JOEL 2:18 - Kathara Bible (BSI)

¹⁸ Chieina Prohona awui ngalei shivāmhaoda, awui mibingli lumashanmi.

JOEL 2:18 Iomraidhean Croise

2 WUNGNAOBING 19:31

kaja Jerusalemwui eina taishokra, kala Zion kaphungwui eina ringkasā khumkha shokra. Prohowui lungchan china hi sāmira.

LAA 103:13

Avāva̱na anaomayarali lukhamashan thāda, ali khangacheebingli Prohona lumashana.

LAA 103:17

Kha Prohowui makhangachei leikashi, katang makhavaiwui eina katang makhavai chi ali khangacheebingwuitungli lei, kala awui khamashung khangarong chi naongarābingwui naongarātungli lei;

ISAIAH 37:32

Kaja Jerusalemwui eina shāk kahai akha shokra, kala Zion Kaphungwui eina ringkashoka ashangva̱ akha shokra. Prohona sāngairereo kahai eina hi ungshung ngasakra.

ISAIAH 42:13

Prohona sashap-pangshapa thāda shoka, raimi thāda malung thuihaira; ana panglāk eina kaiya kala vaowa, awui yangkashebingli awui pangshap chithei.

ISAIAH 60:10

Yur kateibingna nawui phākho sakāmira, athumwui wungnaobingna nali otram ngatha̱ra; kaja iwui malungkhavātli ina nali shaowa, kha iwui ngahānkhangai lungli ina nali lumashanmi.

ISAIAH 63:15

Nawui kathara kala tekhamateipam, kazingram eina yangtāda katheimilu. Nawui sāngairareo kahai kala pangshap kali leili? Naningna ningkachāng kala lukhamashan chi iwui eina khuithuihaowa.

ISAIAH 63:9

Athumwui kakhanang saikorali ala khananga, kala awui mangāli khalei kazingraona athumli huimi; awui leikashi kala lukhamashanlungli ana athumli ngatangmi; achālakhawui eina athumli khāngkāda phungzata.

JEREMIAH 31:20

Ephraim iwui leikashia naomayarala? A iwui khaluma naola? Kaja ina ali makhamayā tui hangchinglala ali ina phaningungchinga. Chiwui vang iningna ali honchinga, kachangkhatta ina ali lumashanmira da Prohona hānga.

CHAPCHĀT 3:22

Prohowui makhangachei leikashi katang mavaimana, awui lukhamashan katang mavaimana;

ZECHARIAH 1:14

Chieina ili khangazeka kazingrao china ili hānga; vaolu, Hithāda saikorawui Prohona hānga: “Ina Jerusalem eina Zionwui vang mikpaishilaka.

ZECHARIAH 8:2

“Saikorawui Prohona hithāda hānga; Ina Zionli hakmahālak eina shivāma, kala ina kashivāmwui vang malungvātlakhaowa.

LUKE 15:20

Chieina ana ngakarthuida avāva̱li unga. “Kha ana katāva̱li zatta khalei chi avāva̱na kathei tharan awui wuklungli lukhamashana pemtinghaoda ngasamvālaga angavamkhuida ali maya̱ya.

KHALATLUI 32:16

Athumna makathei varebingli khorumda ali zimari ngasakhaowa; athumna ningkakachai ot sāda ali malungvātngasaka.

KHALATLUI 32:36

Raolapai, akhavalapai athumwui pangshap kānkahai chi theilaga; Prohona awui mili lumashanmira, khamashungla mashung ngasakra.

KHALATLUI 32:43

“Awui mibingli solu, O yur nathum; kaja ana awui raobingwui vang athut hāngsangmi, awui yangkashibingli athut khuida awui mibingwui ngalei tharngasaka.”

JAMES 5:11

athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.