JOEL 2:11 - Kathara Bible (BSI)

¹¹ Awui raimimāngli Prohona vaoda hānga, kaja awui ashangva̱ hakmahālaka, kahāng athishurda kasāpā chi panglaka. Kaja Prohowui zimiksho haklaka, kala sāshilaka; khipāna khāngshaprakhala?

JOEL 2:11 Iomraidhean Croise

LAA 18:14

Kala ana awui malāthing chaiyang eina chihoshoka; rikhānla ana ngashei ngasakta athumli sākathāna.

LAA 46:6

Miyurbingna malungvāta, wungrambing nganuka; ana awui akhon vaowa, okathui menga.

LAA 68:18

Narkahaibingli thānda nana kaphung kajuili kai; mibing kala ngakaikashebingwui einala kachigat khuiya; kaja apam chi Prohona sompam khavaina.

ISAIAH 13:4

Nganālu, mi kachungkhawui khon thāda phungreitungli ngurngur kahai chi! Nganālu, wungrambingwui khonkazar chi; miyurbingwui kazip khangarum chi! Saikorawui Prohona rai ngarar khavai raimi ashangva̱ kazipta lei.

ISAIAH 42:13

Prohona sashap-pangshapa thāda shoka, raimi thāda malung thuihaira; ana panglāk eina kaiya kala vaowa, awui yangkashebingli awui pangshap chithei.

ISAIAH 7:18

“Chitharan Egyptwui kong khamorli khalei hāchāng kala Assyria ngaleili khalei khui Prohona masikhon eina hokhuira.

JEREMIAH 25:30

“Chiwui vang, tui saikora hi athumli nana marānlu, kala athumli hithāda hānglu: ‘Prohona atungshong eina khangangtāra, kala awui katharapam eina matuira; awui mili ana mamayāmada khangangra, kala drakhāra̱ kasurbingna khavao thāda, okathuili okathuiya saikorali makhamayāwui vang vāoshokra.

JEREMIAH 30:7

Iyavo! zimiksho chi hakkhamahā, chithāda maleilakranga; Jacobwui vang kakhanangwui atamna; chithalala ali chiwui eina kanshokra.”

JEREMIAH 50:34

Athumli Ngatangkhame pangshap khaleia, saikorawui Proho hi awui mingna. Ana mashoila athumwui vang nganingmida okathuili chingrihai ngasakra, kha Babylonwui mibingli chingri mahai ngasakmara.”

EZEKIEL 22:14

Ina nali kharāk chitharan nathum khāngshapralā, lah nganingshapra̱la? Proho ina hāngkahaina, kala hi ina sāra.

JOEL 1:15

Prohowui atam nganaihaira, chithang iyavo! Sashap-pangshapawui eina kashimān chi kharāna.

JOEL 1:6

Khikhalajila iwui ngaleili shānla makakhui kapanga yur akhana ngasunghaira; awui hā kazingkha̱wui hā thai, kala kazingkha̱ ava̱wui sārana thai

JOEL 2:1

Zionli talla̱ khonglu, ning ngashar khavai iwui kathara kaphungtungli chi khonglu! Apam kachiva̱wui mina kathirranu, kaja Prohowui atam rārāli, nganaihaira,

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

JOEL 2:25

Iwui raimi kachungkha chihoda, khaohyurna, khaohsomna, haori philāva̱na shaimi kahai zingkum chi ina hanmiluira.

JOEL 2:31

Zimikna tangmangtinghaora, kachāngna ashee onhaora; khangachee Prohowui zimiksho marāranglakha.

JOEL 3:14

Mi kachung, mi kachung, bichar sākhavai tampākli! Kaja Prohowui zimiksho nganaihaira, bichar sākhavai tampākli.

JOEL 3:16

Zionwui eina Prohona khanganga, kala Jerusalemwui eina akhon vaorai, kala kazing eina okathui nganuka. Kha awui mibingwui vang Prohova ngayin khavaina. Israelwui vang raipanna.

AMOS 1:2

Kala ana hānga: “Prohona Zionwui eina khanganga, kala Jerusalemwui eina akhon vaowa; yaokahombingwui seihomphung sifaya, Carmel Kaphungton thenga.”

AMOS 5:18

Prohowui zimiksho kakahaobing ringkashi ngasāranu! Nathumna khiwui vang Prohowui zimiksho chi ningchangda? Chiya kahor maningla tangkhamangna.

AMOS 5:20

Prohowui zimiksho chi kahor maningla tangkhamang maningmalā, kala kahor makhalei kazingkashi kathā maningmala?

OBADIAH 1:15

“Khikhalajila yur saikorali Prohowui atam rākida nganailakhaira. Nana sākahai tākam eina nalila sāmira, nawui otsak chi nali latungra.

NAHUM 1:6

Awui malungkhavāt chili khipā nganingshapra? Awui malungkakangwui kasā chili khipa khāngshapra? Awui malungkathui mei thāda chuishoka, lunghārla ana kaitham ngasakhaishapa.

MALACHI 3:2

Kha ana kharā zimiksho chili khipāna khāngshaprakhala, kala a kharā tharan khipāna nganingshapra? Kaja a hiya sharkha̱wui mei kathāna, kala kachon khangasa̱wui sāpon kathāna;

MISHĀN 24:23

Kala ana hāngki kaji chi hānga, “Iyavo, Varena hi shokkhangasak tharan, khipāna ringrakhala?

1 THESSALONICANAO 4:16

Chithang ningkhamiwui kakaso khavao, kazingrao akhavāwui akhon, kala Varewui talla̱khon eina ngasoda Proho a khalatta kazingramwui eina rāra. Khristali shitsangda thikahaibingna rida ringshokra.

PHONGKHAMI 18:8

Awui kasaka tandi thangkhawui alungli rāra; sākazāt chapkhangchā kala zāt kasak rāra, ali meina chuithathaora; kaja ali bichar kasaa Proho Varivara chi Pangshap sāshapana”.

PHONGKHAMI 6:17

kachiwui vangkhala kaja athumwui malungkhavātwui kahaka zimiksho rāhaira, khipāna nganingshaprakhala?”