JOEL 2:16 - Kathara Bible (BSI)

¹⁶ yaruili kazipkhuilu. Yarui kakazip chi tharngasaklu, ararbingli ngahotkhuilu; naoshinaobing, angangnaola ngakuikhuiserlu. Khām kahaia china awui kā eina shokranu, kala mākhām kahaiva̱nala awui kā eina rāranu.

JOEL 2:16 Iomraidhean Croise

2 THOTRINCHĀN 20:13

Judahwui mi saikorana athumwui naoshinaobing, naongarā, preiva̱ ngarāli ngasoda Prohowui mangāli nganingsera.

2 THOTRINCHĀN 29:5

“Levinaobing, nganālu! Nathum khalatta tharmathenglu, navā ngarāwui Proho Varewui shimla tharmatheng ngasakta katharapamwui eina khamakhao khuishokserhaolu.

2 THOTRINCHĀN 30:17

Kaja kazip chili matharkhamatheng mi kachungkha leisahaowa; chiwui vang, Prohowui mangāli tharmatheng khavai Levinaobingna makathara saikorawui vang makānkhami phanitwui yao taithata.

2 THOTRINCHĀN 30:19

kathara shimwui ain athishurda mangaranglala avāva̱ ngarāwui Proho Vareli kaphā mi kachiva̱li pheomiranu.”

2 THOTRINCHĀN 35:6

Kala makānkhami yao chi taithatta nathum khalatta tharkhuilu, kala Prohowui tui Mosesli hāngmi khangasak athishurda nathumwui chinaongarāwui vangla ngarānlu.”

JOBWUI LAIRIK 1:5

Kala athumna morkasong kupkahaiwui thili, Jobna athumli hokhuida tharngasakmichinga, kala ana ngathorthakva̱ ngakarthuilaga athumwui mashing athishurda rikkatāchigat pha̱kaphayā chigatmimi ji; kaja Jobna “Inaomayara ngarāna morei sāhailaga athumwui ningli Vareli khonshi kahaila leipai” da hānga. Jobna chithāda sāchinga.

LAA 19:5

shakazā mayarana shimlungwui eina kashok thāda, kala kapanga mi akhana mathānthup eina shongzā khangakhui thāda yongzata.

SHONGZĀ 19:10

Kala Prohona Mosesli hānga, “Mibingwuili vāda aja eina akhama tharchigat ngasaklu; athumwui kashankachon ngasa̱ ngasaklu;

SHONGZĀ 19:15

Kala ana mibingli hānga, “Kakathumathang chi khangarān sāserlu, sha̱nao ngalemli mavālu.”

SHONGZĀ 19:22

Kala Prohowui ngalemli rāki kaje pāngmonbing china athum khalatta tharchigatranu; chi maningakha Prohona tandi mira.”

JOEL 1:14

Kathar eina khumlu, khamashung eina kaziplu, Khararnaobing kala ngalei hili khalei mi katonga hokhuilu, kala nathum Vare Prohowui shimli Proholi ngakaolu.

MATTHEW 21:16

chieina athumna ali hānga, “Athumna hāngda khalei hi na shālā?” “Mha, naoshinaobing eina angangnaobingwui khamor eina kākashunga masot kachikat nathumna khuirāhaira’ da kapi kahai chi nathum mapākhuihaira?”

MATTHEW 9:15

Chieina Jishuna athumli hānga, “Shakazā mayarana athumli ngasopamda leilakha shakzātli kharā mibingli chikhumpairalā? Shakazā mayara chili athumwui eina khuikathui atam rārāsara: chithang athum khumnaora.

1 CORINTHNAO 7:5

Seihā sākhui khavai khaninina mayāngarokta atam kasha̱nakhawui vang pākkhangarok maningakha akha eina akha mamayā khangarok masaalu, pāksālala ngakumluishitlu, maningakha khalatta mangarinkharar eina Satanwui kasuili tazanghaipaishina.

JOSHUA 7:13

Nganingkālu! mibingli thar ngasaklu kala hānglu, akhamawui vāng nathum khalatta tharlu; kaja Israelwui Proho Varena hithāda kahāngna: ‘O Israel, nathumwui alungli sākathān kahai otbing leidalei; nathum alungwui eina otbing chi makhuithuiranglakha eina tangda, nathumwui yangkashebingli nathum mangasungrarmara!’

JOSHUA 8:35

Mosesna kaso kahai chili Joshuana Israel katonga, sha̱nao, naoshinao kala athumwui alungli pankharuma kha̱mi saikora chiwui kazip chili, mapāshokkhangakān tui akhala maleimana.

1 SAMUEL 16:5

Chieina ana, “Chingri eina kharāna; Proholi pha̱phayā khavai kharāna” da ngahānkai; kala “Nathum khalatta tharchigatlu, kala pha̱kaphayā hili ili ngasoda rālu” da hoi. Kala ana Jesseshi vānaongarāli tharchigatmi, kala athumli pha̱kaphayāli hosanga.