JEREMIAH 7:2 - Kathara Bible (BSI)

² “Prohowui shim zangkhavaiwui ngaveili anganingda tui hi vaomalānda hānglu, Proholi khorumkida ngavei hili kānkazanga Judahwui mi saikora Prohowui tui nganālu.

JEREMIAH 7:2 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

LAA 122:2

O Jerusalem! nawui ngaveili ithum rānganinghaira!

ISAIAH 1:10

Sodom ngalei khamunga nathum! Prohowui tui nganālu, Ithumwui Varewui hāngkachithei nganālu, Gomorrahwui mibing nathum!

JEREMIAH 10:1

O Israelwui shimkhur, Prohona nathumli kahāng tui chi nganālu.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

JEREMIAH 19:14

Prohona marān khavai chihokhavāpam Tophethwui eina Jeremiahna latungda Prohowui shimwui kayāngli nganingda mi saikorali hānga:

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 2:4

Prohowui tui nganālu, O Jacobwui shimkhur, kala Israelshi shimkhur saikora.

JEREMIAH 26:2

“Prohona hithāda hānga: Prohowui shim kayāngli nganingda Judahwui keinungbing eina Prohowui shimli khorumkida kharā athum saikorali, ina nali kasoda kahahāng saikora hi hāngmiserlu, tui akha nida mathumhaipaimara.

JEREMIAH 28:5

Chieina Prohowui shimli nganingkasa pāngmonbing kala mi saikorawui mangāli marān Jeremiahna marān Hananiahli ngazeka;

JEREMIAH 34:4

Chithālala Prohowui tui nganālu, O Judahwui awunga Zedekiah! Nawui pongli Prohona hithāda hānga: Na raighai eina mathimara.

JEREMIAH 36:10

Kala mi saikorana shākhavai, Jeremiahwui tui, lairik akhaluili kapi kahaibing chi Baruchna Prohowui shimli zangkhavai Kadhara Ngavei chiwui atoli khalei Shaphan kapimewui naomayara Gemariahwui kāwui eina pāchithei.

JEREMIAH 36:6

chiwui vang eina nana vālaga, kakhum eina pamthang, ina hāngtālaga nana kapikhui kahai lairik akhalui hiwui eina Prohowui tui hi Prohowui shimli khalei mi saikorana shākhavai pāmilu. Keinungwui eina kharā Judahwui mi saikoranala shāser khavai nana pāchitheilu.

JEREMIAH 44:24

Mi saikorali kala sha̱nao saikorali Jeremiahna hānga, “Egyptli khalei Judahwui mi saikora Prohowui tui nganālu;

JEREMIAH 7:1

Prohowui eina Jeremiahli rākahānga tui:

EZEKIEL 37:1

Prohowui pāng iwuitungli saza̱mi, kala awui manglāna ili tampāk akhawui alungthungli khuivai; kala chili mira̱kuina pemtinghai.

HOSEA 5:1

Hi nganālu, O pāngmonbing! Khuisanglu, O Israelwui shimkhur! Nganāsanglu, O awungawui shimkhur! kaja bichar chi nathumwuina; kaja na Mizpahwui vang khalen ngasāhaira, kala Taborli khailan horror kahaina.

AMOS 7:16

Chiwui vang eina Prohowui tui chi nganālu; Israelli makhamayā mamarānalu, kala Isaacwui shimkhurli makhamayā pao mahāshokalu da nana hāngdalei!

MICAH 1:2

Nganālu, miyurbing, nathum zaikora; nganālu, O okathui, kala chiwui alungli khalei saikora; Prohona awui kathara shim eina Proho VAREna nathumli makhamayāwui shākhi ngasāranu.

MICAH 3:1

Kala ina hānga; Nganālu, Jacobwui akhavābing kala Israelwui shimkhur khamungabing! Mashun kathei hi nathumwui vang maningmala?

MICAH 3:9

Hi nganālu, Jacobwui shimkhurwui akhavābing, kala Israel shimkhurwui khamungabing, mashunli ningkakachaibing, khamashungli masho khangasakbing,

MATTHEW 13:9

Shākhavai khanā kakā a china shākhuiranu.”

JOHN 18:20

Jishuna ngahānkai, “Ina apuk-apagva̱li phonglāk eina hāngchinga; Jihudi katongana rākakazip synagogue kala khorumshimli tamchitheichinga; ina ngathumda kahāng khikha maleilakmana.

OTSAK 5:20

“Nathumna khorumshimli vanganingda mibingli kharingawui tui saikora hi ahāngchitheilu.”

OTSAK 5:42

Kala thangkachida athumna khorumshimlila, shimlila Jishu hi Khristana kaji hākashok, tamkachithei mathāhailakmana.

PHONGKHAMI 2:11

“Manglāna churchbingli kahāng chi khanā kakaana nganākhuiranu! “Khayuiapa chili thikakhanena masāza̱rarmara.

PHONGKHAMI 2:17

“Churchbingli Manglāna kahāng chi khanā kakaana nganākhuiranu! “Khayuia athum chili ina ngathum kahai manna mizāra; Ina kachara ngalung akhala mira, ngalung chiwuitungli aming kadhara akha kapisanghai. Aming chi samkaphangapa maningla khipānakha matheimana.

PHONGKHAMI 2:29

“Manglāna churchbingli kahāng chi khanā kakaa a china nganākhuira̱nu!

PHONGKHAMI 2:7

“Manglāna churchbingli kahāng chi khanā kakaana nganākhuiranu! “Khayuiya chili, Varewui Paradiseli khalei kharing thingrongwui athei chi ina shaingasakra.

PHONGKHAMI 3:13

“Manglāna churchbingli kahāng chi khanā kakaa a china nganākhuiranu!

PHONGKHAMI 3:22

“Manglāna churchbingli kahāng chi khanā kakaa a china nganākhuiranu!”

PHONGKHAMI 3:6

“Manglāna churchbingli kahāng chi khanā kakaa a china nganākhuiranu!