JOEL 2:12 - Kathara Bible (BSI)

¹² “Kha aruila” Prohona hānga, “ningtongda kakhum eina, sifada chapsasui,

JOEL 2:12 Iomraidhean Croise

2 SAMUEL 24:10

Kha mi mashing shānkhui kahaiwui thili David ning sāza̱haowa. Kala ana Proholi hānga, “Ina kasā hi nguilakhaira. O Proho, ina poli narao iwui khayon hi kapheomilu, kaja ina mangma̱lak eina sāhaira.”

2 THOTRINCHĀN 30:6

Awungana kala awui wungnaobingna kakapi chithi paophungabingna Israel eina Judah apam saikorali vāpeida phungvai. Kala chithi chili awungana hithāda hānga; “O Israelwui mibing, Abrahamwui, Isaacwui kala Israelwui Proho Vareli latungserlu, chithākha Assyria awungabingwui pangwui eina shākkahai nathumlila ana latungra.

2 THOTRINCHĀN 6:27

nana kazingramli shakāmida, narao Israel mibingwui morei kapheomilu; kala nana sāngasak khangai chi tamchitheimida, nawui mibingli shimlui sāda mikahai ngalei chili kazing kharotāmilu.”

ESTHER 4:16

“Zatlu, Susali khalei Jehudi saikora phākhuida iwui vang kakhum eina pamlu; ngashun ngayā kathumthang khikha mazā mamangalu. I eina iwui rao sha̱naobingla nathumwui thāda khumra. Chiwui thili, ain maninglala ina awungawuili vāra; kala chili I thikha thihaira.”

SHONGZĀ 33:5

Kaja Prohona Mosesli hanghairasai, Israelnaobingli hānglu, “Athum hāngla makakhui mimānga; ina nathumli hunkha ngasoshangsi kaja, ina nathumli mutmihaipai. Chiwui vang eina nathumwui sāri khuishokhaida ina khi sāra kaji theikhuipaira.”

ISAIAH 22:12

Chithanghon saikorawui Proho Varena sikafa kala chapkhangachā, kui sikatā, bora khangavai atam khuirāra,

ISAIAH 58:4

Yanglu, nathumna nganang ngazai khavai kala makhayā pāngngashum eina shirkhavaiwui vangmāng khuma. Aruihon nathumwui kakhum hikathā hina nathumwui khavao atungshong mashākā ngasakmara.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

JEREMIAH 36:7

Mi kachiva̱na awui makaphā apongwui eina latungda athumna kapo Prohowui mangāli vāshunglapai, kaja mibingli Prohowui malungkhavāt hakmahālaka.”

JEREMIAH 4:1

“Nana latungakha, O Israel, da Prohona hānga, na ili latungphalungra. Nawui ningkakachai otsak hupta iwui mangāwui eina horserhaida ning mayaoyaakha

JEREMIAH 4:2

kala ‘Prohona theira’ da awui mingli mingzaida akachang eina, mashun eina, kala angatar eina ngashitshapakha, yurbing awui lungli sokhami samphangra, kala awuili athumna tekmateira.”

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

HOSEA 12:6

Chieina nawui Varewui khangachon mangā eina latunglu, leikashili kala mashunli nganingtitlu, kala nawui Vareli mathāhailakla ngaraichinglu.

HOSEA 12:7

Pāngli makhamashung khān tamkhavai kasinga leih khayorana, kateikazāli akachang sai.

HOSEA 14:1

Latunglu, O Israel, Nawui Proho Vareli, kaja nawui khayonkhamāngwui vang na kongluihaira,

HOSEA 6:1

Athumna hithāda hānga, “Ithumli sākazamhailala ana ngahākhuimi khavai, shaokazazamhailala ana ngafakhuimi khavai, ithum Proholi mai ngareiungluishitsa.

JOEL 1:13

O pāngmonbing! bora ngavailaga chapngachālu, O hanphutwui otram khangatha̱bing sifalu, O iwui Varewui otram khangatha̱bing ngayā bora ngavaipilu! Khikhalajila Varewui shim eina tharāzat kachigat, ra̱shakchigat khāmserhaira.

ZECHARIAH 7:3

kala saikorawui Prohowui shimli khalei pāngmonbing eina marānbingli ngahān khavai chihovāda hānga, “Zingkum hirankha ina sākharā hithāda, kachāng kaphangāli chapta khumluirala?”

ZECHARIAH 7:5

“Ngalei chiwui mi saikora kala pāngmon saikorali hānglu, Nathumna kachāng kaphangā eina kashineli zingkum hangshini khumda kachap chi, iwui vangla?

MALACHI 1:9

Ara Varewui lukhamashan polu, chieina ana ithumli lumashanmipaira. Nathumwui hikathā kachigat hieina ana nathumli lumashanmipairala? da saikorawui Prohona hānga.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

WUNGVA̱-WUNGVĀ 2:4

Prohowui kazingrao china tui saikora hi kahāng shālaga Israelwui mibingna vaoda chapngachai.

WUNGVA̱-WUNGVĀ 20:26

Chiwui thili Israelwui mi saikora, raimi katonga Bethelli kāda chapa; athumna Prohowui mangāli pamda ngazin eina tangda kakhum eina rikkatā kachigat kala ningyatchigat Proholi chigata.

1 SAMUEL 7:3

Chieina Samuelna Israelwui shimkhur saikorali hānga, “Kalikhada nathumna Proholi nathumwui ningyang tongda hanungda leiakha, yur khangateiwui varebing kala Ashtaroth, nathumwui alungli khalei chi horhaolu, kala Proholi nathumwui ning ngareiunglu, kala amāngli otram ngatha̱akha, ana nathumli Philistinenaobingwui pāng eina ngatangkhuimira.”

1 SAMUEL 7:6

Chiwui vang athumna Mizpahli akazipsera kala tara̱ asoklaga Prohowui mangāli heishokta, chithang kakhum eina pamda hānga, “Prohowui mangāli ithum morei sāhaira.” Kala Mizpahli Samuelna Israelwui mibingli bichar sāmi.