JEREMIAH 4:7 - Kathara Bible (BSI)

⁷ Kazingkha̱ akha akhur eina shokhaira; yurbingli sākakhayanga akha shokhaira, awui pamwui eina zathaira, nathumwui ngalei sāshimān khavai; nathumwui keinungbing sākhayanghaida mila mapamara.

JEREMIAH 4:7 Iomraidhean Croise

2 WUNGNAOBING 24:1

Awui atamli Babylonwui awunga Nebuchadnezzarna mungda kum kathum Jehoiakimna rao sāsai; chiwui thili ana ngakaishihaowa

2 WUNGNAOBING 25:1

Ana mungda kachiko kum, kachāng katharawui zimiksho katharāthang, Babylonwui awunga Nebuchadnezzarna awui raimi saikorali ngasorāda Jerusalem khuikhavai kuimareida khangarān sāserhaowa.

ISAIAH 1:7

Nathumwui ngalei ngachakyānghaira, nathumwui keinungbingla meina chuitāmihaira; nathumwui miktāli yangkashebingna nathumwui ngalei ngaponmihaira, yangkashebingna yuihaida chi ngachakyānghaira.

ISAIAH 5:9

Saikorawui Prohona iwui nāshātli tuingashit sāhaira, “Kachangkhat eina shim kachungkha ngachakyānghaora, kahaka kala khamathāthā shimbing mi mapānmara.

ISAIAH 6:11

Chieina ina “O Proho, karankharakhala?” da ngahāna. Chieina ana hānga, “Keinungbing mi maleila maramphoranglakha, kala shimli mi mangavāla kala lam chi ngachakyāng majichaoranglakha eina tangda,

JEREMIAH 2:15

Kazingkha̱na ali nirhaira, athumna panglak eina nihaira. Athumna awui lam ramphomihaira, awui keinungla sākathānmihaida mi akhala maleithura.

JEREMIAH 22:6

“Judah awungawui shimkhurwui pongli Prohona hithāda hānga: Iwui vang na Gilead kathāna, Lebanonwui kaphungton kathāna; chithālala mi maokkathui keinung, siwuk akha sāngasakra.

JEREMIAH 22:7

Ina nali sāshimān khavai ngarānra, athum ava̱va̱li zeighai chisinra; kala athumna nathumwui mathāmeithui kaje cedarthing ta̱tekra, kala chibing chi meili horsanghaora.”

JEREMIAH 25:38

Kazingkha̱ thāda awui akhur chihoda shokhaira, kaja athumli rekakharekawui raighai kala awui sāshilak kahai malungkhavāt chiwui vang athumwui ngalei arema sāhaira.

JEREMIAH 25:9

yanglu, ‘Ina ngalei kala hili kapamabing, kala hili kuimareida khalei yurbing hili makhamayāwui vang atungshongwui yur saikora, kala Babylonwui awunga iwui rao Nebuchadrezzarli ina chihorālaga athumli zakshilāk eina shimān ngasakra, khangachee-khangachā, kasiror khavai, kala katang makhavai maikashi ngasā ngasakra.

JEREMIAH 26:9

Khisāda, ‘Shimkhur hi Shilohli kasā thāda sāmira, keinung hili mi mapamla ngachakyāng ngasakhaora’ da Prohowui ming singda nana khamarānkhala?” Kala Prohowui shimli mi saikora kazipta Jeremiahli kuinamhaowa.

JEREMIAH 27:8

“Kachikathā yurna maningkha wungramna Babylonwui awunga Nebuchadnezzarli otram mangatha̱akha, kala Babylon awungawui kharitphunwui azingli akahung mahaisaakha, chikathā yur chili raighai eina, chāmrei eina, kala kazātkashi eina awui pāng eina ina mashimān ngasakranglakha eina tangda ina tandi mira da Prohona hānga.

JEREMIAH 33:10

“Prohona hithāda hānga: Nathumna ‘Mila, sāyurla makhalei ramchona’ da kahāng Judahwui keinungbing, Jerusalemwui chānreibing ngachakyāng kahai, mi makhalei khikhala maokathuiya, sāla makhalei chili akhon shāluishitra,

JEREMIAH 34:22

Yanglu, ina kasoda keinung hili athumli khuiungluira; athumna keinung hili rāngararda khuira, mei eina thottāmihaora. Judahwui keinungbing mi makapān ngachakyang kahai ngasā ngasakra da Prohona hānga.”

JEREMIAH 4:29

Siguiraimi kala malā kasingbingwui akhon shālaga, keinung kachiva̱wui mi yāma; athumna khararli zanga; athumna lunghārbingli yākkai; keinung saikora horserhaira, kala chili mi khipākha mapānluimana.

JEREMIAH 44:2

“Saikorawui Proho, Israelwui Varena hithāda hānga: Jerusalemwuitungli kala Judahwui keinung saikorali ina kalākashi khuikharā chi nathumna theiserhaira. Yanglu, chibing chi ngachakyānghaida aja khipākha masompamana,

JEREMIAH 46:18

Ina katheina, da saikorawui Proho kaho awungana hānga; phungreitungli Tabor kathā, shamadrupheili Carmel kathā, akha rāra.

JEREMIAH 49:19

Yanglu, khangazipa yaoshimli Jordan ngahongwui eina kazingkha̱ kashok thāda, ina athumli awui eina kashuirak eina yāmngasakhaora, kala ali mungkhavai ina khuikhangai mi akha kapangsangra. Kaja I kathā khipā leikhala? Ili yaokahoma khipāna ngasungshaprakhala?

JEREMIAH 5:6

Chiwui vang, khararwui kazingkha̱ akhana athumli sāthatra; siwukwui ramfa akhana shimān ngasakra. Kuirāngna keinungli rimpamda lei, kashoshoka mili akha̱ sāda serkazamhaora; khikhalajila athumwui sākhalāng kachungkhaya, Vareli khalan kahai hakmahālaka.

JEREMIAH 50:17

“Israel hiya kazingkha̱na kharomkazat yaonaona. Khareli Assyriawui awungana shai, ara naomeikapta Babylonwui awunga Nebuchadnezzarna ara̱kui maziya.

JEREMIAH 50:44

“Yanglu, khangazipa yaoshimli rāzangkida Jordan ngahongwui eina kazingkha̱ kashok thāda, ina athumli kashuirak eina yām ngasakra; kala awuitungli ina ningkachānga mi akha kapangsangra. Kaja I kathā khipā leikhala? Ili khipāna horānkhala? Yaokahoma khipāna iwui mangāli nganingshaprakhala?

JEREMIAH 8:16

“Athumwui siguiwui khaksui Danwui eina shārai; athumwui siguwui kakahek shālaga ngalei katonga nganuka. Athumna rāda, ngalei chiwui alungli chipem kahai keinungla, chili somkapambingla sākhayāngmiserhaora.

JEREMIAH 9:11

“Ina Jerusalem hi ngayānghaida khorkazam kahaipam sāngasakra, ramfapam sāngasakra. Ina Judahwui keinung ngachakyāng ngasakhaida mi malei ngasakmara.”

EZEKIEL 12:20

Kala mina pamda khalei keinungbing sākathānmihaora, kala ngalei chi ramcho ngasāhaora, chieina I Prohona da nathumna theikhuira.”

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

EZEKIEL 32:2

“Miwui naomayara, Egyptwui awunga Pharaohwui vang chapngachāda ali hānglu: Na khalatta yurbingwui ngachaili kazingkha̱ thāda phaninga, kha nava shamadruwui dragon kathāna; nawui kongli shokzatta, tara̱ naphei eina makhui ngasaka, kala athumwui kong nganamshi ngasaka.

DANIEL 5:19

ali chiyākha reikhangasakwui vang mibing, yur saikora, tuiyur kachiva̱ awui mangāli kathira kala ngachee; ana shaothatkhangaili shaothata, huimikhangaili huimi, juingasakhangai chili juingasaka, kala nemngasakhangai chili nemngasaka.

DANIEL 7:4

Khare chi kazingkha̱ thai kala khalāngwui angachāng kai. Kala ina yangda leilakha angachāng hekmihaowa kala khāngkhaninglaga mi thāda aphei khani eina ngaleili nganing ngasaka, kala miwui ningla ali sangmi.

PĀNGMONSHI 26:31

Kala nathumwui keinung sakathānhaida, kala katharapam ngachakyanghai ngasakta, nathumwui ningyāngkhaung nganamkaphā chi manganamluimara.

PĀNGMONSHI 26:33

Kala nathumli yur khangateiwui ngachaili chaiyāng ngasakra, iwui raighaina nathumli yunzatra; nathumwui ngalei ramchohaora, keinungla sakathānserhaora.