JOEL 2:19 - Kathara Bible (BSI)

¹⁹ Prohona awui mibingli ngahānkāda hānga, “Yanglu, ina nathumli, māngum, zam kala thao chihorāra; chieina nathum chirchomrihaora, kala yur khangateiwui mangāli nathumli mamana̱shi ngasakmara.

JOEL 2:19 Iomraidhean Croise

JEREMIAH 31:12

Athumna ungda Zionwui kajuitungli laa sāra; kala Prohowui kaphākasā chiwui vang athumna mathānra, athei-arai, drakhāra̱, thao hiwui vang, yaonao kala seinaowui vang; athumwui mirin tara̱ chaikhami yāmgui thāra, kala athumna makhanangluimara.

EZEKIEL 34:29

Kala ina athumwui luivāt heiun kachungkha mataisang ngasakta ngalei hili kathai-kachām matheimara; yurbingnala mamana̱shiluimara.

EZEKIEL 36:15

Kala nali ina yurbingwui mana̱kashe masā ngasakluimara, kala mibingwui maikashi nana maphungluimara kala nawui yurli phei mangaphoklui ngasakmara da Proho VAREna hānga.”

EZEKIEL 36:29

Kala ina nathumwui khamakhao saikorawui eina kanmira; kala ina kashakazā kachungkha shokngasakra kala nathumwuitungli chāmrei marālui ngasakmara.

EZEKIEL 36:30

Ina thingrong kala yāmguiwui heiun kachungkha ungngasakta, miyurbingwui mangāli kachām-khangaiwui maikashi chi matheiluimara.

EZEKIEL 39:29

kala iwui Manglā Israelwui shimkhurtungli sangkhami tharan athumli mayangkheiluimara, da Proho VAREna hānga.”

HOSEA 2:15

Kala chili ina awui drakhā yāmgui mira, kala Achorwui Leiwuk chi kachihānwui khāmong sāngasakra. Kala chili a ngalālakhawui thāda, kala Egypt ngaleiwui eina kashok atamwui thāda ngahānkāra.

HOSEA 2:21

Kala chithanghon ina kazingramli ngahānkāra; kala athumna okathuili ngahānkāra, da Prohona hānga;

HOSEA 2:22

kala okathuina māli, zamli kala thaoli ngahānkāra, kala athumna Jezreelli ngahānkāra;

JOEL 1:10

Lui sākazamhaida, ngaleina sifaya; kaja athei-arai sāshimānhaoda, ra̱shakshirei kānhaowa, thao thenghaowa.

JOEL 2:24

Lanpum mātheina pemluira, ra̱shakchigat kala thaona vaichum pemluira.

PĀNGMONSHI 26:5

Kala nathumwui heiun, zāt nilala, athei-arai nilala zingkum angasut ungshungda zāpeira, thochingra kala ningtāphup eina nathumwui ngaleili okthuira.

ZECHARIAH 8:12

Kaja chingri eina yaosangra; drakhārongna athei matheira, ngaleina kashakazā chungmei mira, kazingna ikra̱ tāmira, kala ina saikora hi shākkahai mibingli khuingasakra.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

KHALATLUI 11:14

ngalei chili luivāt atam chalāk eina ana khari-khanao zingrot tāmida zātla, nathumwui drakhāthei, nathumwui thao, kachungkha kazipkhuira.

RUTH 1:6

Chieina ana Moabwui eina arihāva̱ khanili thānphungda latung khavai sai; kaja Prohona awui mibingli yangkhamiwui vang kashakazā samphanghaira da ana Moab ngaleili leilakha shai.