngachaili khalei Hazar-enon eina thuilaga, Gilead eina Israelwui ngachai Jordan pharonda zingshoshongwui shamadruvāk Tamar vāshungra. Hi zingshoshongwui tharina.

AMOS 4:10

“Egyptli kasā thāda kazātkashi rāngasaka; nathumwui yaronnaobing raighaili ina chithita; ina nathumwui siguila khuithuimihai, nathumwui rāmrah nganamkashina nātāng kainanai sāmi; chithālala nathumna ili malatungmana,” da Prohona hānga.

ZECHARIAH 14:8

Chithanghon kharinga tara̱ Jerusalemwui eina urshokra, tangkhaina zingshowui shamadruli, kala tangkhaina zingtungwui shamadruli longvāra; sikachāngwui thāda lumkachāngla chithāchingra.

MALACHI 3:11

Nathumwui heiun shimān khangasaka chili ina machinda nathumwui luiwui theishirai masākazamara, kala luiwui drakhārongna athei makhamathei mavaimara da saikorawui Prohona hānga.

KHALATLUI 11:24

Nathumna phei naikasang pam kachiva̱ nathumwui sāra; nathumwui leiret lamhāng eina thuida Lebanon shangshungda, Euphrates Kong eina thuida zingtun shamadru vāshungra.