JEREMIAH 41:9 - Kathara Bible (BSI)

⁹ Ishmaelna kathingun horsang khavai paibung chi kahakva̱na; hi Israelwui awunga Baashana rai rākatā atamli ngararkham khavai Awunga Asana chuikakhui paibungna; Nethaniahwui naomayara Ishmaelna paibung chi kathingun eina chipema.

JEREMIAH 41:9 Iomraidhean Croise

2 SAMUEL 17:9

Yanglu, aruila akhurli, lah apam akhali ngathumda leilapai. Ngararkaphok atamli nawui mi khani akha thihaiakha, kachikathāna shāda ‘Absalomli kashurbingli sāthatserhaira’ da hāngpai.

ISAIAH 14:19

Kha nale nawui chikhurwui eina katāva̱li horshok kahaina, naopharāt makhaunga thāda; kala raighai eina ngashumkathatbingwui angun eina ngasoda romkahai; chomwui lungpha̱li tākazang thāda, pheizingli naikazam kahai kathingun kathāna.

HEBREWNAO 11:38

Okathui hi athumwui vang khikha makannāthuwa! Yāmkazatbing thada athumna kaphungli, khangaili, lungkhur thingkhurli ngayinzata.

WUNGVA̱-WUNGVĀ 6:2

Kala Midianaobingwui pāngna Israelli yuikahaiwui vang, Israelwui mibingna kaphungphungli khalei lungkhurkhur ngaveiveili shim asāpama.

1 SAMUEL 13:6

Israelwui mibingna athumwui kasak chi theilaga (kaja mibing chili panglāk eina ngasunghaowa), mibingna akhur-akhaili, lungkhurli, lunghārpamli kala chikhurpamli, tara̱ ngarung khavaili;

1 SAMUEL 14:11

Chieina anina Philistinewui raimipamwui eina theikhavai vai; kala Philistinenaobingna, “Yanglu, Hebrewnaobing akhurli yāmkhangayinwui eina shokrādalei” da hānga.

1 SAMUEL 14:22

Chithāda sāda, Ephraimwui kaphungramli athum khalatta vangathum kahai Israelwui mibing chinala Philistinenaobing yāmhaira kaji kashā eina, athumla panglāk eina kharomvāda railung vāzangda angarara.

1 SAMUEL 24:3

Kala ana shongfa ngalemli yaoshim sākahaipamli vākashung tharan, lungkhur akha leisāda chili Saulna zangngasāmkhui. Chitharan David eina awui mibing lungkhur chiwui alung thukmeithui kaji chili pamsai.