JEREMIAH 7:16 - Kathara Bible (BSI)

¹⁶ “Kha nava, mibing hiwui vang seihā masālakalu, kala chaptala seihā masālakalu, ili kapola mapoalu, kaja ina nathumli mashāmimana.

JEREMIAH 7:16 Iomraidhean Croise

2 SAMUEL 8:18

kala Jehoiadawui naomayara Benaiah Cherethnaobing eina Pelethnaobingwui akhavā sai; kala Davidwui naongarābing pāngmon sāsera.

SHONGZĀ 32:10

Ara chithāda sāda iningkhānra, iwui malungkhavāt mei kachui thāda ina athumli mutngasakra; kha nawui eina yur kahakva̱ akha sāngasakra.”

ISAIAH 1:15

“Nathumna pāng phayaikashok tharan, imik nathumwui eina thumhaora; nathumna seihā kachungkha sālala, ina manganāsangmara; nathumwui pāng asheemānga.

JEREMIAH 11:14

Chiwui vang eina yurbing hiwui vang seihā mapomialu, athumwui vang mavaomialu, seihāla masāmialu, kaja athumwui kakhanang atamli athumna khangakao tharan ina makhuisangmiluimara.”

JEREMIAH 15:1

Chiwui thili Prohona ili hānga, “Moses eina Samuelna iwui mangāli nganinglala, iwui wuklung mibing hili mangareiungluimara. Iwui maiyan eina kashamhaolu, kala athumli thui ngasakhaolu.

JEREMIAH 15:6

Nathumna ili makhuisangmana, yāmkhangai yāma da Prohona hānga, chiwui vang nali mamayāmada ipāng katingshokta nali shimān khangasakna;— Ina yangmisānhaira.

JEREMIAH 18:20

Kaphāwui sāman makaphā ngasāpairala? Kha imanglā khuikhavaiwui vang athumna chom chuihaira. Phaningungmilu, ina kathāda athumwui vang kaphā hāngmikhavai, athumwui eina nawui malungkhavāt khuithuimi khavai nawui mangāli nganingkhala kaji.

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

JEREMIAH 7:17

Judahwui keinungli kala Jerusalemwui chānreili athumna khi sālikhala kaji nathum matheimala?

MICAH 3:4

Chiwui thili athumna Proholi chapta vaora, kha ana athumli mangahānkāmara; chitharan ana athumwui eina mai ngareithuihaora, kaja athumna athumwui otsak zakshi ngasakhaowa.

KHALATLUI 9:14

ili makhāmalu, athumli sāshimānhailaga athumwui ming okathuiwui eina katatserhaora; kala ina nawui eina athumli reikhameiya kala pangkhameiya yur nawui eina sākhuira.’

1 JOHN 5:16

kachikathā mi akhana, avānao akhana mathikapai morei kasā theiakha ana awui vang seihā sāmiranu, chieina mathikapai morei kasāwui vanga Varena ali ringngasakra. Thikapai morei lei; chikathāwui vang seihā sāmilu da ina kahāng maningmana.