JEREMIAH 8:1 - Kathara Bible (BSI)

¹ “Prohona hānga, atam chitharan Judahwui awungabing, wungnaobingwui ara̱kui, pāngmonbingwui ara̱kui, marānbingwui ara̱kui, kala Jerusalemli khalei mi saikorawui ara̱kui chikhurwui eina khuishokserra;

JEREMIAH 8:1 Iomraidhean Croise

1 WUNGNAOBING 13:2

Kala mipā china hanphut chili Prohowui tui chi vaoshokta hānga, “O hanphut, hanphut, Prohona hānga; ‘Yanglu, Davidwui shimkhurli Josiah kaho naomayara akha pharāra; ana nawuitungli kaphung kajujuiwui kameowui pāngmonbingli riktāra, kala nawuitungli mira̱kui riktāra.’”

2 WUNGNAOBING 23:16

Josiahna ngarei khaung eina kaphungli chikhur kachungkha thei, kala mi chihoda chiwui ara̱kui akhuishok ngasaklaga meoma̱shim hanphutungli riktāda sākhamāng ngasaka; hi Varewui mi china hithāda shokra da Prohowui tui chi hāngkahai athishurda rākashokna.

2 WUNGNAOBING 23:20

Kala chili leikasā pāngmonbingli hanphutungli shaothatta athumwuitungli mira̱kui riktārora. Chiwui thili ana Jerusalemli latunga.

2 WUNGNAOBING 9:37

kala Jezebelwui angun chi Jezreelwui ngaleili pai thāhaida hi Jezebelna da khipānakha mahāngrarmara.’”

LAA 53:5

Athum chili ngacheeshun eina lei, chikathā khangachee mashoklakrangli! Kaja makaphā athumwui ara̱kui, Varena chaikathān ngasakhaora; athumli khayak ngasakra, kaja Varena athumli mamayāmana.

JEREMIAH 14:16

Kala athumna kahāng tui chi kashābingli Jerusalemwui eina kashamshokhaora, raighai eina kala chāmrei eina thira, athumli chifa khavai mi maleisāmara—athumla, apreiva̱̱ ngarāla, naomayara kala ngalāva̱ ngarā saikorali chifa khavai mi maleisāmara. Kaja athumwui makhayā otsak chi athumwuitungli ina heirorra.”

EZEKIEL 37:1

Prohowui pāng iwuitungli saza̱mi, kala awui manglāna ili tampāk akhawui alungthungli khuivai; kala chili mira̱kuina pemtinghai.

EZEKIEL 6:4

Nathumwui hanphutbing ngachakyānghaora, kala nathumwui nganamkaphā riktā khavai hanphutbingla sakhaimihaora, kala nathumwui kathebing ina nathumwui meoma̱wui azingli hortāmira.

EZEKIEL 6:5

Kala ina Israel mibingwui kathingunbing chi athumwui meoma̱bingwui azingli haimira; kala ina nathumwui ara̱kui nathumwui hanphut kuimareita chaimira.

AMOS 2:1

Prohona hānga: “Moabwui chonkhamakān kathumwui vang, kala matiwui vang, shongrān chi ina mayangmimara; khikhalajila Edom awungawui ara̱-arā ana hotla thāda chuitā ngasaka.