JOEL 1:10 - Kathara Bible (BSI)

¹⁰ Lui sākazamhaida, ngaleina sifaya; kaja athei-arai sāshimānhaoda, ra̱shakshirei kānhaowa, thao thenghaowa.

JOEL 1:10 Iomraidhean Croise

HAOKAPHOK 4:12

Nana lui vālala theishirai mathāda mashokluimara; okathuili na ara ramsom makhavaiya yāmkazata mi ngasāra.”

ISAIAH 15:6

Nimrimwui tara̱ ngachakyānghaira; khawo kaohaira, ashon kathar mashokrarthura; matekchim kahaila maleithura.

ISAIAH 24:11

Chānreili zam makhaleiwui vang ngawunkharopa; ringkaphā saikora ngalathaira; okathuiwui khamathān shimānhaira.

ISAIAH 24:7

Zamna chapngachai, drakhārongna thenghaowa, ringkaphā ning saikora khāsuthaira.

JEREMIAH 12:11

Athumna chi ramcho sāngasakhaowa; ramchohaoda ili ngakaoda lei. Ngalei katonga ramcho sāngasakhaira, kha khipānakha ningli sakta makhuimana.

JEREMIAH 12:4

Ngalei hina karankha sifafara, kala luiwui khawona thengfara? Chili okthuida khaleibingwui makhayāwui vang sābing kala vānaobingla yāmserhaira; khikhalajila mibingna, “Ithumna kasā hi Varena matheimara” da hānga.

JEREMIAH 48:33

Ngalei kathuma Moabwui eina ringkaphā kala khamathān khuithuihaira; atheira̱ surkhavaiwui eina ina thengngasakhaira, khipānakha mathānda ngaunlop eina drakhāra̱ masurmana; kha vaoda khalei chi khamathānwui akhon maningmana!

HOSEA 4:3

Chiwui vang eina ngaleina chapngachai, kala chili kapam saikora ning thengchenghai; kala ngaleiwui sāyurbingla, khamasaili yongkazata vānaobingla chota; kala ngayiwui khaihbing eina tangda khuithuihaira.

HOSEA 9:2

Lanpum eina drakhāthei vaichumna athumli maphauimara, kala drakhāra̱ kadhar masamphangmara.

JOEL 1:12

Drakhāthei thenghaira; khaorārong thenghaira. Kabothei, khaneithei, theithukthei, lui arong saikora thenghaira; kala naomayarabingli khamathān maleiluimana.

JOEL 1:5

Khamaripbing! thuimathukta chaplu; kala zamkhor khamangbing, ringngālu; kaja mangkaphā khuithuimihaira, nathumwui khamor eina.

JOEL 2:19

Prohona awui mibingli ngahānkāda hānga, “Yanglu, ina nathumli, māngum, zam kala thao chihorāra; chieina nathum chirchomrihaora, kala yur khangateiwui mangāli nathumli mamana̱shi ngasakmara.

PĀNGMONSHI 26:20

nathumwui yang aremali shimānra, kaja luili heiun machungsangmara, kala atheirongnala athei mamatheimara.

HABAKKUK 3:17

Khaorārongna awon mawonlala, drakhārongna mamatheilala olive heiun maunglala, luili zāt mashoklala, yaoshimli yao mazanglala, seishimli sei maleilala;

HAGGAI 1:11

Kala ina ngaleitungli, kaphungtungli, theishiraiwuitungli, drakhāra̱ kadhartungli thaowuitungli, thingnā-ra̱hāwuitungli, miwui kala sha̱keiwuitungli, kala athumwui ot kasā saikorawuitungli ina kazing kāngkhavai kasohaira.”

MALACHI 2:3

Yanglu, nathumwui ara̱-azāli ina maishi ngasakra, kala nathumwui maili nathumna kachigat sāyurwui paih neomira, kala ina nathumli iwui eina khuishokhaora.