JEREMIAH 5:3 - Kathara Bible (BSI)

³ O Proho, namikna khamashungwui vang mayangmala? Nana athumli ngaphitmihaira, kha athumna kachot matheimana; nana athumli yummihaira, kha mashungkhui khavai masāmana. Athumna athumwui mai lunghārli makangmei ngasakta, ning mangateingaithuwa.

JEREMIAH 5:3 Iomraidhean Croise

HAOKAPHOK 19:34

Akhama kathā khararva̱ china agatuiva̱li hānga, “Yanglu, angayā ina ishāvāli ngasopihaira, ajala marip ngasakluida ashama nani ngasopilu; chithāda sāda iniwui nao ishāvāwui eina samphangda amachi leipaira.”

1 WUNGNAOBING 13:33

Hiwui thili Jeroboamna makaphā shongfawui eina mangareiungmana, kha kajujuipamwui vang khangatei mibing ngachaiwui eina pāngmon kapangsanglui, kala sakhangangaibing chili tharchigatmida kajujuipamwui vang pāngmon sāngasaka.

2 WUNGNAOBING 1:13

Awungana kakathuma sāda hangphangāwui raithāna kala awui hangphangā eina ngasoda chihokāluishita, kala kālaga Elijahwui mangāli khuktilaga poi, “O Varewui mi, iwui manglā kala nawui rao hangphangāwui manglā hi nawui mikyanli sakta kaphaningmilu.

2 THOTRINCHĀN 16:9

Kaja Proholi ningtharlak eina kaphaningbingli awui pangshap chitheimi khavai awui mik okathui kuimareida kapeishang kapeitai. Hichangli na mangma̱lak eina sāhaira; kaja ara na rai ngararchingra.”

2 THOTRINCHĀN 28:22

Awunga Ahaz kaho china, chotchāngda sipkasa atamli Proholi malaikhangai malaihaowa.

LAA 51:6

Yanglu, nana alungli khamashung chi ningchānga; Chiwui vang eina khangathuma wuklungli ili awor tamchitheimilu.

LAA 51:8

Ili ringkaphā khamathān eina chipemilu; nana sātekmi kahai ara̱kui chi mathānranu.

LAA 55:20

Iwui ngasotana awui ngasotnaobingli mamayāmada pāng khāngda awui tuingashit sākhai.

CHĀNSAM 21:29

Makhayā mi mai shālaka, kha khamashung mina awui otsak chukmaja̱kazaka.

CHĀNSAM 22:12

Prohowui mikna aworli yanga, kha shitkasang makhaleiawui tui ana horhaowa.

CHĀNSAM 23:35

“Athumna ili shaowa, khamāva maza̱mana, ili shaowa, kha I kachot matheimana. Ina katharan ngakarthuira? I mangkhavai phaluishitra.” da nana hāngra.

CHĀNSAM 27:22

Mangkhama̱ali mā kharung thāda runglala awui mangkhama̱ otsak awui eina mathuilakmara.

ISAIAH 26:11

O Proho, napāng khāngkāhaira, kha athumna chi matheimana. Nana nawui mibingli ningkasang athumli theingasakta khayakranu, nali yangkashebingwui mei china athumli shimān ngasaklu.

ISAIAH 42:25

Chiwui vang eina awui malungkasā kala raiwui pangshap chi awuitungli heirora. China ali kuimareida mei chuingasaka, kha ana matheikhuimana; ali chuilala ningli maza̱mana.

ISAIAH 48:4

Khikhalajila nathum ningmarara kaji ina thei, kala nathumwui akahung mari thāda marara, kala khavei pithrai thai.

ISAIAH 9:13

Mibingna athumli kashaowa chili malatungmana; kala saikorawui Proholi kaphāla maphāmana.

JEREMIAH 15:7

Hamkhavai yāmkok eina ina ngalei chiwui ngaveilungli hamserhaira; iwui mibingli shimān ngasakta sifa khangasakna; athumna athumwui apongwui eina mahanungmana.

JEREMIAH 17:23

Chithālala athum manganāsangmana, lah manāshungmana, kha mashā khavai kala tamkachithei makhuisang khavai ngakaishitingtinghaowa.

JEREMIAH 19:15

Saikorawui Proho, Israelwui Varena hithāda hānga, “Yanglu, keinung hiwuitungli, kala kha̱ saikorawuitungli, ina hāngtā kahai makaphā saikora chi tāngasakra; khikhalajila athumna ngakaishitingting iwui tui makhuisangthuwa.”

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 3:3

Chiwui vang zingrot ngasām ngasakhaira, kala mayo kachāng zingrotla marothura; nava khayorva̱wui azakla thahaoda kakhayakla marāpeithumana.

JEREMIAH 32:19

thangkhamei ngalat kahai sāshap-pangshapana; mibingwui apong saikora theishapser kaje, kala mi kachiva̱li awui apong kala otsakwui athei athishurda nana sāman mi;

JEREMIAH 35:13

“Israelwui Vare, saikorawui Prohona hithāda hānga: Judah kala Jerusalemwui mibingli vāda ahānglu: Iwui tui kala hāngkachithei nathum makhuisangmarala? da Prohona hāngli.

JEREMIAH 44:10

Athumna aja eina tangda athum khalatta mahamsangmana, khangacheela mangachee, kala nashāvāngarā kala nathumli mikahai iwui ain kala shiyan chikan mamayonlākmana.

JEREMIAH 7:26

chithālala athumna ali manganāsangmana, khanāla manāshung mana, ngakaikashili akachang sāhaowa. Avāva̱ ngarāli athumna zakshimeida sai.”

JEREMIAH 7:28

Kala nana, athumwui Vare Prohowui khon makhanganā yur chi hina, hāngkachitheila makhuisangmana; khamashung shimānhaira. Chiwui pongli khangazek eina tangdala maleiluimana.”

JEREMIAH 8:5

Chithākha mibing hina khisāda khangui pongli sa̱na̱ungchinghaokhala? Kakapikli akachanga sāda athumna malatungngaiki jihao.

EZEKIEL 2:4

Mibing hi achei makathei kala ngakaikashebingmānga: nali athumwuili chihovāda nana hithāda ahāngra, ‘Proho VAREna hithāda hānga.’

EZEKIEL 24:13

Chiwui maripaih kapai chi nawui sokhamasapna. Nawui khamakhao chi ina sāmathākhui khavai sai, kha nawui khamakhao matharkhuipaithuwa; iwui malungkhavāt nawuitungli manemranglakha eina tangda na masāmathākhuipaimara.

DANIEL 9:13

Moseswui ainli kapi kahai thāda unshimui saikora hi ithumwuitungli tākahaina, chithālala ithumna Proho Varewui eina lukhamashan samphang khavaiwui eina ithumwui khayonkhamāng mahorhaila kala khamashungli latungda lumashankhami mangakaothuwa.

PĀNGMONSHI 26:23

“Kala khamachin hi eina nathumna ili mai mangareiungla mazatkhangayili zatakha,

AMOS 4:10

“Egyptli kasā thāda kazātkashi rāngasaka; nathumwui yaronnaobing raighaili ina chithita; ina nathumwui siguila khuithuimihai, nathumwui rāmrah nganamkashina nātāng kainanai sāmi; chithālala nathumna ili malatungmana,” da Prohona hānga.

AMOS 4:11

“Varena Sodom eina Gomorrahli shimān khangasak thāda, nathum kaikhalila ina shimān ngasaka, nathumli meira̱ sutmi kahai thādala sāyanga, chithālala nathum ili malatungmana,” da Prohona hānga.

AMOS 4:6

“Nathumwui keinung hupvali ina nathumli ahā kathar mi, kala nathumwui apam hupvali kashakazā vātngasaka, chithālala nathumna ili malatungmana,” da Prohona hānga.

AMOS 4:8

chieina keinung khani kathumna khangatei keinung akhali tara̱ phavāra, kha chirchomri kahai masamphangmara; chithālala nathum ili malatungmana,” da Prohona hānga.

AMOS 4:9

“Ina theishiraili kumshāt rāngasakta aga̱-akai eina nathumli hāngmachina; ina nathumwui yāmgui kala drakhā yāmgui shimān ngasaka; nathumwui khaorāthei kala olive khaohli chishai; chithālala nathumna ili malatungmana,” da Prohona hānga.

ZEPHANIAH 3:7

Ina hānga, makahatlakla ana ili ngacheera, mashungkhami ana khuisangra; kala ina kahahāng chi ana theishingkhuira. Kha athumna khamakhao ot kasāli ningsangmeihaowa.”

ROMNAO 2:2

Hikathā kasābingli Varena bichar kasā chi mashunga kaji ithumna thei.

HEBREWNAO 12:9

Okathui avāva̱ ngarāwuishong jiakha athumna ithumli machina kala ithumna athumli khayāshi. Chithākha Manglāwui avāva̱li kayākha sakmeida khayākashi eina ngasoda ringrakhala?