JOEL 1:2 - Kathara Bible (BSI)

² Nganālu, O khararnaobing, shākhuilu, ngalei hiwui mibing saikora! Nathumwui atamlila, navā ngarāwui atamlila hikathā kashokhairala?

JOEL 1:2 Iomraidhean Croise

JOBWUI LAIRIK 12:12

Thangkhamei hi khararnaobingwuili lei; kala rarmamānakha theikhuimamāna.

JOBWUI LAIRIK 15:10

Sam charshi kahai kala khararnaobing, navāli rarkhameibing ithumwui ngachaili zangdalei.

JOBWUI LAIRIK 21:7

Kachiwui vang makaphābingna asārlam eina tangda okthui, kala pangshap leilakhao?

JOBWUI LAIRIK 8:8

Kaja, ngathingyanglu, thuikahai thotwui pongli, ina kapona; mirin kaphaningungyanglu, kala avāva̱ ngarāna phākashok chili chukmajalu;

LAA 49:1

Hi nganālu, yur saikora! Nashunglu, apuk-apagali khalei mi saikora,

ISAIAH 34:1

Rānganailu, O yurbing; nganākhui khavai kala shākhui khavai O mibing, apuk-apagala, chiwui alungli khalei saikora shāserranu.

ISAIAH 7:17

Assyriawui awunga Ephraimna Judahwui eina pākthui kahaiwui eina thuilaga mashoklakrang kaji atam akha nathumwuitungli, nathumwui mibingwuitungli, kala nashāvāwui shimkhurwuitungli khuirāra.”

JEREMIAH 30:7

Iyavo! zimiksho chi hakkhamahā, chithāda maleilakranga; Jacobwui vang kakhanangwui atamna; chithalala ali chiwui eina kanshokra.”

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

HOSEA 4:1

Prohowui tui nganālu, O, Israelnaobing! kaja Prohona ngalei chili kapam mibingli mamayākhangai lei. Shitkasang katong kala lumashankathei maleimana, kala ngalei chiwui alungli Vareli kathei maleimana;

HOSEA 5:1

Hi nganālu, O pāngmonbing! Khuisanglu, O Israelwui shimkhur! Nganāsanglu, O awungawui shimkhur! kaja bichar chi nathumwuina; kaja na Mizpahwui vang khalen ngasāhaira, kala Taborli khailan horror kahaina.

JOEL 1:14

Kathar eina khumlu, khamashung eina kaziplu, Khararnaobing kala ngalei hili khalei mi katonga hokhuilu, kala nathum Vare Prohowui shimli Proholi ngakaolu.

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

AMOS 3:1

Egyptwui eina ina thānkashoka O Israelwui mibing, kala shimkhur katonga, Prohona nathumli mamayāla kahāng tui chi nganālu:

AMOS 4:1

Tui hi nganālu, Samaria kaphungli khalei Bashanwui seivā nathum, kachāmabingli rekakhareka, kala khavātabingli yomkachizaibing; gahara ngarāli, ithum mangkhavai khuiungmilu kajibing.

AMOS 5:1

Ina nathumwui vang chapchāt laa kasā hi nganālu, O Israelwui shimkhur:

MICAH 1:2

Nganālu, miyurbing, nathum zaikora; nganālu, O okathui, kala chiwui alungli khalei saikora; Prohona awui kathara shim eina Proho VAREna nathumli makhamayāwui shākhi ngasāranu.

MICAH 3:1

Kala ina hānga; Nganālu, Jacobwui akhavābing kala Israelwui shimkhur khamungabing! Mashun kathei hi nathumwui vang maningmala?

MICAH 3:9

Hi nganālu, Jacobwui shimkhurwui akhavābing, kala Israel shimkhurwui khamungabing, mashunli ningkakachaibing, khamashungli masho khangasakbing,

MATTHEW 13:9

Shākhavai khanā kakā a china shākhuiranu.”

MATTHEW 24:21

Kaja chitharan shokki kaji kakhanang kachot chi haokaphokwui eina thuilaga aja rāshungda mashoklakranga, kala mashokluilakmara.

PHONGKHAMI 2:7

“Manglāna churchbingli kahāng chi khanā kakaana nganākhuiranu! “Khayuiya chili, Varewui Paradiseli khalei kharing thingrongwui athei chi ina shaingasakra.