JEREMIAH 8:6 - Kathara Bible (BSI)

⁶ Athumli ina theimida shāmihaira, kha athumna khamashungtui mahāngmana; athum khipānakha makhayāwui eina ning mangateimana, ‘Ina khi sāhaoda?’ da ngahāna. Siguina raiphungli angatar eina yongkhava thāda, kachichāwui ningkachāngli thuiserhaowa.

JEREMIAH 8:6 Iomraidhean Croise

LAA 14:2

Thangkhamei otsak kasa, Vareli kaphā mi maleikhala da, Prohona kazingramwui eina miwui naobingli yangtai.

EZEKIEL 18:28

Khikhalajila ana chukmaja̱laga ana morei sākahai saikorawui eina latkhaungwui vang, a kachangkhat eina ringra, a mathimara.

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.

MALACHI 3:16

Chiwui thili Proholi khangacheebing akha eina akha hāngngaroka; Prohona athumwui tui khuisangmi kala shāmi, Proholi khangacheea kala awui mingli kaphaningabingli phaning ungkhavai awui mangāli lairik akha kapi.

MICAH 7:2

Vare katheia mi okathuiwui eina shimānhaira, kala mashun eina kasā mi khipākha maleithura; athum saikora asheewui vang rimpama, kala mi kachiva̱ khailan singlaga achināli kharoma.

PHONGKHAMI 9:20

Khangatei kharingabing, kazātyurbing hina masākathatbing china athumwui pāngna sākakhuiwui eina mai mangareiung mana, katheila mathei, kashāla mashā, kazatla makazat sinā, lupā, pithrai, ngalung kala thing eina sākakhui meoma̱bing chili khokharumla mathāhaimana.

HAGGAI 1:7

Ashangva̱wui Prohona hithāda hānga: Nathumna kathāda sāhairakhala kaji machukyanglu.

HAGGAI 1:5

Chieina saikorawui Prohona hithāda hānga: Nathum kathāda sāhairakhala kaji machukyanglu.

EZEKIEL 22:30

Athumli masāshimānmi khavai athum eina iwui ngachaili nganingkhame mi akha ina phai, kha ina akhanida masamphangmana.

JEREMIAH 5:1

Jerusalem chānreili yongshang yongtāda yanglu, laga chukkhuilu! Kayāngkharei hupvali phāyanglaga, mashun eina kasā mi, khamashung phākazat mi akha leisākha, ina pheomira.

ISAIAH 59:16

Mi khipākha makhalei chi ana thei, kala hāngmi khavai khipākha makhalei chi theida matakhakhai; chiwui thili akhalattawui pāngna khayui khuirāmi, kala awui khangarongna ali khāngkhuimi.

ISAIAH 30:18

Chiwui vang eina Prohona nathumli lumashanmi khavai ngaraida lei; chiwui vang eina lukhamashan chithei khavai akhalatta khāngchikata. Kaja Vare hiya mashunwui Varena; ali khangaraibing kalā mahai.

JOBWUI LAIRIK 10:2

Ili khayon mamialu, da Vareli hāngra; ili nana khiwui vang khangarukkhala chitheimilu.

JEREMIAH 23:25

Marānbingna iming singlaga kapikta, ili mangli mahāmihaira, ili mangli mahāmihaira! da khamatui ina shāhaira.

JOBWUI LAIRIK 34:31

“Kaja kachikathāna Vareli, ‘Ili hāngmachin kahaina, khayon masāluimara;

JOBWUI LAIRIK 34:32

ina makathei chi tamchitheimilu; ina morei sāhaiakha masāluilakmara, da hānghairala?

ISAIAH 57:17

Awui kākharāmwui morei kasāwui vang ina malungvātsai, ina ali shaowa, kala imai thumhaida I malungvātsai; kha chithalala khalattawui ningkachāngli sa̱na̱thuihaowa.

JEREMIAH 3:5

ana malungvātchingrala?’ ana katang eina tangda mapenmarala? da nana mangakaomala? Yanglu, nana hānghaira, kha nana makaphā ot nawui sākhangai eina tangda sai.”

DANIEL 9:11

Israel saikorana nawui ain chonmakānhaira kala mai ngareithuihaira, nawui akhonla makhuisangmana. Varewui rao Moseswui ningkhami lairikli kapi kahai chiwui khonkashi kala mingkazai chi ithumwuitungli heirorhaira khikhalajila ithumna morei sāhaowa.

ZEPHANIAH 3:7

Ina hānga, makahatlakla ana ili ngacheera, mashungkhami ana khuisangra; kala ina kahahāng chi ana theishingkhuira. Kha athumna khamakhao ot kasāli ningsangmeihaowa.”