JEREMIAH 40:3 - Kathara Bible (BSI)

³ Prohona hi shokngasakhaira, kala hāngkahai athishurda shokhaira. Khikhalajila nathumna Proholi morei sāda awui kahāng makhanganāwui vang hi nathumwuitungli kashokna.

JEREMIAH 40:3 Iomraidhean Croise

NEHEMIAH 9:28

Kha chiwui thili athumna ngasāmkhui kahai thili nawui mangāli makaphā saluishithaowa, kala nana yangkashebingwui pāngli horsangmilui; chiwui vang yangkashebingna athumli munga; kha athumna hanungda nali khangakao tharan kazingram eina nana shāmi; kala nawui lukhamashan athishurda kachungkha shida nana athumli ngatangmi.

NEHEMIAH 9:33

Kha ithumwuitungli kharā saikora hi mashun eina sāmi, kaja nana ningtonglak eina kasāna kha ithumpāna maphālakla kasāna;

JEREMIAH 11:17

“Nathumli lingkasang saikorawui Prohona, Israel eina Judahwui shimkhurna makaphā kasāwui vang, Baalli nganamkaphā riktāda ili malung thuikhangasakwui vang nathumli makaphā makhamayā vaoshokhaira.”

JEREMIAH 22:8

“Kala miyur kachungkhana keinung hi rāmakānra, kala mi kachiva̱na awui khongnaili khiwui vang Prohona hiyākha kahaka keinung hili hithāda sāmikahaikhala? da ngahānra.

JEREMIAH 39:16

“Vada, Ethiopiawui Ebed-melechli ahānglu, ‘Israelwui Vare, saikorawui Prohona hithāda hānga: Yanglu, keinung hili makhamayāwui vang kaphā masāmimara, kha kalākashi ngasā ngasakra, kala hi chithang nawui mangāli ungshung ngasakra.

JEREMIAH 44:23

Hi nathumwui nganamkaphā otyur rikkatāwui vang, Proho mangāli morei sāda kahāng makhanganāwui vang, awui ain, shiyan, kakaso makashurwui vang aja eina tangda kalākashi hi tākhangasakna.”

JEREMIAH 50:7

Athumli samkaphangbingna tukshaiya, kala athumwui yangkashebingna hānga, ‘Ithum mayonmana, kha athumna athumwui akachangaram Proho, avāva̱ ngarāwui kachihāna Proholi mamayāmada morei kasāwui vangna.’”

CHAPCHĀT 2:17

Prohona kharin chi sākachanghaira, ana ngarān kahai chi sāhaira, mangapatma achā hāngkahai thāda, ana lukhamashan maleila sakhayāngmihaira; ana yangkashibingli nawuitungli mathān ngasaka, kala nawui yangkashewui pangshapli masot mingasaka.

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

ROMNAO 3:19

Ara ithumna thei kaja ainli hāngkahai kachiva̱ chi ainwui azingli khaleibingwui vangna, chiya mikumona hāngkakatei maleila okathui katonga Varewui bichar kasāli zangkhavaina.

KHALATLUI 29:25

Chieina mibingna hāngra, ‘Egypt ngaleiwui eina thānkashok atamli, athumwui avāva̱ ngarāwui Proho Varena ngashitmi kahai chi athumna horkahaiwui vangna;