JEREMIAH 5:5 - Kathara Bible (BSI)

⁵ Khangamabingli ina vālaga ahāngra, kaja, athumna Prohowui apongla, Varewui ainla thei.” Kha athum saikora ngaraichāda langkon chi sāteka, kala khara̱ chi sāshathaowa.

JEREMIAH 5:5 Iomraidhean Croise

2 THOTRINCHĀN 36:14

Yarui kala pāngmon kathānabingla, yurbingwui ningkakachai saikora chili shurda mashitsang phaphuthuwa, kala Jerusalemli khalei tharchigat kahai Prohowui shim makhao ngasaka.

SHONGZĀ 32:25

Mibingna ningkhān kasā chi Mosesna theilaga (kaja athumwui yangkashebingwui mangāli athum khalatta khayāmalā khavai Aaronna ningkhān sāngasakhaowa).

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

JEREMIAH 2:20

“Kaja nathumna nathumwui langkon sāshatta, nar kahaiwui eina shok kahai atam kasāngkhahaira; kala nathumna, ‘I otram mangatha̱luimara’ da hānga. Mha, kaphung kajuitung kachiva̱li, khamatek thingrongphei kachiva̱li khayorva̱ thāda khoruma.

JEREMIAH 2:31

O mithot, nathum Prohowui tui nganākhuilu. I Israelwui vang lamhāng lah tangmangting kahai ngalei ngasāhaola? Maningakha kathāda iwui mibingna, ‘Ithum ningkhānhaira, ithum nali maungluilakmara’ da hāngkhala?

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

JEREMIAH 6:13

Kaja teomeithui kaje eina thuida reimeithui kaje eina tangda athumna makhamashunga tongzā khavai kāramsera; marān eina thuida pāngmon kāshungda, mamashungla sai.

JEREMIAH 8:7

Kazingramli yongkazat vārokla awui atam thei; nāsha̱la, yāngyaola, vārokla latkhaungwui atam thei; kha iwui mibingna Prohowui shiyan-chikan matheithuwa.

JEREMIAH 9:3

Athumwui malena malā thāda huna; khamashungwui vang maningla makhamashungna apam chili pangsanga, kaja athumna makaphāwui eina makaphāshong vai, kala athumna ili matheimana da Prohona hānga.

EZEKIEL 11:2

Kala ana ili hānga, “Miwui naomayara, keinung hili makaphā awor sāda morei sākhangasaka kala makhayā ot hāngkachitheia mibing chi hina.

AMOS 4:1

Tui hi nganālu, Samaria kaphungli khalei Bashanwui seivā nathum, kachāmabingli rekakhareka, kala khavātabingli yomkachizaibing; gahara ngarāli, ithum mangkhavai khuiungmilu kajibing.

AMOS 6:1

“Zionli leiyālak eina khaleibing, kala Samariali ningnganungkhun eina khaleibing, Israel shimkhur shok khavai rimeithui kaje yurwui khareia mibing, kakhanang ngasāranu!

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MALACHI 2:7

Khikhalajila pāngmon akhawui morchai eina theikakhui chi mayonphalungra, kala mibingna awui khamorwui eina hāngkachithei chi phāphalungra, kaja a saikorawui Prohowui paophungana.

LUKE 18:24

Jishuna ali yangkālaga hānga, “Lan kachungkha khaleinaobingwui vang Vare wungramli zangkida kayākha sakrakhala?

LUKE 19:14

Kha aramnaobingna ali yangkharinghaoda a zatthui kahaiwui thili, ‘Ithumwuitungli mipā hina khamung maningchāngmana’ da ahāng khavai minganin chihovai.