JEREMIAH 8:4 - Kathara Bible (BSI)

⁴ “Prohona hithāda hānga, da nana athumli hāngra: Mibingna kongkhalui tharan, athumna mangakarthuiluimala? Akhana zatphāphāsālala, malatungluimala?

JEREMIAH 8:4 Iomraidhean Croise

1 WUNGNAOBING 8:38

kashoshokwui vang seihā kasā kala kapo, mi akha kala Israel saikorana nilala ichichāwui ningkachot chitheida, shim hili ngareiunglaga pāng khāngkāda nali kapo chi;

CHĀNSAM 24:16

kaja khangarong mina shini shida kongluiya, kala ngakarthuiluishita; kha makhayābingli unshimuina yuihaora.

ISAIAH 44:22

Muiya thāda nawui sakhalāng, leichui thāda nawui morei ina phanthuimihaira; ili latunglu, kaja ina nali ngatangmihaira.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

JEREMIAH 23:14

Kha Jerusalemwui marānbingli ina zakkashi otsak thei; athumna shām sai kala kakapiklungli zata; makaphā kasā mibingli kasatsangda khipākha makhayāwui eina malatungmana, iwui mangāli athum saikora Sodom thāserhaira, kala chiwui mibing Gomorrah thai.

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 4:1

“Nana latungakha, O Israel, da Prohona hānga, na ili latungphalungra. Nawui ningkakachai otsak hupta iwui mangāwui eina horserhaida ning mayaoyaakha

EZEKIEL 18:23

Makhayā mi kathi chiwui vang ina ringkaphā khi leikhala? da Proho VAREna hānga; ana awui zatta khaleiwui eina latungda ringtharanu majimarala?

HOSEA 14:1

Latunglu, O Israel, Nawui Proho Vareli, kaja nawui khayonkhamāngwui vang na kongluihaira,

HOSEA 6:1

Athumna hithāda hānga, “Ithumli sākazamhailala ana ngahākhuimi khavai, shaokazazamhailala ana ngafakhuimi khavai, ithum Proholi mai ngareiungluishitsa.

HOSEA 7:10

Israelwui lāngkaso china ali khalatta mamayāmana, chithālala athumna athumwui Vare Proholi malatungmana, thatheilaga kaphāla maphāmana.

AMOS 5:2

“Kongluida mathuithukluiki kaji chi kachingva̱ Israelna; a khalattawui ramli nothahaida, khipānakha khāngmathotmi khavai malei.”

MICAH 7:8

O iwui yangkashe, iwuitungli mamathānalu; ina kongluilala ngakarthuiluira; Ina tangkhamangli kapam tharan, Prohona iwui kahor ngasāra.