JEREMIAH 8:7 - Kathara Bible (BSI)

⁷ Kazingramli yongkazat vārokla awui atam thei; nāsha̱la, yāngyaola, vārokla latkhaungwui atam thei; kha iwui mibingna Prohowui shiyan-chikan matheithuwa.

JEREMIAH 8:7 Iomraidhean Croise

SOLOMONWUI LAA 2:12

Ngaleili awon wonphokhaira, laa kasā atam rāhaira; nāsha̱wui kakhong iramli shāhaira.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 5:12

Athumna morkasongli lyre, tingteilā, kortar, kala sipa̱la zam eina ngasoda singa, kha athumna Prohowui otsakli matheimimana; awui pāngna sākahai otbing mayangsangmana.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:6

Chiwui vang, khararwui kazingkha̱ akhana athumli sāthatra; siwukwui ramfa akhana shimān ngasakra. Kuirāngna keinungli rimpamda lei, kashoshoka mili akha̱ sāda serkazamhaora; khikhalajila athumwui sākhalāng kachungkhaya, Vareli khalan kahai hakmahālaka.

HABAKKUK 1:4

Chieina ain chi mangazipthura, kala mashun maleilakthura. Kaja makaphā makhayāna khangarongali kuinamhaowa, chieina mashun chi masho ngacheihaowa.

ZECHARIAH 5:9

Chiwui thili ina yangkakā eina yanglu, sha̱nao khani rākharā chi thei! Aniwui angachāngli masi zanga; aniwui angachāng chi varokwui angachāng thai, kala anina khuilui chi kazingram eina okathuiwui angachaili khāngkai.