JEREMIAH 5:4 - Kathara Bible (BSI)

⁴ Chieina ina hānga, “Athum hiya kachāmabingna, athum ning makhaleibingmānga; kaja athumna Prohowui apong kala Varewui ain matheimana.

JEREMIAH 5:4 Iomraidhean Croise

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 29:12

Kala lairik chi mapākathei akhali “Hi pālu” da kahāng eina, “Mapātheimana.” jihaowa.

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 7:8

“Yanglu, nathumna aremali kakapik tuili shitsanga.

JEREMIAH 8:7

Kazingramli yongkazat vārokla awui atam thei; nāsha̱la, yāngyaola, vārokla latkhaungwui atam thei; kha iwui mibingna Prohowui shiyan-chikan matheithuwa.

JEREMIAH 9:3

Athumwui malena malā thāda huna; khamashungwui vang maningla makhamashungna apam chili pangsanga, kaja athumna makaphāwui eina makaphāshong vai, kala athumna ili matheimana da Prohona hānga.

HOSEA 4:6

Theikakhui khavātwui vang iwui miyur shimān ngasakhaira; kaja theikakhui chi nana makhuingaithuwa, iwui pāngmon khangasāwui eina nali khalanhaira. Kala nana nawui Varewui ningkhami malai kahaiwui vang, inala nawui naongarāli malaira.

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.