JEREMIAH 8:3 - Kathara Bible (BSI)

³ Ina kashamvā kahai apam kachida khalei makaphā shimkhurwui shāk kahai saikorana kharingliva kathi ningchangmeihaora da saikorawui Prohona hānga.

JEREMIAH 8:3 Iomraidhean Croise

1 WUNGNAOBING 19:4

Amāng eina thangzatkha lamhāngli yāmvai, kala thingpompa̱ akhawui azingli apama; kala thingasak khavai ana hānga, “O Proho, hi shapshaphaira, ara imanglā khuimihaolu, kaja ila ishāvāngarāli maphāmeirarthura.”

JEREMIAH 23:3

Chiwui thili ngalei khangatateili ina kashamvā kahaibing saikorawui eina shāk kahai athum saikora kazipkhuiluira, kala athumwui yaoshimli khuiungmiluishitra, kala athei kachungkha matheida mayāsangra.

JEREMIAH 23:8

kha ‘Israel shimkhurwui ara̱-azābingli atungshongwui ngalei eina kala ana kashamvā kahai ngalei saikorawui eina thānkashoka Prohowui ming singda kahāngna’ da hāngra; chiwui thili athum khalattawui ngaleili pānra.”

JEREMIAH 29:14

samphangda nathumwui shimlui hanmiluira, kala ina kashamvā kahai apam saikorawui eina, kala yur saikorawui eina nathumli ina kazipkhuida apam hili khuiungmiluishitra’ da Prohona hānga.”

JEREMIAH 29:28

Kaja ana, nathumwui raithā kahai kasāngkhara, shimla sāpamlu, yāmgui sāsangda chiwui kashok chi shailu da Babylonli kapama ithumli pao chiphuntai.”

JEREMIAH 40:12

athumna leikasā apam athumli kashamkhavāwui eina Jehudinaobingna Judah ngalei, Gedaliahwui Mizpahli latungsera, kala athumna drakhāra̱ eina lumkachāngwui athei-arai khavāt maleila kachungkha kazipkhui.

JEREMIAH 44:2

“Saikorawui Proho, Israelwui Varena hithāda hānga: Jerusalemwuitungli kala Judahwui keinung saikorali ina kalākashi khuikharā chi nathumna theiserhaira. Yanglu, chibing chi ngachakyānghaida aja khipākha masompamana,

JEREMIAH 44:6

Chiwui vang eina iwui malungkathui kala lungvāt chi Judah keinungbing kala Jerusalemwui chānreitungli heitāda hithāda aja ramcho kala ngachakyāng ngasak kahaina.

JEREMIAH 6:9

Saikorawui Prohona hithāda hānga: “Israelwui shāk kahai drakhāthei atham kaphā thāda manākazakkhuilu; drakhāthei kaphā mi thāda napāng aphāngbingli latluida phāvālu.”

DANIEL 9:7

O Proho, khamashung-khangarong chi nawuina, kha ithuma aja hi tākam eina, maphākakhui, Judahwui mibing, Jerusalemli khaleibing, kala katā khanaili nana kashamvā kahaia Israel katonga ithumna nawui mangāli morei kasāwui vang pa̱khangapāmānga.

PĀNGMONSHI 26:33

Kala nathumli yur khangateiwui ngachaili chaiyāng ngasakra, iwui raighaina nathumli yunzatra; nathumwui ngalei ramchohaora, keinungla sakathānserhaora.

AMOS 3:1

Egyptwui eina ina thānkashoka O Israelwui mibing, kala shimkhur katonga, Prohona nathumli mamayāla kahāng tui chi nganālu:

JONAH 4:3

Chiwui vang eina, ara, O Proho, ina nali kapona, iwui manglā khuimihaolu, kaja I kharingliva thikahaina phāmei.”

MICAH 2:3

Chiwui vang Prohona hithāda hānga: Yanglu, shimkhur hiwuitungli Ina makaphā shokkhavai khangarān sādaleiya, chiwui eina nathumwui akahung mangatha̱thukmara, kala nathum langsosor mazatmara, kaja chi makaphā atam ngasāra.

KHALATLUI 30:1

“Kala sokhamila, khonkashila ina nathumli chithei kahai saikora hi nathumwuitungli rāshungda, Proho nathumwui Varena nathumli kashamkhavā yur kateiwui alungli nathumna phaningkhaung tharan,

KHALATLUI 30:4

Kalikha nathumli apam ngatateidali chaiyāng ngasakhaisālala, Proho nathumwui Varena chiwui eina nathumli kazipkhuiluishitra, kala chiwui eina ana nathumli shok ngasakluira;

PHONGKHAMI 6:16

Kala athumna phungreibingli kala lunghārbingli ngakaoda vaowa, “Wungpamkhongli kapama chiwui miktheiwui eina, kala Yaonao chiwui malungvātwui eina thummida ithumwuitungli minrormilu,

PHONGKHAMI 9:6

chitharan mibingna thikhavai phāshang phatāra, kha kalikha masamphanglakmara; athum thingaināra; kha kathina yāmhaora.