JEREMIAH 41:2 - Kathara Bible (BSI)

² Nethaniahwui naomayara Ishmaelna thānda athum tharā china Shaphanwui naomayara Ahikamna kapharā Gedaliah, Babylon awungana ngaleiwui lammunga sangkahaia chili raighai eina shātthathaowa.

JEREMIAH 41:2 Iomraidhean Croise

2 SAMUEL 3:27

Kala Abner Hebronli latungluishita, Joabna keinungwui ngaveipheili ngathumda angazek khavai thānvai; kala ana chili awukli toda, a thihaowa, kaja agato Asahelwui raithit hāngsangkakhuina.

2 WUNGNAOBING 25:25

Kha kachāng kashineli, Elishamana kapharā Nethaniahwui nao wungva̱pa Ishmaelna, mi tharā thānphunglaga Gedaliahli kala ali ngasokasā Jehudiwui mibing, Chaldeawui mibing saikorali Mizpahli shaothatserhaowa.

LAA 109:5

Chithāda athumna ili kaphāwui vang makaphā hanmi, iwui leikashiwui vang yangkakharing hanmi.

LAA 41:9

Ina shitkasanga iwui khamashita ngasotnao, iwui zāt kazā ā eina tangda, ili mamayāla aphei khānghaira.

JEREMIAH 40:14

“Namanglā khuikhavai Ammonwui awunga Baalisna Nethaniahwui naomayara Ishmaelli chiho kahai chi theila?” Kha Ahikamwui naomayara Gedaliahna athumli mashitsangmana.

JEREMIAH 40:16

Kha Ahikamwui naomayara Gedaliahna Kareahwui naomayara Johananli hānga, “Na hikathā ot masāpaimara, kaja nana Ishmaelwuitungli makhamashung matuida lei.”

JEREMIAH 40:5

Nana pamka jiakha, “Babylon awungana Shaphanwui naomayara Ahikamna kaphara Gedaliahli Judah keinungbingwui ngalei mungkhavai sanghaira, ali ngasoda mibingli somngarumlu; maningkha nawui vākhangaili vāpaira.” Kala raikānwui kathāna china ali kashakazā kala otnao milaga chihohaowa.

JEREMIAH 40:7

Ahikamwui naomayara Gedaliahli ngaleiwui khamunga sāngasakhaira, kala kachāma, khangazan mi, sha̱nao, naoshinaobingli awui pāngli horsangmihaira kaji, kaphungli zatkasa raimi kathānabingna shālaga,

JEREMIAH 40:8

athumna Mizpahli Gedaliahwui pamli asamphanga—Nethaniahwui naomayara Ishmael, Kareahwui naomayara Johanan, Tanhumethwui naomayara Seraiah, Netophahwui Ephaiwui naomayarabing, Ma-acahwui naomayara Jezaniah, athum kala athumwui mibingli ngasoda,

JEREMIAH 41:3

Gedaliahli ngasoda Mizpahli pamkasā Jehudi saikora kala Chaldea raimibingla Ishmaelna shaothatserhaowa.

JOHN 13:18

“Ina nathum saikorawui pongli kahāng maningmana, ina kapangkhui kahaibing chili ina thei; kathara tuili hāngkahai, ‘Ili phazākhangaruma a china ili mamayāmana’ kaji hi ungshung khavaina.