JOEL 1:13 - Kathara Bible (BSI)

¹³ O pāngmonbing! bora ngavailaga chapngachālu, O hanphutwui otram khangatha̱bing sifalu, O iwui Varewui otram khangatha̱bing ngayā bora ngavaipilu! Khikhalajila Varewui shim eina tharāzat kachigat, ra̱shakchigat khāmserhaira.

JOEL 1:13 Iomraidhean Croise

2 SAMUEL 12:16

Nao chiwui vang Davidna Vareli poi; Davidna kakhum eina pamda, ngayā pongda ngaleili ngakhorpithaida Vareli poi.

1 WUNGNAOBING 21:27

Ahabna tuibing hi kashā tharan awui kachon serkhaklaga aphasāli bora ngavai, kala khumda bora māngli pi, kala ning mashoklakla zata.

ISAIAH 22:12

Chithanghon saikorawui Proho Varena sikafa kala chapkhangachā, kui sikatā, bora khangavai atam khuirāra,

ISAIAH 61:6

Kha nathumle Prohowui pāngmonbing hora, nathumli Varewui otram khangatha̱bingna da mibingna ngazekra; yurbingwui lan nathumwui kashakazā sāra, athumwui kashāng chi eina nathumna hekmaheira.

JEREMIAH 4:8

Hiwui vang bora ngavaida pangda chapngachālu, kaja ithumwui eina Prohowui malungkhavāt mangareithuiranga.”

JEREMIAH 9:10

“Phungreibingwui vang vaoda chapngachālu; lamhāngwui seizātpamwui vang chapngachālu, khikhalajila chibing chi ramcho sāhaoda khipākhana mamakānvāmana, seikhonla mashāluimana, kazingli yongkazata vanaola, ramsāla yāmserhaira.”

EZEKIEL 21:12

Sifada chapngachālu, miwui naomayara, iwui mibingli sākikajina; Israelwui wungnaobingli sāki kajina; athumli iwui mi saikorali ngasoda horsang kahaina. Chiwui vang nakhaishāngli shātlu.

EZEKIEL 27:31

athumna nawui vang kui sitai, kala bora ngavai, kala malungringlak eina nawui vang chapngachai.

EZEKIEL 7:18

Athum khalattana bora ngavaipama, kala khangacheena athumli farora, mi saikora maishiri; kala kui saikorala ngakokserra.

HOSEA 9:5

Retmi kahai phanitli nathum khi sārakhala, kala Prohowui zātkhānli khi sārakhala?

JOEL 2:12

“Kha aruila” Prohona hānga, “ningtongda kakhum eina, sifada chapsasui,

JOEL 2:14

Proho nathumwui VAREna ning ngacheihaida ana mavātlakla somilapai. Chitharan Vare Prohowui vang muisakchigat, ra̱shakchigat nathuma chigatpai.

JOEL 2:17

Khamong eina hanphut ngachaili Prohowui otram khangatha̱ pāngmonbing; chapngachāda “Nawui mibingli huimilu, Proho! Nawui malungkhavāt, miyur kateina mana̱shi khavai masāmialu, ‘Athumwui Vare kali leikhala’ da athumna khi hāngkhavai lei.”

MISHĀN 28:14

Athumwui ra̱shakchigat chi mukkā akhawui vang lengkhor akhawui tangkhaira, yaovā akhawui vang lengkhor akhawui khum kathumwui akhara; kala yaonao akhawui vang lengkhor akhawui khum matiwui akhara. Hi kum peidawui kachāngchāngli mei eina rikkatā kachigatna.

MISHĀN 28:4

Yaonao akhana ngathorshong chigatra, kala akhapā china ngazinshong chigatra;

MISHĀN 28:7

Ra̱shak kachigat chi yao ava̱va̱li lengkhor akhum matiwui akha mira; katharapamli ra̱shakchigat zamshei chi Proholi heisangmira.

MISHĀN 29:6

Hi changwokwui rikkatā kachigat eina chiwui tharāzāt kachigat, kala machatlakla rikkatā kachigat eina tharāzātchigat, ra̱shakchigat shiyan-chikanwui athishurda Proholi ningyāngkhaung nganamkaphā rikkatā kachigat saikorali lāngda chigatra.

1 CORINTHNAO 4:1

Ithumli Khristawui otram khangatha̱bing kala Varewui kathuka mashun tui horsangmi kahaibingna da phaningphalungra.

1 CORINTHNAO 9:13

khorumshimli otram khangatha̱ athum china khorumshimwui eina kashakazā samphanga kala hanphutpamli otram khangatha̱ athum chinala kachigat chiwui eina athumwui yar samphanga da nathumna thei.

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 3:6

Kapi kahai ainwui maningla kha Manglāwui kadhara tuingashit chiwui vang otram ngatha̱ ngasak kashap pangshap chi ana mi. Ainna thingasaka kha Manglāna ringngasaka.

2 CORINTHNAO 6:4

Kha kakhananglila, kasak chitharānlila kala ka̱lākashi tharānlila, kachotkachāng phungda apong kachiva̱li ithumna Varewui otram mashungrik eina ngatha̱chithei.

PHONGKHAMI 11:3

Ina iwui shākhi khanili bora ngavailaga zimiksho thingkha shākhani hangtharukthang marān ngasakra.”