JEREMIAH 9:2 - Kathara Bible (BSI)

² O, siwukli ramkazatabingwui ngasām khavai akha leisi kaje, iwui mibingli chihohailaga chili mavāpamhaikapai! Kaja athum saikora phokaphā, mikhanama mimāng sāthuihao!

JEREMIAH 9:2 Iomraidhean Croise

ISAIAH 59:3

Kaja nathumwui pāng asheena sākhamānghaira, pāngmareng morei kasāna makhao ngasakta lei, nathumwui morchai eina kakapik tui matui, male eina makhayā tui hānga.

JEREMIAH 12:1

Ina nali iwui makapen kahāng chitharanla, khamashung khangaronga chi nana O Proho, chithālala nawui mangāli iwui tuingaphun chi hāngphalungrali. Khiwui vang eina makhayābingna shāng-leihao? Khiwui vang eina ning makatharbingna reisanghao?

JEREMIAH 12:6

Kaja nachinā ngarā kala nashāvāwui shimkhurwui mi eina tangda, athumna nali zakshilāk eina sāhaira; athumna nali mamayāmada makaphā panglāk eina sāda lei, athumna nali khamathā tui hānglala makhuisanglu.”

JEREMIAH 13:22

Khiwui vang ili hikathā ot rāshokhao? da nathumwui ningli phaningakha, nathumwui morei chungnā sākahaiwui vang, nathumwui kashan lānmi kahaina, kala kachotkachāng samkaphangna.

JEREMIAH 23:10

Kaja ngalei hi phokaphāna pema; khonkashiwui vang ngaleina sifay, lamhāngwui seihomphungla ngaikhokhaira. Athumwui otsak makaphāna, kala athumwui pangshap mamashungmana.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:1

Jerusalem chānreili yongshang yongtāda yanglu, laga chukkhuilu! Kayāngkharei hupvali phāyanglaga, mashun eina kasā mi, khamashung phākazat mi akha leisākha, ina pheomira.

JEREMIAH 5:11

Kaja Israel eina Judahwui shimkhurna ili shitkasang maleilakthuwa” da Prohona hānga.

JEREMIAH 5:2

Athumna, “Prohowui ming singda kahāngna” da hānglala, athumna mingzaiphaphai.

HOSEA 4:2

shākhi kasā, kakapik, shaokathat, khalee ot kasā kala phokaphāmāng lei; masaalu kaji saikora athumna sai, kala shaokathatwuitungli shaokathat ngarora.

HOSEA 5:7

Athumna Proholi mashitsanglākla sai; kaja athumna shāmnao pharai. Ara kachāng khawok eina, athumla, athumwui luila shimānserhaora.

HOSEA 6:7

Kha Adamwui atamli athumna tuingashit kaihaowa; athumna ili shitkasang maleilakla sai.

HOSEA 7:4

Athum saikora shām kasā misera; athum sālak kahaiya meiphung kathāna, khamui naihailaga makapchungranglakha eina tangda, khamui kasaana mei masākashimit thāda.

MICAH 6:12

Nawui kashanga mibing khangashaona pemtinghai; nawui ramli kapambing kakapik tuimang matui, kala athumwui male kakapikana.

ZEPHANIAH 3:4

Awui marānbinga ningkhān sāngailaka, shitkasang makhaleiamānga; awui pāngmonbingna kathara ot sāmakhaowa, athumna ainla sakhai.

MALACHI 2:11

Judahna mashitsangthura, kala khamakhao ot chi Israel eina Jerusalemwui lungli sāhaira; kaja Prohona leikashi khorum khavaipam chi Judahna sāmakhaohaira, kala ngalei kateiwui varebingwui nao ngalāva̱bingli khui.

MALACHI 2:14

Khisāda mayangsangmithukhala? da nathumna ngahāna. Khikhalajila nana yāronlakha tuingashit sālaga napreiva̱̱ kala nawui ngasokapamva̱ sāra da khuikahaiva̱ napreiva̱li ningtongda maleikashiwui vang Prohona makhamayāna.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

WUNGVA̱-WUNGVĀ 2:10

Kala chiwui mithot saikora chila awova̱ ngarāwuili vāserhaowa; kala athumwui thili Proholi makathei kala ana Israelwui vang sāmi kahai otsak makathei khangatei thot akha shoka.