JOEL 2:2 - Kathara Bible (BSI)

² tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

JOEL 2:2 Iomraidhean Croise

LAA 10:6

Ana awui ningli phaninga, “Ili mangatha̱ ngasakrarlakmara; mithot peida I yangkashe masamphanglakmara.”

LAA 97:2

Muiyāla kala tangmangting kahai chila awui kuikhamareili lei; khamashung khangarong kala mashunna awui wungpamkhong rungkhavaina.

SHONGZĀ 10:14

Kala khaohbing chi rāda Egypt apam saikorali ngayaohaowa, chiyākha kachunga khaoh asum eina Egypt ngalei katongali rākapam chi ridala marāshokrangsai, lah naodala mashokluimara.

SHONGZĀ 10:6

kala navā ngarā lah nawo ngarāna okathui hili rāthang eina thuida aja rāshungda athumna matheilakrang kaji khaohbingna nawui shimla, nawui otshinabingwui shimla Egypt katongawui shim pemhaora.” Chiwui thili ana ngareithuida Pharaohwui eina shokhaowa.

SHONGZĀ 20:21

Kala Varena khaleipam muiyā kashāli Mosesna vānganaiya, kha mibingna khalāda nganinga.

ISAIAH 5:30

Yirei khangaphaokhon thāda chithanghon athumna chiwuitungli nirrāra. Kala kachikathāna ngalei kathengli yangakha tangkhamang eina kakhanang theira; kala kahor chi chiwui muiyāna tangmangphinhaora.

ISAIAH 8:22

kala athumna okathuili yangra, kha yanglu, kachotmāng, tangkhamangmāng, sipkasāwui khangamimāng theira; kala athumli ngamiting kahai chili horsang haora.

JEREMIAH 13:16

Nathumwui Proho Vareli sochikatlu; ana tangkhamang makhuirāranglakha, māmāchākahai phungreibingli phei mangaphokranglakha; nathumna kahor phāzatlakha ana chi tangmang ngasakra kala tangmangting ngasakhaora.

JEREMIAH 13:6

Kala zimiksho sha̱rakhawui thili Prohona ili hānga, “Ngakarthuida Euphratesli vālu, laga ina kakaso athishurda nana thumkahai malao chi akhuilu.”

CHAPCHĀT 1:12

“Rākhamakān nathum saikora, nathumwui vang chi khikha maningthula? Prohona malungvātlākhaithang, ana iwuitungli kakhanang khuirākhami thāda kakhanang katheihairala?

EZEKIEL 32:7

Nali ina shimitthang, kazing sākhammihaida; athumwui sirāla mahor ngasakmara; ina zimikli muiyā eina fakhamhaora, kachāngna awui kahor mamimara.

EZEKIEL 34:12

Yao kachichā eina kazat tharan yaokahomabingna aphākakhui thāda inala iwui yaobingli aphākhuira; kala kakhanang kachot atamli kachichāpāk eina kazat apam kachiva̱wui eina ina ngatangkhuiserra.

EZEKIEL 38:9

Nana siphan zingrot thāda mangāshong, ngaleili muiyā khangapui thāra, na eina nawui mina, kala rākhangachonbing zangda sorkhangasai raimi thānlaga muivāra.”

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

DANIEL 9:12

Ithumli kala ithumli khamungbingwuitungli makhamayā hāngkahai hakkhamahā kalāshāt chi ungshung ngasakhaira; kaja okathuili mashoklakrang kaje Jerusalemwuitungli shokhaira.

JOEL 1:6

Khikhalajila iwui ngaleili shānla makakhui kapanga yur akhana ngasunghaira; awui hā kazingkha̱wui hā thai, kala kazingkha̱ ava̱wui sārana thai

JOEL 2:25

Iwui raimi kachungkha chihoda, khaohyurna, khaohsomna, haori philāva̱na shaimi kahai zingkum chi ina hanmiluira.

JOEL 2:31

Zimikna tangmangtinghaora, kachāngna ashee onhaora; khangachee Prohowui zimiksho marāranglakha.

JOEL 2:5

Siguigariwui ngarungning kahai thāda, athumna kaphungtonli ngawokkai; meiwon mermer kachui thāda, māfala chuitai; kapinga raimi thāda raiwui vang ngarān kahaina.

JOEL 3:4

“O Tyre, Sidon kala Philistinewui ramrei saikorali khaleibing! Khikhakhawui vang nathumna ili athut kakhuila? Nathumna chithāra jiakha ina ngalāngda thaklāk eina athut khuida nathumwuitungli tāra.

AMOS 4:13

Kaja yanglu, kaphung kasaa, masi sākashoka, kala awui kaphaning mili hāngkhame, ngathorshong tangmang khangasaka, okathuiwui atungli kazata, ashangva̱wui Vare Proho chi awui mingna!

ZEPHANIAH 1:7

Proho VAREwui mangāli kasaikha pamlu; kaja Prohowui zimiksho nganaihaira; Prohona pha̱kaphayā akha ngarānhaira, kala awui mibingli tharchikathaira.

ZECHARIAH 14:6

Chithang kasik maleimara, phāmla matāmara.

MATTHEW 24:21

Kaja chitharan shokki kaji kakhanang kachot chi haokaphokwui eina thuilaga aja rāshungda mashoklakranga, kala mashokluilakmara.

MARK 13:19

Kaja chitharan atamli Varena okathui kasāwui eina thuilaga aja rāshungda mashoklakrang kaji kala mashokluilaki kaji kakhanang kachot shokra.

KHALATLUI 32:7

“Achālakhawui atam phaningunglu, thotbingwui zingkum machukyanglu; navāli ngahānlu, kala ana nali chitheimira; khararnaoli ngasanlu, athumna nali hāngmira.

HEBREWNAO 12:18

Israelnaobingwui thada nathumna sāza̱kapai Sinai kaphungwui mei, tangkhamang, khangami, siphan zingrot,

JUDE 1:13

Athuma shamadruwui sākashe ra̱ngaphao thada athumwui khayākhamala otsak chi amalao kashok thada phongshoka. Athum hi sirāpai kathāna, athumwui vang Varena makashimān tangkhamang chi ngarānmihaida lei.

PHONGKHAMI 9:2

Chieina ana leizingkhurwui akhur chi shohaowa, kala meifa shatrung kahaiwui meikhut thada, akhur chiwui eina meikhut ngapuishokuwa. Chieina akhur chiwui meikhut china zimikla kazingramla tangmangtinghaowa,