JEREMIAH 4:4 - Kathara Bible (BSI)

⁴ Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

JEREMIAH 4:4 Iomraidhean Croise

2 THOTRINCHĀN 34:25

Kaja athumna ili horhaida yur khangateiwui vareli nganamkaphā riktai; athumwui otsak saikora china ili malungvāt khangasak chiwui vang iwui malungkhavāt apam hili heitāda chi khavān mavaimara.

ISAIAH 10:17

Israelwui kahor chi mei ngasāhaora, kala awui Katharapā chi meiwon ngasāhaora, kala china ka̱shātla, phānāngla, thangkha chuitup tāhaora.

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

ISAIAH 51:17

Nakhalatta thuimathuklu, khalatta thuimathuklu, nganingkālu, O Jerusalem, Prohowui pāngli marip kahaia na, awui malungkhavātwui tengkot, akhan tāshungda mangsanghaira, yuichāchāng kahaiwui khorāmna.

JEREMIAH 15:14

Nathumna makathei ngaleili ina nathumli yangkashibingwui otram ngatha̱ ngasakra; kaja, iwui malungkathui mamitlakki kaji mei thada chuikāhaira.”

JEREMIAH 21:12

O Davidwui shimkhur! Prohona hithāda hānga: Ngathor mashun bichar sāmilu, kala phama̱shaomi kahaipali kashaopāwui pāng eina kankhuimilu, maningkha iwui malungkhavāt mei thāda tāra kala chuida khipānakha masāshimitrarmara, nathumwui makaphā kasāwui vangna’”.

JEREMIAH 21:5

I khalatta pāng katingda pāngthei kharei eina, malungvāt eina, kala sāshāt eina nathumli ngararra.

JEREMIAH 23:19

Yanglu, Prohowui siphan zingrot! Malung kathui sur kakhaning thāda; makhayāwui kuili chi ngawokkhaira.

JEREMIAH 36:7

Mi kachiva̱na awui makaphā apongwui eina latungda athumna kapo Prohowui mangāli vāshunglapai, kaja mibingli Prohowui malungkhavāt hakmahālaka.”

JEREMIAH 44:22

Nathumwui makhayā otsak kala ningkakachai otsak chi Prohona makhāngrarthura chiwui vang nathumwui ram ngachakyāng kahai ramcho kala khonkashi ngasāhaida aja eina tangda mi maokthuimana.

JEREMIAH 9:25

“Yanglu, ahui rimkashoka, kha ningli marimkashoka athum chili ina tandi khami atam rārāli da Prohona hānga.

JEREMIAH 9:26

Chibing chiya, Egypt, Judah, Edom, Ammonwui naomayarabing, Moab kala siwukpheili khalei kui sikatābing saikorana. Kaja miyur saikora hi ahui marimkashokbingna, Israelwui shimkhurla wuklungli ahui marimshokmana.”

CHAPCHĀT 4:11

Prohona awui malungkhavāt kāshunglak eina sāda, Zionli mei sa̱katā china shimphungabingla chuitup tāhaowa.

EZEKIEL 16:38

Kala shakazā otli makhao khangasak kala mi shaokathata sha̱naoli bichar kasā thāda nalila sāra, kala nawuitungli malungkhavātwui kala yuikashiwui ashee tāngasakra.

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

EZEKIEL 20:33

“Ina kachangkhat eina kahāngna, da Proho VAREna hānga; kaja lungvāt eina ngasoda pangshapa ipāng katingshokta athumwuitungli awunga sāra.

EZEKIEL 21:17

Ila ipāng kaphera, kala iwui malungkhavāt ningyāngkhaung sākhuira; Proho ina hāngkahaina.”

EZEKIEL 24:13

Chiwui maripaih kapai chi nawui sokhamasapna. Nawui khamakhao chi ina sāmathākhui khavai sai, kha nawui khamakhao matharkhuipaithuwa; iwui malungkhavāt nawuitungli manemranglakha eina tangda na masāmathākhuipaimara.

EZEKIEL 24:8

Malung thuida athut khuikhavai ana ashee heiror kahai chi mathumpai khavai ina lunghār chiwuitungli pama.”

EZEKIEL 44:7

yur khangateiwui mi, wuklung ahui marimkashok mina iwui kathara shimli kazang tharan nathumna pha̱kaphayā ot, iwui kashakazā athao kala ashee makhao ngasaka. Nathumna sākhamāngda iwui tuingashit kaingasakhaira.

EZEKIEL 6:12

Katāli khaleia a china kazātkashi eina thira, kala nganaida kapama a china raighai eina thira; kala mathila taihaikasābing china chāmrei eina thira. Chithāda ina iwui malungkhavāt athumwuitungli chishotta kupra.

EZEKIEL 8:18

Chiwui vang ina malungkhavāt eina sāra, imikna mayangkheimara, ina lukhamashanla malumashanmiluimara; athumna ikhanāli panglāk eina rāchapsanglala manganāsangluimara.”

PĀNGMONSHI 26:28

ila malungvātta nathumwui eina kharāda zatra, kala nathumwui morei chili shini shida hāngmachinra.

PĀNGMONSHI 26:41

chiwui vang inala kharāthuida yangkashebingwui ngaleili khuivāra, kala athumwui makaphāwui eina ning ngareiungda moreiwui eina kaphā saluiakha;

AMOS 5:6

Proholi phāda ringtha̱lu, maningakha ana Josephwui shimli mei thāda chuipaishina, kala china Bethelli chuida, khipākhana sāshimitmi khavai maleisāmara.

ZEPHANIAH 2:2

phanthui kahai māhik thāda nathumli makashamranglakha, Prohowui sākashi malungkhavāt chi nathumwuitungli matāranglakha Prohowui malungkathuiwui zimiksho nathumwuitungli matāranglakha.

ROMNAO 2:25

Nana ain mayonakha ahui rimkashokwui kankhanā lei, kha ain sākhaida leiakha ahui rimkashokna khikha kankhanā maleimana.

KHALATLUI 10:16

Chiwui vang eina nathumwui wuklungwui ahui rimshoklu kala mangakaishichingalu.

KHALATLUI 30:6

Kala nathum eina nathumwui naongarāwui ningla Proho nathumwui Varena ahui rimshokmihaida athumna Proho nathumwui Vareli ningyāng tongtingda ali leishira, chithāda nathum ringpaira.

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.

COLOSSIANAO 2:11

Khristali khangarumwui alungli nathumli ahui rimshokhaira, mikumona kasā rimkashok maningla, kha khalattawui morei pangshapwui ningkhānkhami Khristana kasa rimkashokna.