JOEL 2:17 - Kathara Bible (BSI)

¹⁷ Khamong eina hanphut ngachaili Prohowui otram khangatha̱ pāngmonbing; chapngachāda “Nawui mibingli huimilu, Proho! Nawui malungkhavāt, miyur kateina mana̱shi khavai masāmialu, ‘Athumwui Vare kali leikhala’ da athumna khi hāngkhavai lei.”

JOEL 2:17 Iomraidhean Croise

1 WUNGNAOBING 6:3

Shimreiwui mangāli khalei yāngkhup chi ungshung vāshungda shim chiwui asān-aretli ngaraichāda khuining maga̱ kala shim pharonkashok chila khuining tharā jiya.

1 WUNGNAOBING 9:7

ina athumli mikahai lam chiwui eina Israelli katatshokhaora; kala imingwui vang ngasāra da tharchigat kahai shim chila iwui mikyanwui eina horhaida Israel hi miyur saikorawui chānjam, kala meisumtui ngasāhaora.

2 THOTRINCHĀN 7:20

ina nali mikahai ngalei hiwui eina kashamhaora; kala imingwui vang tharchigat kahai shim hila iwui mikyanwui eina katāva̱li horhaida mibingwui chānjam kala tantaktui ngasāhaora.

2 THOTRINCHĀN 8:12

Shimphowui mangāli sākahai hanphut chili Solomonna rikkatā hanphut chigata;

NEHEMIAH 9:36

Yanglu, aja ithum raonao sāda lei; athei-arai, kala khamathā, ringphā khavai ishāvā ngarāli nana mikahai lam chili, yanglu, ithumna mirao sāda lei.

LAA 115:2

“Athumwui Vare kali leikhala” da yurbingna khi hāngkhavai lei!

LAA 42:10

Thikhavai khamā iphasāli leihaoda yankakasaibingna ili zeilaga “Nawui Vare kali leikhala?” da hānga.

LAA 42:11

Khisāda sifakhala, O imanglā, khisāda iningli chingri makahaikhala? Vareli chihānlu, kaja ina ali masot chigatluishitra, iwui ngachonme, kala iwui Vareli.

LAA 42:3

Ngashun ngayā iwui chara̱na kashakazā sai, mibingna ili ngahānchinga, “Nawui Vare kali leikhala?”

LAA 42:4

Ina iwui ning kakhalā tharan, hibing hi phaningunga: yarui ashangvana phanit salakha ringkaphawui khavao kala ningkashiwui laasak eina ngasoda ina yaruili kathada ngayurzatsā, athumli kathada khorumshimli thānvāsā khala kaji.

LAA 74:10

O Vare, yangkashebingna karankha mana̱shira? yangkashena namingli mashātchingrala?

LAA 79:10

“Athumwui Vare kali leikhala” da miyurbingna khisāda hangrakhala? Naraobingwui ashee tākhangasakwui vang athut kakhui chi miyurbingli theikhangasak chi ithumwui mikna theiranu.

LAA 79:4

Ithum khongnainaowui zeikhavai ngasāhaira, ithumli kuimareida khaleibingna zeikharuida mana̱shiya.

LAA 89:41

Khaung khavā saikorana ali sākazama, awui khongnaiwui mana̱shi khavai ngasāhaira.

LAA 89:51

khieina nawui yangkashena manashi, O Proho, khieina nawui yangkashebingna thao neomikahaia awui pheikarli mana̱shikhala.

SHONGZĀ 34:9

Kala ana hānga, “Ara ili nana nawui mikyanli lumashanmiakha, O Proho, ina nali seihā sāli, ithumli khangasozatmilu, miyurbing hi hāngda makhuilala Prohona ithumwui khalāng morei pheomihaida nawui shimlui miki kaji chili kathānvāmilu.”

ISAIAH 22:12

Chithanghon saikorawui Proho Varena sikafa kala chapkhangachā, kui sikatā, bora khangavai atam khuirāra,

ISAIAH 37:20

Chiwui vang eina O Proho, ithumwui Vare, arui kakanmilu. Chithāda okathuiwui wungram saikorana Vare chi namānga da theikhuira.”

EZEKIEL 20:9

Kha imingwui vang phaninglaga, Egypt ngaleili I khipākhala da chithei kahaiwui vang, athum miktāli masāchitheimara da khikha makathāna.

EZEKIEL 8:16

Chiwui thili ana ili Prohowui shimwui zangkhamayar yāngkhupli thānzanga; kala yanglu, Prohowui khorumshim khāmongli, makān khavai yāngkhup eina hanphutwui ngachaili, mi maga̱da phangā sha̱kha Prohowui khorumshimli khana̱rorlaga zingshoshong ngareivāda zimikli khorumsai.

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

JOEL 1:13

O pāngmonbing! bora ngavailaga chapngachālu, O hanphutwui otram khangatha̱bing sifalu, O iwui Varewui otram khangatha̱bing ngayā bora ngavaipilu! Khikhalajila Varewui shim eina tharāzat kachigat, ra̱shakchigat khāmserhaira.

JOEL 1:9

Tharāzat, ra̱shakchigat katathaira. Prohowui shim eina pāngmonbing, otram khangatha̱bingna sifaya.

AMOS 7:2

Ngalei chiwui khawo athumna shaikhupmi kahai thili ina hānga, “O Proho Varivara, kapheomilu, ina nali poli! Jacobna khi sāthukrakhala? Ava kateonaona!”

AMOS 7:5

Chieina ina hānga, “O Proho VARE! ngasāmmihaolu, ina nali poli! Jacobna kathāda nganingrarrakhala? Ava kateonaona!”

MICAH 7:10

Chiwui thili iwui yangkashena theira, kala “Nawui Vare Proho kali leikhala?” da kahāngpāva̱ khayāmalāra. Imikna ali yanggazira kala chānreiwui chifa thāda naikazamra.

MALACHI 1:9

Ara Varewui lukhamashan polu, chieina ana ithumli lumashanmipaira. Nathumwui hikathā kachigat hieina ana nathumli lumashanmipairala? da saikorawui Prohona hānga.

MISHĀN 25:6

Kala yanglu, Israelwui mi akhana Midianwui sha̱nao akha ashi shimli khuiunga, khuikhaung chi Moses kala Israel yarui ashangva̱ kazip khavai kachonshimwui khāmongpheili athumna chapngachāda leilakha katheina.

MATTHEW 23:35

okathuili khayon makhaleibingwui ashee tākahai saikora; chiya khayon makhalei Abelwui ashee eina thuilaga Barachiahwui naomayara Zechariah eina tangda nathumna kathara khorumshim eina hanphutpamwui ngachaili shaokathat saikora nathumwuitungli tāra.

MATTHEW 27:43

Ana Vareli chihāna, ana ningchāngakha Varena arui ali rākankhuihaoranu, kaja ana ‘I Varewui Naomayarana’ da hānga.

KHALATLUI 28:37

Kala Prohona nathumli khuikhavā pam kachida ngachee-ngachāda kachipā chānjam sākhavai, meisum tantakli mana̱shivaira.

KHALATLUI 32:27

yangkashebingna lāngsoda, Israelli ithumna shimān khangasakna, Prohona maningmana’ da hāngpaishina kajiwui vangna.

JOSHUA 7:9

Kaja Canaannaobing kala ngalei chili kapambingna hi shālaga ithumli rakuinamra, kala ithumwui ming okathuiwui eina katathaora; kala nawui hakkhamahā mingwui vāng nana khi sārakhala?”