JEREMIAH 5:6 - Kathara Bible (BSI)

⁶ Chiwui vang, khararwui kazingkha̱ akhana athumli sāthatra; siwukwui ramfa akhana shimān ngasakra. Kuirāngna keinungli rimpamda lei, kashoshoka mili akha̱ sāda serkazamhaora; khikhalajila athumwui sākhalāng kachungkhaya, Vareli khalan kahai hakmahālaka.

JEREMIAH 5:6 Iomraidhean Croise

ZEPHANIAH 3:3

Awui otva̱bing kakhanganga kazingkha̱na; awui bicharwobing ngathorshongwui vang khikha mataikakhuia ngazinshongwui ramfana.

HABAKKUK 1:8

Athumwui sigui kuirāngli thākmei, zingyinlamwui ramfali sāshimei; athumwui sigui raimi hiksor eina muivai. Mha, athumwui sigui raimi katāva̱wui eina rai; tukshai khavai athumna khalāng thāda yonga.

JEREMIAH 4:7

Kazingkha̱ akha akhur eina shokhaira; yurbingli sākakhayanga akha shokhaira, awui pamwui eina zathaira, nathumwui ngalei sāshimān khavai; nathumwui keinungbing sākhayanghaida mila mapamara.

EZEKIEL 22:27

Awui alungli khalei wungnaobing, khara̱ngna sā makeikakhanār thāda, ashee tāngasaka, makhamashung apong eina tongkhavai manglā sāshimāna.

PHONGKHAMI 13:2

Ina kathei sāyur chi kuirāng thai, phei singom thai, akhamor kazingkha̱ thai. Dragon china awui pangshap, awui wungpamkhong kala awui khamungsin sā chili mi.

HOSEA 5:14

Kaja iya Ephraimwui vang kazingkha̱ kathā, kaja Judah shimkhurwui vang kazingkha̱nao kathā ngasāra. I khalattana sākazamlaga thuihaora, ina phungthuihaora, khipānakha makānluirarmara.

DANIEL 7:6

Chiwui thili ina yanga, kala yanglu, kuirāng thāda, vānaowui angachāng khumkhorli mati kai; kala sā chi akui mati kai; kala ali mungkhavai pangshap mi.

DANIEL 7:4

Khare chi kazingkha̱ thai kala khalāngwui angachāng kai. Kala ina yangda leilakha angachāng hekmihaowa kala khāngkhaninglaga mi thāda aphei khani eina ngaleili nganing ngasaka, kala miwui ningla ali sangmi.

EZEKIEL 23:19

Chithālala nganuilakha Egyptli khayorwui acham sākasā chi machihohailakmana, kala mataikhangai mataida sai,

EZEKIEL 16:25

shongfaphei kachida khamasopam sakhuilaga chili nawui khamathā chi yorpama, rākakān kachivali mayāmida khayorva̱wui otsak mataisanga.

CHAPCHĀT 1:5

Awui yangkashebingna akhavā sāhaira, awui yanggshebingna mataisanga, khikhalajila Prohona ali khanang ngasaka, awui khayonkhamāng chungnā kahaiwui vang; anaongarā thuihaira, yangkashebingwui mangāli narkahaiabing sāthuihaira.

JEREMIAH 49:19

Yanglu, khangazipa yaoshimli Jordan ngahongwui eina kazingkha̱ kashok thāda, ina athumli awui eina kashuirak eina yāmngasakhaora, kala ali mungkhavai ina khuikhangai mi akha kapangsangra. Kaja I kathā khipā leikhala? Ili yaokahoma khipāna ngasungshaprakhala?

JEREMIAH 30:24

Prohowui sākashi malungkhavāt chi mahanungluimara, awui ningli ngarān kahai chi makupchaoranglakha eina tangda. Khanā zimiksholi hi nathumna theishingkhuinaora.

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

JEREMIAH 25:38

Kazingkha̱ thāda awui akhur chihoda shokhaira, kaja athumli rekakharekawui raighai kala awui sāshilak kahai malungkhavāt chiwui vang athumwui ngalei arema sāhaira.

JEREMIAH 14:7

“Ithumwui khayonkhamāngna jisālala, O Proho, namingwui vang ngachonmilu. Kaja ithumna sa̱na̱thui kahai chungnāhaira, ithumna nali morei sāhaira.

JEREMIAH 2:19

Nathumwui makhayāna nali machinra; kala nawui shitkasang kahat china nali machinra. Nawui Vare Proholi horkahai hi nawui vang makaphā kala kakhā otna kaji yangda theikhuilu; ili khangachee nathumwui alungli maleimana,” da saikorawui Proho VAREna hānga.

JEREMIAH 2:17

Ana nali apong chili thānkazat tharan, nawui Vare Proholi malaihaida nathum khalattawuitungli hi khuikharā maningmala?

JEREMIAH 2:15

Kazingkha̱na ali nirhaira, athumna panglak eina nihaira. Athumna awui lam ramphomihaira, awui keinungla sākathānmihaida mi akhala maleithura.

ISAIAH 59:12

Nawui mangāli ithumwui khayon mataisanghaowa, kala ithumwui moreina ithum khalattali phongshoka; kaja ithumwui khayonkhamāngna ithumli ngasozata, kala ithumwui khalāng ithumna thei:

LAA 104:20

Nana tangkhamang sai, kala chi ngayāna, ngahongwui sāyur saikorana atam chili ngara̱zatphoka.

EZRA 10:10

Kala pāngmon Ezrana thuinganingda hānga, “Nathum ningkhami kaida yur khangatei ngalā kakhuiwui vang Israelwui khangui mataisang ngasakhaira.

EZRA 9:6

“O iwui Varivara, nawui mangāli imai ngareikākida khayakhaowa, kala vaishihaowa, iwui Varivara, kaja ithumwui khayonkhamāng ithumwui kui kānkāhaira, kala morei kazingram kāzokhaira.

MISHĀN 32:14

Kala yanglu, navā ngarāwui mahut, morei kaphungbingwui mithot nathum shokrali, hieina Prohowui malungkhavāt chi Israelwuitungli mataimeida tāra!

LAA 80:13

Ngahongli khalei sivāna sākazama, kala luili kazata saikorana chi phāshai.

JEREMIAH 8:5

Chithākha mibing hina khisāda khangui pongli sa̱na̱ungchinghaokhala? Kakapikli akachanga sāda athumna malatungngaiki jihao.

JEREMIAH 30:15

Nawui sākaza̱wui vang khisāda ringkhangā? nawui khangashei maraipaimana. Khikhalajila nawui khayon hakmahālaka, khikhalajila nawui morei chungnāhaira. Ina nali hithā khangasakna.

2 THOTRINCHĀN 36:14

Yarui kala pāngmon kathānabingla, yurbingwui ningkakachai saikora chili shurda mashitsang phaphuthuwa, kala Jerusalemli khalei tharchigat kahai Prohowui shim makhao ngasaka.

JOBWUI LAIRIK 10:16

Kala I khalatta masochikatakha, kazingkha̱ thāda nana ili kharoma, kala iwuitungli matakhak kahai sākashi sālui;

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

JEREMIAH 2:31

O mithot, nathum Prohowui tui nganākhuilu. I Israelwui vang lamhāng lah tangmangting kahai ngalei ngasāhaola? Maningakha kathāda iwui mibingna, ‘Ithum ningkhānhaira, ithum nali maungluilakmara’ da hāngkhala?

JEREMIAH 8:7

Kazingramli yongkazat vārokla awui atam thei; nāsha̱la, yāngyaola, vārokla latkhaungwui atam thei; kha iwui mibingna Prohowui shiyan-chikan matheithuwa.