JEREMIAH 5:7 - Kathara Bible (BSI)

⁷ “Ina kathāda pheomira? Nanao ngarāna ili malaihaowa, kala vare makhaningbingwui ming eina mingzaihaowa. Athumli thoting eina mizaakha phokaphā ot sāhao, athumna khayorva̱wui shimli ngaheireida apamhaowa.

JEREMIAH 5:7 Iomraidhean Croise

2 THOTRINCHĀN 13:9

Nathumna Prohowui pāngmonbing, Aaronwui naongarā kala Levibingli kashamhaida nathum khalattawui vang pāngmon ngalei khangateiwui yurbing thāda phākasang maningmala? Kachikathāthāna mukvānao akha maningakha yaovā shini khuirālaga tharchikatakha vare makhaningwui pāngmon sāngasaka.

JOBWUI LAIRIK 31:12

kaja chi Abaddonwui mei kathāna, kala china iwui mataikasang angayung vāshungda chuitāra.

LAA 50:18

Nathumna khale mi theiakha awui ngasotnao sai, kala phokaphābingli nathum ngasozata.

JEREMIAH 12:16

Kala hithāda shokra, athumna iwui mibingwui apongbing chi ningmazinglak eina tamkhuiakha, imingli mingzaida, ‘Prohowui ming singda kahāngna,’ da athumna iwui mibingli Baalli mingkazai tamkachithei thāda saakha, iwui mibingwui ngachaili athumlila okthui ngasakra.

JEREMIAH 13:27

Nathumwui ningkakachai otsak ina theiserhaira, phokaphāla, khayor otsak, luili ngahongli khamathang kasāsā saikora! O Jerusalem, nali kakhanang ngasāranu! Na karankhawui thili tharnaonikhala?

JEREMIAH 16:11

chitharan nana athumli hithāda ngahānkāra: Prohona hānga, ‘Khikhalajila nashāvā ngarāna ili horhaida vare khangateibingwui thi shurthuihaowa kala otram ngatha̱da athumli khoruma, kala ili horchaohaida iwui ainla mamayonmana,

JEREMIAH 16:20

Mina akhalattawui vang varebing sākhuipaila? Chikathā chiya varebing maningmana!”

JEREMIAH 2:11

Yur akhana athumwui varebing akachang maninglala, athumwui varebing khangachei leihairala? Kha iwui mibingna khikha makankhanāwui vang athumwui tekhamatei ngacheihaira.

JEREMIAH 2:31

O mithot, nathum Prohowui tui nganākhuilu. I Israelwui vang lamhāng lah tangmangting kahai ngalei ngasāhaola? Maningakha kathāda iwui mibingna, ‘Ithum ningkhānhaira, ithum nali maungluilakmara’ da hāngkhala?

JEREMIAH 23:10

Kaja ngalei hi phokaphāna pema; khonkashiwui vang ngaleina sifay, lamhāngwui seihomphungla ngaikhokhaira. Athumwui otsak makaphāna, kala athumwui pangshap mamashungmana.

JEREMIAH 3:19

“‘Inaomayarabingwui alungli nali kathāda khamathā lam akha milaga chipamsikhala kala, miyur saikorawuili mathāmeikap kaji shimlui nali kathāda haimirakhala da ina machuka. Kala nathumna ili iwui Ava hora; kala ili kashurwui eina mangareithuimara da phaningsai.

JEREMIAH 3:8

Shitkasang makhaleiva̱, Israelwui phokaphā saikorawui vang ina kapāngwui lairik kapimida chiho kahai chi makhamashungva̱ achināva̱ Judahna thatheilaga mangacheela ala vālaga khayorva̱wui ot sāzata.

JEREMIAH 7:9

Nathumna leeda, mi sathatta, phophāda, mingzaiphāphāda, Baalli nganamkaphā riktāda kala nathumna makathei vare khangatateili shuralaga,

JEREMIAH 9:1

O, ikui tara̱si kaje, imikna chāra̱wui ura̱si kaje sāthat kahai iwui mibingwui naongalava̱wui vang chapshon chapthaira!

JEREMIAH 9:2

O, siwukli ramkazatabingwui ngasām khavai akha leisi kaje, iwui mibingli chihohailaga chili mavāpamhaikapai! Kaja athum saikora phokaphā, mikhanama mimāng sāthuihao!

CHAPCHĀT 3:42

“Ithumna ngakaishida morei sāhaira, kala nana mapheomiranga.

EZEKIEL 22:11

Akhana khongnai preiva̱li ngashāma, khangatei kaikhana arihāva̱li ngasopi; kaikhana avāva̱wui naongalāva̱ azarva̱li sākhamāngmi.

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

HOSEA 13:6

kha athumna thoting eina zākahai tharan, thohaida lāngsohaowa; chiwui vang eina ili malai kahaina.

HOSEA 4:2

shākhi kasā, kakapik, shaokathat, khalee ot kasā kala phokaphāmāng lei; masaalu kaji saikora athumna sai, kala shaokathatwuitungli shaokathat ngarora.

HOSEA 7:4

Athum saikora shām kasā misera; athum sālak kahaiya meiphung kathāna, khamui naihailaga makapchungranglakha eina tangda, khamui kasaana mei masākashimit thāda.

PĀNGMONSHI 20:10

“Mi akhana khongnai preiva̱li phophaakha, mayaralila, preiva̱lila shaothat thathuira.

AMOS 8:14

Samariawui Ashimahli mingzaida shākhi sāda, ‘O Dan, nawui varena theiya’ kala, ‘Beer-shebawui mirin thāda kharingbing’ da hāngra, athumna pitāra, mangakarthuklui mara.”

ZEPHANIAH 1:5

shimtungli kānganinglaga zimik kachāng sirāli khokharumbing; Prohowui mingli mingzailala Milcomwui ming eina shākhi kasābing;

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

1 CORINTHNAO 6:9

Makaphā-makhayābingna Vare wungramli mazangmara da nathum matheimalā? Matheinguihaialu, shāmkasābing, ama̱li kapha̱bing, phokaphābing, mayarnao eina mayarnao, sha̱nao eina sha̱nao phasā khangasobing,

1 CORINTHNAO 8:4

Chithada sāda meoma̱li pha̱kahai kashakazāwui pongli hithada ngahānkāngai; ithumna thei kaja meoma̱ hiya kachangkhat khalei otwui amahā maningmana; kala Vare akhamanga katei maleiluimana da ithumna thei.

GALATIANAO 4:8

Rida nathum Vareli matheisāmana, chieina khangacha eina vare makhaninga rinbingwui raonao sāsai.

KHALATLUI 32:15

“Kha Jeshurun athaona maruimithaiya, kala ngakaishihaowa; athaona maruimit, nathum asā kalākhaowa, kala nganaipathaowa; chieina ali kasaa Vareli horhaowa, kala awui huikhame Lunghārli mana̱shi.

KHALATLUI 32:21

Makakachanga Varewui vang ili zimari ngasakhaira, athumwui meoma̱ chiwui vang ili malungvātngasakhaira. Ara chiwui vang ina yur kateili mathuk ngasakta athumli yuishi ngasakra, ina athumli mangkhama̱ yur eina malung thuingasakra.

HEBREWNAO 13:4

Shakazā ot hi khayākakā otna, shakazā pet mamakhao ngasakalu. Varena khamathang-khamarangbingli kala phokaphābingli bichar sāra.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

JOSHUA 23:7

chithākha nathumwui ngachaili yur khangateiwui mi leida khalei chili mamanātmara, lah athumwui varebingwui mingla masingmara, lah athumwui ming singda shākhi masāmara, lah otram mangatha̱mara, lah nathum khalatta mashunzangda athumli makhorumara,