JEREMIAH 5:1 - Kathara Bible (BSI)

¹ Jerusalem chānreili yongshang yongtāda yanglu, laga chukkhuilu! Kayāngkharei hupvali phāyanglaga, mashun eina kasā mi, khamashung phākazat mi akha leisākha, ina pheomira.

JEREMIAH 5:1 Iomraidhean Croise

1 WUNGNAOBING 19:10

Ana hānga, “Proho Ashangva̱wui Varewui vang ina sangaireoreo sai, kha Israelwui mibingna nawui tuingashit kaihaida hanphut sakathānhaowa, kala nawui marānbingla raighai eina shaothatserhaowa, ara imāng taikahaina; kala ilila athumna imanglā khuithui khavai ngarānda lei.”

2 THOTRINCHĀN 16:9

Kaja Proholi ningtharlak eina kaphaningbingli awui pangshap chitheimi khavai awui mik okathui kuimareida kapeishang kapeitai. Hichangli na mangma̱lak eina sāhaira; kaja ara na rai ngararchingra.”

LAA 12:1

Ngachonmilu, Proho, kaja kathara akhala maleithura; kaja shitkasangabing miwui naomayara ngarawui eina shimānserhaira.

LAA 14:2

Thangkhamei otsak kasa, Vareli kaphā mi maleikhala da, Prohona kazingramwui eina miwui naobingli yangtai.

LAA 14:3

Athum saikora shongfa ma̱thuihaira, athum saikora kateizā ngaraichāsera; kaphā kasā akhala maleimana, maleimana, akhanidala maleimana.

LAA 94:16

Makhayāwui eina iwui vang khipāna nganingmi? Makaphā kasaali iwui vang khipāna nganingmi?

CHĀNSAM 20:6

Mi kachungkhana khalattawui khamatha vaozata; kha ningkatonga mi khipāna samphangshapra!

CHĀNSAM 23:23

Khamashung lokhuilu, kala chi mayorhaialu; thangkhamei, tamkachithei, kala theishingkakhui lokhuilu.

CHĀNSAM 8:3

keinungwui ngavei ngalemli, zangkhavaipamlila ana pangda vaowa;

SOLOMONWUI LAA 3:2

“I ara ngakarthuiura kala keinungli, chanreili kala shongrāli imanglāna leikashe ali phāvāra.” Ina ali phai, kha ali masamphangmana.

ISAIAH 59:4

Khipakha mashun eina bicharli mavāmana, khipakha ningtharda ainli mavāmana; athumna arema kaphayatli chihamda kakapik tui matui, makaphā ning phaningpamda morei pharāshoka.

JEREMIAH 2:29

Nathumna khisāda iwuitungli khamatuikhala? Nathum saikora ili ngakaishiya da Prohona hānga.

JEREMIAH 44:15

Chiwui thili mi saikora athumwui preiva̱̱ ngarāna vare kateili nganamkaphā otyur chigathairada katheibing, kala chiwui ngalemli leikasā sha̱naobing, yarui kachungkha kakazip, kala Egyptwui Pathros ngaleili kapam saikorana Jeremiahli ngahānkai:

JEREMIAH 8:6

Athumli ina theimida shāmihaira, kha athumna khamashungtui mahāngmana; athum khipānakha makhayāwui eina ning mangateimana, ‘Ina khi sāhaoda?’ da ngahāna. Siguina raiphungli angatar eina yongkhava thāda, kachichāwui ningkachāngli thuiserhaowa.

JEREMIAH 9:2

O, siwukli ramkazatabingwui ngasām khavai akha leisi kaje, iwui mibingli chihohailaga chili mavāpamhaikapai! Kaja athum saikora phokaphā, mikhanama mimāng sāthuihao!

JEREMIAH 9:7

Chiwui vang, saikorawui Prohona hithāda hānga: “Yanglu, athumli ina samathakhuilaga chāng tamyangra, kaja chili lāngda iwui mibingwui vang ina khisaura?

EZEKIEL 22:30

Athumli masāshimānmi khavai athum eina iwui ngachaili nganingkhame mi akha ina phai, kha ina akhanida masamphangmana.

EZEKIEL 9:9

Chieina ana ili hānga, “Israel eina Judahwui shimkhurna yonkahai hakmahākachangkhata; ngalei ashee eina pemhaira, kala keinung mashun makhaning otsakna pemhaira, kaja athumna, ‘Prohona, ithumwui ngalei horhaira, kala ana matheimimana’ da hānga.

DANIEL 12:4

Kha na, Daniel, lairik hi mahor namhailaga, tui hi, atam maungshungranglakha thumhaisalu. Kachungkhana theishingkhui khavai phāshang phātāra, kala awor mataisangra.”

JOEL 2:9

Athumna keinungli ngawokkāna, athumna phaklāngli yongkāna, athumna shimlila yākzanga; athumna khale thāda charfa einala zangra.

AMOS 8:12

Athumna shamadru akhawui eina shamadru akhali, kala atungshong eina zingsho vāpeida yaozatra; Prohowui tui chi phākhui khavai athumna phāshang phatāra, kha athumna chi masamphang mara.

ZECHARIAH 2:4

kala ali hānga, “Yaronnaopā chili yongvāda ahānglu, ‘Jerusalemli mila, sha̱keila chungnā kahaiwui vang phākho makhalei kha̱nao thāda pānra.

LUKE 14:21

“Chieina rao china latungda ali kahāng saikora chi awui akhavāli unghāngsera. Pao kashā eina shimva̱ malungvātlakhaowa. Chieina araoli hānga, ‘Thakta keinungwui shongrei-shongrāli vāda kachāmbing, khangazanbing, khangapeobing kala katekabingli ahokhuilu.’

2 THESSALONICANAO 2:10

kala shimānki kaje athumli makaphā-makhayā ot kachungkha eina minamra. Athum shimānra, kaja kahui samphang khavai khamashung chi athumna makhuisangthu kala maleishithuwa.