JEREMIAH 9:3 - Kathara Bible (BSI)

³ Athumwui malena malā thāda huna; khamashungwui vang maningla makhamashungna apam chili pangsanga, kaja athumna makaphāwui eina makaphāshong vai, kala athumna ili matheimana da Prohona hānga.

JEREMIAH 9:3 Iomraidhean Croise

HAOKAPHOK 39:16

Agahara maungranglakha eina tangda kachon chi awui pāngli hai,

CHĀNSAM 12:5

Khangarongawui kaphaning tāzak hai; makhayā miwui hāngkachithei mikhanamānga.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

ISAIAH 3:5

Mibing akha eina akha rekharek ngarokra, ngasotnao eina ngasotnaola, khongnainao eina khongnainaola; khanuinaona khararnaoli, khangazanala khangamali machāpmimara.

ISAIAH 6:5

Chieina ina hānga, “Iyavo I kalākashi! I shimānchaohaira; kaja iva morchai makathar mina, kala morchai makathar miwui ngachaili okthuida lei; kala imikna saikorawui Awunga Proholi theihaira!”

ISAIAH 9:18

Kaja makaphā makhayā mei thāda chui, phānāng eina ka̱shāt chuitai; ngahong kashāshā thottai; kala meikhut atang eina khaluikai.

JEREMIAH 12:6

Kaja nachinā ngarā kala nashāvāwui shimkhurwui mi eina tangda, athumna nali zakshilāk eina sāhaira; athumna nali mamayāmada makaphā panglāk eina sāda lei, athumna nali khamathā tui hānglala makhuisanglu.”

JEREMIAH 22:16

Ana kachāma kala khavātabingli mashungrik eina sāmi, china awui phākhavai ngasāsai. Hi ili katheiwui vang maningmala? da Prohona hānga.

JEREMIAH 31:34

Mi kachiva̱na khongnainaoli kala achināli, ‘Proholi theilu,’ da hānglaga matamchithei ngarokmara, kaja kateola khareila mi kachiva̱na ili theiserra; da Prohona hānga; kaja athumwui khayon ina pheomira, kala athumwui morei sākahai maphaningungluimara da Prohona hānga.”

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:4

Chieina ina hānga, “Athum hiya kachāmabingna, athum ning makhaleibingmānga; kaja athumna Prohowui apong kala Varewui ain matheimana.

JEREMIAH 5:5

Khangamabingli ina vālaga ahāngra, kaja, athumna Prohowui apongla, Varewui ainla thei.” Kha athum saikora ngaraichāda langkon chi sāteka, kala khara̱ chi sāshathaowa.

JEREMIAH 6:28

Athum saikora ngakaishitingtinghai, kuimareida mashāt kazatabingna, athum pithrai kala marina; athum saikora khamakhao otsakmāng sai.

JEREMIAH 7:26

chithālala athumna ali manganāsangmana, khanāla manāshung mana, ngakaikashili akachang sāhaowa. Avāva̱ ngarāli athumna zakshimeida sai.”

JEREMIAH 9:5

Athum kachiva̱na awui khongnaili minama, kala khipākhana khamashung tui mamatuimana; athumna maleli kakapik matui khavai tamchithei; athumna khayonkhamāng sāda ning ngateisida chotlaka.

JEREMIAH 9:8

Athumwui male hu kazanga malāthingna, china kapiklak eina matui; awui khamor eina ichichāwui khongnaili chingri khavai matui, kha awui wuklungle ali ngathirai ngarānpama.

EZEKIEL 8:13

Kala ana hithāda hānglui, “Athumna kasā hili ningkachaikhamei otla nana theiluifara.”

DANIEL 11:27

Awunga khani chi phazāngarumlala, ningphum otsak ngatei ngarokra kala ani eina ani kapik ngarokra. Anina ningkachāng chi masamphangmara, khikhalajila chiwui atam marāranga.

PĀNGMONSHI 19:11

“Nathum maleepaimana, lah maminampaimana, lah akha eina akha makapikpaimana.

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

JOHN 17:3

Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

OTSAK 24:9

Jihudibingla zangda kaphen saikora hi mashunga da hānga.

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

ROMNAO 3:13

“Athumwui chanhānva chikhurkhaluiwui thuikhanam thai; male eina kapikkhayanga, kala morchaili phara̱wui thada kathiri leiya.

1 CORINTHNAO 15:34

Mashun phākhuida morei masāluialu. Nathum kaikhana Vareli makatheiwui vang khayakvairanu da kahāngna.

PHILIPPINAO 1:28

Yangkashebingli mangacheelakalu. Atam kachida malung pinglu, chithākha nathumna yuichingra. Kachiwui vangkhala kaja khayui hi Varena khamina.

2 TIMOTHY 3:13

Makaphā kala sākharekbing chi zakshikhangai zakshimamānra, kateili chipatra, athum khalattala chipatra.

JUDE 1:3

Leikashebing, ithumna samphangrumda khalei huikhamiwui pongli kapingailakhaoda, katharabingli metkhakashi eina vaikahai shitkasang chiwui vang ngarar khavai nathumli kapo hi darkar salakhaowa.

PHONGKHAMI 12:11

Yaonao chigatkhami mangā eina, kala kathar tui athumna shākhi kasā chi eina ali yuihaira; kaja athumna manglā kachiho mashivāmana.

WUNGVA̱-WUNGVĀ 14:17

Ngalāva̱na awui ngalemli zimiksho shinithang phanit peida chapsasui ngahānchinga; kala kashinethang ana hāngmihaowa, kaja ana ali kontrenshon kontrenthaihaowa. Chiwui thili sha̱nao china pakhon chi aramnaoli hānghaowa.

WUNGVA̱-WUNGVĀ 2:10

Kala chiwui mithot saikora chila awova̱ ngarāwuili vāserhaowa; kala athumwui thili Proholi makathei kala ana Israelwui vang sāmi kahai otsak makathei khangatei thot akha shoka.

1 SAMUEL 2:12

Chitharan Eliwui naomayarabing makakachanga mi ngasāsai; athumna Proholi khayākashi maleimana.