JEREMIAH 8:5 - Kathara Bible (BSI)

⁵ Chithākha mibing hina khisāda khangui pongli sa̱na̱ungchinghaokhala? Kakapikli akachanga sāda athumna malatungngaiki jihao.

JEREMIAH 8:5 Iomraidhean Croise

CHĀNSAM 4:13

Tamkachithei singtitta machihohailakalu; ali mayonkhuilu, kaja a nawui mirinna.

ISAIAH 1:20

Kha nathumna mamayāmada ngakaishiakha, raighai shaira; kaja Prohowui khamor eina hānghaira.”

ISAIAH 30:10

Athumna khanongli “Mayanglu”, da hānga, marānbingli, “Ithumli khamashung khikhala kaji mamarānalu, ithumna shākhangai tuimāng hānglu, makakachang tui marānlu,

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

JEREMIAH 14:7

“Ithumwui khayonkhamāngna jisālala, O Proho, namingwui vang ngachonmilu. Kaja ithumna sa̱na̱thui kahai chungnāhaira, ithumna nali morei sāhaira.

JEREMIAH 2:32

Ngalānaona awui sāri lah ngalā khām kahaiva̱na awui sāri khongnāng malaihaipaila? Kha iwui mibingna mashānkharar zimiksho ili malaihaowa.

JEREMIAH 3:5

ana malungvātchingrala?’ ana katang eina tangda mapenmarala? da nana mangakaomala? Yanglu, nana hānghaira, kha nana makaphā ot nawui sākhangai eina tangda sai.”

JEREMIAH 5:27

Sopkai vānaona pemting kahai thāda, athumwui shim kachipatna pemtinghai. Chiwui vang athum khangamna kala kashāngna.

JEREMIAH 5:3

O Proho, namikna khamashungwui vang mayangmala? Nana athumli ngaphitmihaira, kha athumna kachot matheimana; nana athumli yummihaira, kha mashungkhui khavai masāmana. Athumna athumwui mai lunghārli makangmei ngasakta, ning mangateingaithuwa.

JEREMIAH 5:6

Chiwui vang, khararwui kazingkha̱ akhana athumli sāthatra; siwukwui ramfa akhana shimān ngasakra. Kuirāngna keinungli rimpamda lei, kashoshoka mili akha̱ sāda serkazamhaora; khikhalajila athumwui sākhalāng kachungkhaya, Vareli khalan kahai hakmahālaka.

JEREMIAH 6:17

Ina nawuitungli mayon khavai haimira, talla̱khon chi shālaga ning ngasharlu! da hānga. Kha athumna, “Manganāsangmara” da hānga.

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

JEREMIAH 9:6

Rekakharektungli rekakharek ngarora, mikhanamtungli mikhanam, athumna ili matheingaimana, da Prohona hānga.

DANIEL 9:11

Israel saikorana nawui ain chonmakānhaira kala mai ngareithuihaira, nawui akhonla makhuisangmana. Varewui rao Moseswui ningkhami lairikli kapi kahai chiwui khonkashi kala mingkazai chi ithumwuitungli heirorhaira khikhalajila ithumna morei sāhaowa.

HOSEA 11:5

Athumna Egypt ngaleili latungra, kala Assyriana athumwui awunga sāra, kaja athumna iwuili malatungngaimana.

HOSEA 11:7

Iwui miyurna iwui eina yāmphalungra jihaowa, chiwui vang eina athumli kashai phungngasaka, kala khipānakha makhuitāmimara.

HOSEA 13:2

Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

HOSEA 4:16

Kapeowa simuk thāda Israel hi ngakaishitingtinga; khamashā seihomphungli yao homkapam thāda Prohona athumli phauirala?

ZECHARIAH 7:11

“Kha athumna manganāsanglakla hiksor nātengseng eina thuihaowa.

JOHN 5:40

kha kharing samphang khavai nathumna iwuili marāngaimana.

1 THESSALONICANAO 5:21

ot saikora chāng tamyanglu, kaphā chi singtitlu,

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?

PHONGKHAMI 2:25

Kha I marāranglakha eina tangda nathumwui khalei chi singtitmalu.