JEREMIAH 48:1 - Kathara Bible (BSI)

¹ Moabwui pongli saikorawui Proho, Israelwui Varena hānga: “Neboli kakhanang ngasāranu, kaja chi ramcho ngasā ngasakhaira! Kiriathaimli maishi ngasakta khuithuihaira; raipanli maishi ngasakta sākhayāngmihaira;

JEREMIAH 48:1 Iomraidhean Croise

HAOKAPHOK 14:5

Tharada khamate kum Ched-or-laomerna kala awui ngasotnao wungnaobingli thānda Ashteroth-karnaimli khalei Rephaimnaoli, Hamli khalei Zuzimnaoli, Shaveh-kiriathaimli khalei,

HAOKAPHOK 19:37

Khararva̱na mayarnao akha pharai; kala aming Moab hoi. Aja ana Moab mibingwui avāva̱na.

2 THOTRINCHĀN 20:10

“Ara yanglu, Israelnaobing Egyptwui eina kashok tharan nana rai masā khangasaka Amonnao, Moabnao, kala Seir Kaphungwui mibingna,

ISAIAH 25:10

Kaja Prohowui pāngna kaphung hili ngasāmra, kala khorchopli lanji naikakazam thāda Moabli naikazamra.

ISAIAH 25:12

Kala awui kajuiya phaklāng ana sakhaimihaida ngaleili akha̱ sāngasakra.

ISAIAH 27:3

“Proho, ina chiwui khamayonana; atam kachida ina tara̱ chaimi; khipanakha masāmashāt khavai, ngashun ngayā ina mayona;

JEREMIAH 25:21

Edom, Moab kala Ammonwui naomayarabing;

JEREMIAH 27:3

Kala Jerusalemli Judah awunga Zedekiahli rāsamkaphang wungnaobingwui paophungmebingwui pāngli sangmida Edomwui awunga, Moabwui awunga, Ammonwui naomayarabingwui awunga, Tyrewui awunga kala Sidonwui awunga, athumli pao chiholu.

JEREMIAH 9:26

Chibing chiya, Egypt, Judah, Edom, Ammonwui naomayarabing, Moab kala siwukpheili khalei kui sikatābing saikorana. Kaja miyur saikora hi ahui marimkashokbingna, Israelwui shimkhurla wuklungli ahui marimshokmana.”

MISHĀN 24:17

Ina ali thei, kha arui maningmana; Ina ali yanga, kha manganaimana: Jacobwui eina sirā akha shokra, Israelwui eina khānthing akha kharshokra; china Moabwui khavei ngaphitkhaira, kala Shethwui naomayarabingli sākhayāngra.

MISHĀN 32:3

“Ataroth, Dibon, Jazer, Nimrah, Heshbon, Elealeh, Sebam, Nebo kala Beon,

MISHĀN 33:47

Kala Almon-diblathaimwui eina zatphokta Nebowui mangāli khalei Abrim phungreili rāmrah vasāpama.

JOSHUA 13:19

kala Kiriathaim, kala Sibmah, kala kaphung khanganili khalei Zereth-shahar,