JEREMIAH 7:6 - Kathara Bible (BSI)

⁶ kha̱minaoli, avāva̱ makhaleibingli kala ra̱meinaoli marekharekakha; lah apam hili khayon makhaleibingwui ashee matā ngasakakha, nathum khalattali masāza̱ khavai kala nathum khalatta machot khavai vare khangateili mashurakha,

JEREMIAH 7:6 Iomraidhean Croise

2 WUNGNAOBING 21:6

Anaomayaralila pha̱phayā khavai meili riktai, khanong khayang eina khamarān sāngasaka kala kazeikazang eina laivā kasā hi sāngasaka. Prohowui mikyanli makaphā kachungkha sāda Proholi malungvāt ngasaka.

2 WUNGNAOBING 24:4

kala khayon makhalei mili ana ashee tākhangasak chiwui vangla zanga; kaja ana khayon makhalei mibingwui ashee eina Jerusalem pemngasakhaoda chiwui vang Prohona ali mapheomipai thuwa.

LAA 106:38

athumna khayon makhaleili ashee tāngasaka; athumwui naomayara kala naongalāva̱ ngarāwui ashee, Canaanwui meoma̱li pha̱phayāda; ngalei chi ashee eina makhao ngasaka.

CHĀNSAM 23:10

Achālakhawui thari maphuralu, lah avāva̱ makhaleiawui luili mazangalu,

ISAIAH 59:7

Athumwui phei makaphāli yongzata, khayon makhaleiwui ashee katāli athumna thaklāka, athumwui ningphanin morei ningmānga, athumwui chānreili ngachakyāng kahai shaokakhai shaokatekmānga.

JEREMIAH 13:10

Makaphā mibing, iwui tui makhuisang khangaibing athumwui ningkachāngmāngli ngakaishitingting shurzatta vare kateibingli shitsangda khokharumbing athum khikha masā khavai malao hikathā ngasāhaora.

JEREMIAH 19:4

Khikhalajila mibingna ili horhaowa, avāva̱ ngarāna makathei, Judahwui awungabingna makathei kala athum eina tangda makathei varebingli nganamkaphā ot riktāda apam hi sāmakhaohaira; khiwui vangkhala kaja khayon makhalei miwui asheena apam hi pemhaira.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 2:34

Kala nathumwui kachonlila, khayon makhalei, kachāmabingwui ashee kāda lei; athumna shaokhai kazang nathumna matheimana. Kha saikora hi sāhailaga nathumna,

JEREMIAH 26:15

Kha hi theishingkhuilu, kaja, ili nathumna shaothatakha, khayon makhalei ashee chi nathum khalattawuitungli, keinung hiwuitungli, kala hili kapambingwuitungli tāra, kaja khamashung eina nathumwui khanāli hāngkahai tui saikora hi hāngmi khavai ili Prohona kachihona.”

JEREMIAH 26:23

kala athumna Uriahli Egyptwui eina atukkhuilaga khuiungda Awunga Jehoiakimna raighai eina yorthathaowa kala awui asa yaruiwui chikhurpamli chifahaowa.

JEREMIAH 35:15

Iwui rao marānbing kachungkha chihoda athumna, ‘Makhamashung apongwui eina nathum kachiva̱ latungda nathumwui apong mashung ngasaklu, kala khangatei vareli otram ngatha khavai mashurzatalu, chithakha nathumli kala navāngarāli ina mikahai ngalei chili somra’ da hāng ngasakchinga. Kha nathumna ili manganāsangmana, kakhuila makhuisangmana.

JEREMIAH 5:28

Athum pangsiriri nganaiyokhaira. Makhayā ot kasāli katang mavaimana; mataisang khavai marānaowui mashun maphaningmimana, khavātabingwui khamashung matheimimana.

JEREMIAH 7:5

“Kaja nathumwui apong kala otsak kachangkhatta nathumna mashungkhuihaiakha, kachangkhatta akha eina akha mashun eina sangarokchaoakha,

JEREMIAH 7:9

Nathumna leeda, mi sathatta, phophāda, mingzaiphāphāda, Baalli nganamkaphā riktāda kala nathumna makathei vare khangatateili shuralaga,

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

EZEKIEL 18:6

ana phungreitungli mashaiakha lah Israel shimkhurwui meoma̱li mik mangareikaakha, awui khongnaiwui preiva̱li masākhamāngakha lah shanaoli makathar kazat atamli mangasoakha,

EZEKIEL 22:7

Nathumwui alungli ava̱ avāli ningkachaida sai, nathumwui alungli kha̱ramkazat milila takzai, marānaobing kala ra̱meinaobingli mashun mayangmimana.

PĀNGMONSHI 19:33

“Nathumwui ngaleili kha̱mi khangatei ngasokhara leiakha, athumli khalāng ot masālu.

PĀNGMONSHI 25:17

Nathum akha eina akha khalāng ot masāngarokalu, kha nawui Vareli ngacheelu; kaja I Proho nathumwui Varena.

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

MATTHEW 27:25

Chieina yarui saikora china ngahānkai, “Awui ashee chi ithum eina ithumwui naongarāwuitungli tāranu.”

MATTHEW 27:4

hānga, “Khayon makhalei mili shaothat khavai yankasai hi I morei sāhaira.” Athumna ngahānkai, “China ithumli khi sākida? Chiya nawui otna.”

KHALATLUI 11:28

kha Proho nathumwui Varewui ningkhamibing chi manganāmada, kala ina kagaso ningkhamibingwui eina ngareithuida nathumna makathei khangatei varebingli phaningakha khonkashi ngasāra.

KHALATLUI 24:17

“Nathumna kha̱miliranu lah avāva̱ makhaleiyaranu, athumwui mashun chi mamatui khayeimihaialu, lah ra̱meinaowui kachon leiham masāpaimana.

KHALATLUI 27:19

“‘Kha̱mili, marānaoli kala ra̱meinaowui mashun hāngmakheimi kahaipa chili khonkashi ngasāranu’ da kahāng eina, mi saikorana ‘Amen’ jira.

KHALATLUI 8:19

Kala kalikhada nathumna Proho Vareli malaihaida yur khangateiwui varebingli shurthuihaida kala athumli khorumda otram ngatha̱akha, ina aja saklak eina kahāng hina kaja, nathum thiphalungra.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.