JEREMIAH 9:9 - Kathara Bible (BSI)

⁹ Otsakbing hiwui vang ina athumli tandi mamingayimala? Hikathā yurli ina athut makhuingayimala?” da Prohona hānga.

JEREMIAH 9:9 Iomraidhean Croise

ISAIAH 1:24

Chiwui vang eina Proho, saikorawui Proho, Israelwui Pangshapa china hānga, “Ah, iwui malungkhavāt iwui yangkashibingwuitungli tāraphalung, kala iwui pheiva̱bingli I khalattana athut ha̱ngsangra.

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

ISAIAH 57:6

Leiwukli nganaipat eina khalei ngalunggui chili nathumwui yar lei. Chi, chibing chi, nathumwui kalāna; athumwuitungli nathumna ra̱shakchigat kharekrora, kala nathumna muisakchigat khuirai. Hikathawui vang ina ningyāng ungrala?

JEREMIAH 12:11

Athumna chi ramcho sāngasakhaowa; ramchohaoda ili ngakaoda lei. Ngalei katonga ramcho sāngasakhaira, kha khipānakha ningli sakta makhuimana.

JEREMIAH 12:4

Ngalei hina karankha sifafara, kala luiwui khawona thengfara? Chili okthuida khaleibingwui makhayāwui vang sābing kala vānaobingla yāmserhaira; khikhalajila mibingna, “Ithumna kasā hi Varena matheimara” da hānga.

JEREMIAH 4:25

Ina yanga, kala yanglu mi akhala maleisāmana, kala khamasaili yongkazata vānaola yāmserhairasai.

JEREMIAH 5:29

“Hiwui vang athumli ina tandi mamimarala? Hikatha miyur hili ina athut makhuingayimala? da Prohona hānga.

JEREMIAH 5:9

Otsakbing hiwui vang athumli ina tandi mamimarala? da Prohona hānga, kala hikathā yurli ina athut mahāngsangngayimala? da Prohona hānga.

HOSEA 4:3

Chiwui vang eina ngaleina chapngachai, kala chili kapam saikora ning thengchenghai; kala ngaleiwui sāyurbingla, khamasaili yongkazata vānaobingla chota; kala ngayiwui khaihbing eina tangda khuithuihaira.

JOEL 1:19

lamhāngwui seizāt meina chuihaoda, Proho! nali ngakaoli; luiwui thingla meiwonna chuiserhaira.

AMOS 5:1

Ina nathumwui vang chapchāt laa kasā hi nganālu, O Israelwui shimkhur:

AMOS 5:2

“Kongluida mathuithukluiki kaji chi kachingva̱ Israelna; a khalattawui ramli nothahaida, khipānakha khāngmathotmi khavai malei.”