JEREMIAH 48:2 - Kathara Bible (BSI)

² Moabwui mingkazat maleithura. Ali makaphā sākhavai Heshbonli athumna machukta: Ralu, ali yur akha khangasāwui eina katathaosa! O kapā, nalila kasaikha pamngasakhaora; raighaina nali yunzatra.

JEREMIAH 48:2 Iomraidhean Croise

ISAIAH 15:1

Moabwui pongli khamarān: Khikhalajila Arli thangngayākha akha̱ sāmihaoda Moab kuphaira; khikhalajila Kirli thangngayākha akha̱ sāmihaoda Moab kuphaira.

ISAIAH 15:5

Iningli Moabwui vang chapa; awui yāmkazatbing Zoarli kala Eglath-shelishiyahli yāmvai. Kaja Luhithwui ashanli athumna chapmamānda kai; Horonaimwui shongfali athumna sākashimānwui akhon akha vaowa.

ISAIAH 16:14

Kha ara Prohona hānga, “Kum kathumwui alungli ngalangkaphei miwui zingkum thāda, Moabwui tekhamatei maishi ngasakra, awui mi sorngasailala, mathila ringkashokbing chi teomeikhamara kala khangazanla ngazanra”

ISAIAH 25:10

Kaja Prohowui pāngna kaphung hili ngasāmra, kala khorchopli lanji naikakazam thāda Moabli naikazamra.

JEREMIAH 25:15

Chithāda Israelwui Proho Varena ili hithāda hānga: “Iwui malungkhavātwui tengkot hi khuilu, kala ina nali kashivāt miyur saikorali hi shimanlu.

JEREMIAH 25:17

Chithāda ina tengkot chi Prohowui pāng eina khuiya, kala ana ili kashivāt yur saikorali mang ngasaka:

JEREMIAH 31:36

“Ina semkharikrik kahaibing hi iwui eina thuihaiakha, Israelwui ara̱-azāla iwui mangāli yur akha khangasā katang mavaila shimānhaora.”

JEREMIAH 33:24

“Mibingna, ‘Prohona kapangkakhui shimkhur khani chili khalanhaira’ da kahāng chi na mayangkhuirangla? Chithāda athumna chipatlak eina iwui mibingli athumwui mikyanli yur akhana da machāpmimana.

JEREMIAH 46:28

Mangacheealu, O iwui rao Jacob, kaja ina nali ngasomida lei da Prohona hānga. Ina nali kashamvā kahai apam saikora shimānchao khavai ina sāra, kha nale mashimānchao ngasakmara. Ina nali ngarakzak eina machinra kala ina nali tandi mamila machihomara.”

JEREMIAH 48:17

“Ali kuimarānda khalei nathum saikora, kala aming katheia nathum saikora; ‘Sāshapa khānthing, tekhamatei khāmshui chi, kathāda tekhaokhala?’ da hānglu.

JEREMIAH 48:42

Proholi mamayāla akhalatta langkasowui vang, Moabli sākhayānghaida yur akha mangasāluimara.

JEREMIAH 48:45

Heshbonwui khaya̱li yāmkazatabing china mazat-thukla nganingkhui; kaja Heshbonwui eina mei akha shokhaira, Shihon shimkhurwui eina meiwon shoka; khonkazārwui naongarāwui wungkuihon, Moabwui khavei sākhaimihaira.

JEREMIAH 49:3

Chapngachālu, O Heshbon! kaja Ai ramcho sāmihaira. Chaplu, O Rabbahwui naongalāva̱bing! Nathum khalatta bora ngavailaga kuikhamarei ngavei ungshung vāshungda chapngachāzatlu! Kaja Malcomli ngasoda awui pāngmonbing, wungnaobing, raikathāli khuithuihaora.

JEREMIAH 49:37

Yangkashibingwui mangāli, athumwui manglā khuikida kasābingwui mangāli ina Elamli khangacheea sāngasakra; kala iwui malungkhavāt athishurda kalākashi athumwuitungli tāngasakra da Prohona hānga. Athum mayumranglakha eina tangda ina athumwui thili raighai chihora;

MISHĀN 32:37

Kala Reubenwui naomayarabingna Heshbon, Elealeh, Kiriathaim,