JEREMIAH 8:9 - Kathara Bible (BSI)

⁹ Thangkhamabingli maishi ngasakra, athum ngacheehaora kala tukkhuihaora; yanglu, Prohowui tui chi athumna khalanhaira, athumwuili thangmei khi leikhala?

JEREMIAH 8:9 Iomraidhean Croise

2 WUNGNAOBING 17:15

Awui shiyan-chikan, kala avāva̱ ngarāli tuingashit kasā kala athumli hāngkhamathin chili ningkachaihaowa. Makhamashunga meoma̱wui thi shurda athum mamashungthuwa, athumwui thāda sāshara da Prohona kaso kahai, athumli kuimareida khalei yurbingwui thi shurthuihaowa.

JOBWUI LAIRIK 5:12

Ana ningngai makaphābingwui awor sākhayeimi, chithāda athumwui pāngna ungkashung khikha maleimara.

JOBWUI LAIRIK 5:13

Ana thangkhamabingli athumwui awor chili manngasaka, kala phākakhaningbingwui khangarān chi ngalāngda shimān ngasaka.

LAA 19:7

Prohowui ain chiya ungshung vāshungchaowa, manglāli mathuk ngasaka; Prohowui hāngkahai mangapatlakmana, khikha makatheiyali thangmei ngasaka.

ISAIAH 19:11

Zoanwui wungnaobing mangmashuna; Pharaohwui kathema machinmebingna makānkhanā tui hāngmi. Pharaohli, “I thangkhamawui nao akhana, achālakha awunga sākasāwui nao akhana” da nana kathāda hāngpaira?

ISAIAH 29:14

Chiwui vang eina yanglu, matakhak kahai ot ina athumli saluishitra, hakkhamahā kala matakhak kahai ot; thangkhamabingwui thangmei shimānhaora; theithangkhamabingwui theithangkhamei chi ngathumihaora”.

ISAIAH 43:27

Navā khare china morei sai, kala nawui tuisak samebingna khayonkhamāng sai.

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

JEREMIAH 15:6

Nathumna ili makhuisangmana, yāmkhangai yāma da Prohona hānga, chiwui vang nali mamayāmada ipāng katingshokta nali shimān khangasakna;— Ina yangmisānhaira.

JEREMIAH 19:7

Apam hili Judah eina Jerusalemwui khangarān saikora khikha makhaning ngasā ngasakra; kala athumwui mibingla yangkashibingwui mangāli raighai eina thingasakra, kala manglā khuikida khangarān athumwui pāngli thisang ngasakra. Athumwui angun khamasaili yongkazat vānaoli kala ramsāli shaingasakra.

JEREMIAH 2:8

Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

JEREMIAH 49:7

Edomwui pongli saikorawui Prohona hithāda hānga: “Temanli thangkhamei maleithula? Ningkazanwui eina machinkathei shimānhaola? Athumwui thangmei shimān kahaila?

JEREMIAH 6:15

Ningkakachai ot kasā tharan athum khayakla? Maningmana, athumna makhayakphaphutmana; kathāda mai hungra̱khala dala matheimana. Chiwui vang konglui kasangbingwui alungli athumla kongluisangra; ina athumli tandi khami atamli athumlila mai shingasakra” da Prohona hānga.

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

EZEKIEL 7:26

Ka̱lāshātwuitungli kalāshāt rāra, chankharopwui thili chankharop pemra; marānbingwui eina khamahā angahānra, kha ain chi pāngmonbingwui eina shimānhaora kala hāngkachithei chi ararnaobingwui eina shimānhaora.

AMOS 2:4

Prohona hithāda hānga: “Judahwui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Prohowui ain chi makhuisangmana, kala awui shiyan mamayonmana; kha avāva̱ ngarāna kazat athishurda athumwui kakapikna ma̱thuingasakhaira.

ZECHARIAH 13:4

Chithanghon khamahā khamarān chitharan marānbingna chiwui vang khayakra; ana kapik khavai sāhahwui katuma phahon chi masangmara,

KHALATLUI 4:6

Saikora chi mayonlu kala sāchinglu; chi nathumwui thangkhamei kala theishingkakhui awor ngasāra, kaja yur khangateina shiyan-chikan hi shālaga, ‘Thangkhameiya kala theishingkakhuiya kahaka yurlaka’ da hāngra.

2 TIMOTHY 3:15

kala nganuilakhawui eina thuida, Khrista Jishuli shitkasang mangā eina huikhami samphang khavaiwui apongli thanvākhamiwui thangkhamei mishapa kathara tui chi nana theihaira kaji phaningunglu.