JEREMIAH 9:1 - Kathara Bible (BSI)

¹ O, ikui tara̱si kaje, imikna chāra̱wui ura̱si kaje sāthat kahai iwui mibingwui naongalava̱wui vang chapshon chapthaira!

JEREMIAH 9:1 Iomraidhean Croise

LAA 119:136

Imikna chāra̱ kong thāda longa, khikhalajila mibingna nawui ain mamayonmana.

LAA 42:3

Ngashun ngayā iwui chara̱na kashakazā sai, mibingna ili ngahānchinga, “Nawui Vare kali leikhala?”

LAA 55:7

Mha, ina katāva̱li thuihaida, lamhāngli vāpamhaora.

ISAIAH 16:9

Chili Jazerwui chapkhangachā eina ngasoda ina chapa, Sibmahwui drakhārongwui vang; iwui chara̱na nanili tāsopmihaira, O Heshbon eina Ele-aleh; kaja naniwui theishirai eina mahā atamli raikhon rāshunghaira.

ISAIAH 22:4

Chiwui vang eina ina hānga: “Ili mayangrālu, ina kakhanangwui vang chapngachāga; iwui mibingwui naongalāva̱bingli sāshimān kahaiwui vang ili masuiphanepalu.”

JEREMIAH 13:17

Kha nathumna manganāsangakha, nathumwui lāngsotwui vang imanglāna ngathumda chapra; imikna chapchapta chara̱ pemda longtāra. Khikhalajila Prohowui yaoshang tukthuihaowa.

JEREMIAH 14:17

“Athumli tui hi nana ahāngra: ‘Ngashun ngayā mateila imikli chāra̱ tāshon tāthairanu; kala athum mangasāmaranu, kaja iwui mibingwui kachingva̱ naongalāva̱li marlak eina shaomida khamā haklak eina za̱haira.

JEREMIAH 3:10

Saikora hi thatheilaga makhamashungva̱ achināva̱ Judahna ili ningtongda malatungmana, kha sākhaninga, da Prohona hānga.”

JEREMIAH 4:19

Iwui kachot, iwui kachot! I kachotlungli ngaleokazama! Iyavo, imalungwui phākho! I malung panglāk eina katuka; I kasaikha mapampaithura; kaja ina talla̱khon shai, raiwui akhon chi.

JEREMIAH 5:7

“Ina kathāda pheomira? Nanao ngarāna ili malaihaowa, kala vare makhaningbingwui ming eina mingzaihaowa. Athumli thoting eina mizaakha phokaphā ot sāhao, athumna khayorva̱wui shimli ngaheireida apamhaowa.

JEREMIAH 6:26

“O iwui yurwui naongalāva̱, bora ngavaida, hotlātungli ngaleolu; naomayara akhamāngwui vang chapkhangachā thāda, ningchotlak eina chapngachālu; kaja sākashimāna chi kashuirak eina ithumwuitungli rara.

JEREMIAH 8:18

Iwui kakhanang hi maraipailuimara; ining thenghaira.

JEREMIAH 9:18

“Athumna thākta hili ithumwuitungli vaoda rāchapngachāranu, chithāda ithumwui mikli chāra̱ longtāranu, kala ithumwui mikkor eina tara̱ okshokranu.”

CHAPCHĀT 2:11

Imik chāra̱ tāsānhaira; imanglā kakhananglungli lei; Iwui mibingwui naongalāva̱wui kashimānwui vang, khikhalajila naoshinaobing angangnaobing kathaina keinungwui chānreili vānserhaowa.

EZEKIEL 22:12

Nathumwui ngachaili kaikhana shaothat khavai pheisā zai; khongnainaolila lupāranu, otranu, atār kachungkha khuida tongzai; laga ile malaikhokhaowa, da Proho VAREna hānga.

HOSEA 7:4

Athum saikora shām kasā misera; athum sālak kahaiya meiphung kathāna, khamui naihailaga makapchungranglakha eina tangda, khamui kasaana mei masākashimit thāda.