JOEL 2:1 - Kathara Bible (BSI)

¹ Zionli talla̱ khonglu, ning ngashar khavai iwui kathara kaphungtungli chi khonglu! Apam kachiva̱wui mina kathirranu, kaja Prohowui atam rārāli, nganaihaira,

JOEL 2:1 Iomraidhean Croise

1 THOTRINCHĀN 15:28

Chithāda sāda Israel saikorana Prohowui tuingashitwui oko chi vaolaga angajikhon, talla̱ ̱, kortar, kala tingteilā eina lyre ngasoda unga.

LAA 119:120

Nali khangacheena iphasā kathira, kala nawui bicharli ina ngacheeya.

LAA 87:1

Ana sakakā keinung kathara kaphungtungli lei.

SHONGZĀ 10:14

Kala khaohbing chi rāda Egypt apam saikorali ngayaohaowa, chiyākha kachunga khaoh asum eina Egypt ngalei katongali rākapam chi ridala marāshokrangsai, lah naodala mashokluimara.

ISAIAH 13:6

Chapngachālu, kaja Prohowui zimiksho chi nganaihaira; Sāshap-pangshapawui eina sākashimān rāra!

ISAIAH 13:9

Yanglu, Prohowui zimiksho chi rārāli, sākashi, malungkhavāt eina malung thuilak kahai eina ngasoda, okathui ngachakyāng ngasakhaida, chiwui alungli khalei morei kaphungbing shimān ngasak khavai.

ISAIAH 2:12

Kaja lāngkaso kala masosei kahai, mina lumkakā kala khāngkachikata athumli saikorawui Prohona makhamayā atam lei;

ISAIAH 66:2

Ot saikora chi ipāng eina sākhui, chieina ot saikora hi iwuina da Prohona hānga. Kha ina yangki kaji mi chiya, malungkhanim kala ningkhangatei, kala iwui tuili ngacheeda kakathira china.

ISAIAH 66:5

Prohowui tui nganālu, awui tuili kakathira nathum; “Imingwui vang ningkachaida nathumli horshok kahai nachinā ngarāna hānga, ‘Proholi tekmateiranu, chieina ithumnala nathumwui ringkaphā chi theira; kha maishi ngasakki kaji chi athumlina’.

JEREMIAH 16:10

“Nana tui saikora hi mibingli kahāng tharan, kala athumna, ‘Khiwui vang Prohona ithumli mamayāla hiyākha kharit tui hanghao? Ithumwui morei khi leihao? Ithumwui Vare Proholi ithumna khi morei sāhaokhala?’ da hāngsaakha,

JEREMIAH 16:7

Kathiwui vang sifada khalei athumli ning ringphā khavai khipānakha khong makhaisangmimara; kala ava̱ avā kathiwui vang ning lumkhavai mamimanglakmara.

JEREMIAH 4:5

Judahli hānglu, kala Jerusalemli vaomalānlu, “Ngalei saikora vāshungda talla̱ khonglu, panglāk eina vaoda hānglu, ‘Kazipkhuilu, ithum khangazipa keinungbing chili ungusa!’

JEREMIAH 5:22

Nathum ili mangacheemala? da Prohona hānga; iwui mangāli nathum makathirmala? Ina shamadruwui vang da situi eina makhangacheiya thari sāmi, tara̱na kapheshoklala athumna mayuirarmara; tara̱na ngaphaolala, china makānshokrarmara.

EZEKIEL 12:23

Chiwui vang eina athumli hānglu, ‘Proho VAREna hithāda hānga: Chānsam kasā hi ina ngalatmihaora, kala chi athumna Israelwui alungli chānsam masāluilakmara.’ Kha athumli hānglu, mahākhami kachiva̱ ungshungki kaji atam nganaihaira.

EZEKIEL 21:12

Sifada chapngachālu, miwui naomayara, iwui mibingli sākikajina; Israelwui wungnaobingli sāki kajina; athumli iwui mi saikorali ngasoda horsang kahaina. Chiwui vang nakhaishāngli shātlu.

EZEKIEL 30:3

Atam ungshungrāli, Prohowui atam nganaihaira; tangkhamanga zimik ngasāra, yurbingwui kashimān atamna.

EZEKIEL 33:3

mipā china raighai chi kharā theida, talla̱ khongda mibingli hāngmathinlaga;

EZEKIEL 33:6

Shantripāna raighai kharā chi theilaga talla̱ makhongmimada mibingna raighai kharā chi makatheiwui vang kachikathāli rāsāthathaiakha, mipa chi awui khayon eina kathina jilala awui kashong chi shantripā chiwuitungli ina tāngasakra.”

EZEKIEL 7:10

Yanglu, zimiksho chi! Yanglu, chi rāhaira. Nathumwui athit rāhaira, makhamashung wonphokhaira, langkaso shonshokhaira.

EZEKIEL 7:12

Atam chi rāhaira, zimiksho chi nganaihaira. Khalona mamathānaranu, lah khayorna wukmakhanangaranu; kaja malungkhavāt hi saikorawuitungli tāki kajina.

DANIEL 6:26

Iwui wungramli khalei saikorali ina kakaso khamina, kaja mibingna Danielwui Vareli ngacheeda khayāshiranu, kaja ava makashimān kharinga Varena; awui wungram masāshimānlakmara, kala awui khamung katongali vāshungra.

DANIEL 9:16

O Proho, nawui khamashung otsak saikorawui athishurda nawui kathara kaphung, Jerusalemwui eina nawui malungkhavāt chi ngareithuihaoranu; khikhalajila ithumwui morei kala ishāvā ngarāwui moreiwui vang Jerusalem kala nawui mibing hi kuikhamarei khongnainaobingwui meisum tantak chānjam ngasāhaira.

DANIEL 9:20

Seihā sāda, iwui morei, iwui mibing Israelwui morei hāngphata, awui kathara kaphungwui vang ina Vareli poda;

HOSEA 5:8

Talla̱ khonglu, Gibeahli, Ramahli khonglu. Ngashar khavaikhon Bethavenli khonglu; kathirlu, O Benjamin!

HOSEA 8:1

Talla̱ chi namorchaili khāngkālu, kaja khalāngsāsha akha Prohowui shimtungli pa̱da lei. kaja athumna iwui tuingashit sākhaihaira, kala iwui ain kaihaira.

JOEL 1:15

Prohowui atam nganaihaira, chithang iyavo! Sashap-pangshapawui eina kashimān chi kharāna.

JOEL 2:11

Awui raimimāngli Prohona vaoda hānga, kaja awui ashangva̱ hakmahālaka, kahāng athishurda kasāpā chi panglaka. Kaja Prohowui zimiksho haklaka, kala sāshilaka; khipāna khāngshaprakhala?

JOEL 2:15

Zionli talla̱ khonglu; kathar eina khumlu; khamashung eina kaziplu;

JOEL 2:31

Zimikna tangmangtinghaora, kachāngna ashee onhaora; khangachee Prohowui zimiksho marāranglakha.

JOEL 3:14

Mi kachung, mi kachung, bichar sākhavai tampākli! Kaja Prohowui zimiksho nganaihaira, bichar sākhavai tampākli.

JOEL 3:17

“Chieina iwui kathara kaphung Zionli somkapama, I Proho nathumwui VAREna da nathumna theira, Kala Jerusalem kathara ngasāda miyur khangatei chili mazatluimara.

AMOS 3:6

Keinungli talla̱ khonglaga makhangachee kali lei? Prohona kasā maningla kathāda keinungli kalākashi tāpaira?

AMOS 5:18

Prohowui zimiksho kakahaobing ringkashi ngasāranu! Nathumna khiwui vang Prohowui zimiksho chi ningchangda? Chiya kahor maningla tangkhamangna.

AMOS 8:2

Kala ana hānga, “Amos, nana khi theikhala?” Chieina Ina ngahānkai, “Lumkachāngwui athei lukkhatkha thei.” Chieina Prohona ili hānga, “Iwui miyur Israelwuitungli khangachang atam rāhaira; Ina athumli chi mangacheimilui mara.

OBADIAH 1:15

“Khikhalajila yur saikorali Prohowui atam rākida nganailakhaira. Nana sākahai tākam eina nalila sāmira, nawui otsak chi nali latungra.

ZEPHANIAH 1:14

Prohowui kahaka zimiksho chi nganaihaira, nganaihaira, thaklāk eina rārāli; Prohowui zimikshowui akhon chi khāshihai, pangshapa mi chi chili ngavao tarangra.

ZEPHANIAH 1:16

raipan ngaveiphin kahai keinung kala hakkhamahā ngararphungli talla̱ kakhong eina raikhon khangavao zimikshona.

ZEPHANIAH 1:7

Proho VAREwui mangāli kasaikha pamlu; kaja Prohowui zimiksho nganaihaira; Prohona pha̱kaphayā akha ngarānhaira, kala awui mibingli tharchikathaira.

ZEPHANIAH 3:11

Chithanghon nali makhayak ngasakluimara, ili ngakaishida sākahai otsak chiwui vang; kaja ina nathumwui alungwui eina lāngkasobing chi khuishokhaora, kala iwui kathara phungreili nathum malāngsoluimara.

ZECHARIAH 14:1

Yanglu, nawui eina ngaponkakhui ot chi nawui miktāli ngayarki kaji Prohowui zimiksho rārāli.

ZECHARIAH 8:3

Prohona hithāda hānga: Ina Zionli latungra, kala Jerusalemwui alungli pamra, kala Jerusalemli ningkatong keinung kala saikorawui Prohowui kathara kaphung hohaora.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MISHĀN 10:2

“Lupāsāwui talla̱ khani sākhuilu; kala chi nathumna yaruili kathongkhui khavai kala ngathān khavai sālu.

MISHĀN 10:3

Khani chi rip sāda kakhong tharan mi katongana kazip khavai kachonshimwui zangkhavaili rākazipra.

1 CORINTHNAO 14:8

Kala talla̱ kakhongana mi khangahotwui talla̱khon mathālak eina makhongakha raili vāusa kajina da khipāna theira?

PHILIPPINAO 2:12

Chieina, iwui leikashebing, nathumna atam kachida kahāng nganā kahai thada, aruila, imiktāmāngli maningla kha lāngmeikharda I makhalei tharan Vareli khangachee kala kachiham eina nathumwui huikhami chi mapung phakhavai hotnakhuilu.

1 THESSALONICANAO 5:2

Kaja khalena ngayāshong kharā thada Prohona rāra kaji hi nathumna theikazak kahaina.

JAMES 5:8

Nathumla khāngtheiphalungra. Nathumwui kachihān ngatar ngasaklu, kaja Prohowui kharā zimiksho nganaihaira.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

PHONGKHAMI 6:17

kachiwui vangkhala kaja athumwui malungkhavātwui kahaka zimiksho rāhaira, khipāna nganingshaprakhala?”