JEREMIAH 6:1 - Kathara Bible (BSI)

¹ O Benjaminwui mibing, kalāmashi khavai Jerusalemwui eina yāmulu! Tekoali talla̱ khonglu, Beth-haccheremli khamachut akha khāngkālu; kaja atungshongwui eina makaphā shimān khangasak akha rapurhaira.

JEREMIAH 6:1 Iomraidhean Croise

NEHEMIAH 3:14

Rechabwui nao Malchijah, Beth-haccherem leiretli khamunga china Thothap Ngavei chiphomi; kala ana khāmong, lonkhavai, veiruithing sāsangsera.

JEREMIAH 6:22

Prohona hithāda hānga: “Yanglu, atungshongwui ngaleiwui eina miyur akha rārāli, kahaka yur akha okathuiwui tameikap kaje pam eina ngatha̱phokhaira.

2 THOTRINCHĀN 11:6

Chiya: Bethlehem, Etam, Tekoa,

2 SAMUEL 14:2

Kala Joabna thangkhamei preinao akha Tekoawui eina vāphakhui ngasakta hānga, “Chapkhangachā mi akha sākhaninglu, kala chiwui kachon ngavailu, thaola maneolu, kha atam kasāngkha kathiwui vang chapngachā kahai preiva̱̱ thāda sākhaninglu;

WUNGVA̱-WUNGVĀ 1:21

Kha Jerusalemli pamkasā Jebusnaobingli Benjaminwui mibingna makashamana; chiwui vang eina aja rāshungda Jerusalemli Jebusnaobing eina Benjaminwui mibing pamrumda lei.

AMOS 1:1

Tekoa ngaleili yaokahoma akha sākasā Amosna, Israelwui pongli Judahwui awunga Uzziah kala Israelwui awunga Joashwui naomayara Jeroboamwui atamli, neina̱ makhanukranglakha zingkum khaniwui atamli Israelwui pongli katheina.

JEREMIAH 25:9

yanglu, ‘Ina ngalei kala hili kapamabing, kala hili kuimareida khalei yurbing hili makhamayāwui vang atungshongwui yur saikora, kala Babylonwui awunga iwui rao Nebuchadrezzarli ina chihorālaga athumli zakshilāk eina shimān ngasakra, khangachee-khangachā, kasiror khavai, kala katang makhavai maikashi ngasā ngasakra.

JEREMIAH 10:22

Nganālu, chānkharop akha! Yanglu, chi rārāli! — hakkhamahā maphakakhui akhon atungshongwui eina, Judahwui keinungbing ngachakyāng eina ramfakhur ngasā ngasak khavaina.

JEREMIAH 4:29

Siguiraimi kala malā kasingbingwui akhon shālaga, keinung kachiva̱wui mi yāma; athumna khararli zanga; athumna lunghārbingli yākkai; keinung saikora horserhaira, kala chili mi khipākha mapānluimana.

JOSHUA 15:63

Kha Jebusbingli Judahbingna Jerusalem eina makashamshokrarthuwa; chieina Jebusbing Judahbingli ngasoda aja eina tangda Jerusalemli pamda lei.

AMOS 3:6

Keinungli talla̱ khonglaga makhangachee kali lei? Prohona kasā maningla kathāda keinungli kalākashi tāpaira?

ZECHARIAH 6:6

Sigui kazikbingna kashimena gari chi atungshong shangra, sigui kacharbingna kashimena china zingtunshong vāra, kala hotla machu kachuka siguibing china azingshong tāra.

NEHEMIAH 3:5

Athumwui thili Tekoinaobingna chiphoi, kha athumwui wungnaobingna Prohowui ot kasāli ning masangmana.