JEREMIAH 4:16 - Kathara Bible (BSI)

¹⁶ A rārāli da miyurbingli hāngmathinlu; Jerusalemli chishātmihaolu, “Kuikhanamabing katāva̱wui eina rāhaira; Judahwui keinungbingli athumna horairora.

JEREMIAH 4:16 Iomraidhean Croise

ISAIAH 34:1

Rānganailu, O yurbing; nganākhui khavai kala shākhui khavai O mibing, apuk-apagala, chiwui alungli khalei saikora shāserranu.

ISAIAH 39:3

Chiwui thili marān Isaiahna awunga Hezekiahli rāda hānga, “Mibing hina nali khi hāngkhala? Athum kachishong eina nawuili kharākhala?” Hezekiahna ngahānkai, “Athumna ngalei katāva Babylonwui eina iwuili kharāna.”

JEREMIAH 1:15

Kaja yanglu, atungshong khalei wungram saikorawui shangbingli ina hoda lei, da Prohona hānga; athumna rāda mi ava̱va̱na Jerusalemwui ngavei zangkhavaili, chiwui phākho saikora kuimareida yangkhangasungli, kala Judah keinung saikorawui yangkhangasungli ichichāwui wungpamkhong rāsākāra.

JEREMIAH 16:6

Apam hiwui kharei kateo mateila thiserra; athumli machifamara, kala athumwui vang sam chichāpta lah sitāda chapngachā khavai khipākhala maleisāmara.

JEREMIAH 2:15

Kazingkha̱na ali nirhaira, athumna panglak eina nihaira. Athumna awui lam ramphomihaira, awui keinungla sākathānmihaida mi akhala maleithura.

JEREMIAH 31:10

“O yurbing Prohowui tui nganālu, kala chi katātāva̱ ngayiphei vāshungda vaochitheilu; ‘Israelli chaiyāngmi kahaia china kazipkhuiluira; kala yaokahoma thāda ana awui yaobingli hommira’ da hānglu.

JEREMIAH 39:1

Judahwui awunga Zedekiahna mungda kachiko kum, kachāng katharāli, Babylonwui awunga Nebuchadnezzarna awui raimi saikora thānlaga Jerusalemli rākuinamhaowa.

JEREMIAH 4:17

Lui kahon thāda ali kuimareikhamhaira, khikhalajila ana ili ngakaishihaowa, da Prohona hānga.

JEREMIAH 5:15

Yanglu, O Israelwui shimkhur, yur akha katāva̱wui eina ina khuirāra da Prohona hānga. Hi makhangacheia yurna, achālakhawui yurna, aram tui nathum mashāmana, athumna kahāngla nathum bhab matāmara.

JEREMIAH 5:6

Chiwui vang, khararwui kazingkha̱ akhana athumli sāthatra; siwukwui ramfa akhana shimān ngasakra. Kuirāngna keinungli rimpamda lei, kashoshoka mili akha̱ sāda serkazamhaora; khikhalajila athumwui sākhalāng kachungkhaya, Vareli khalan kahai hakmahālaka.

JEREMIAH 50:2

“Okathui yurbingwui alungli chishātta vaomalānlu, philān khāngkāda vaomalānlu: mathumhaila hānglu: ‘Babylon khuihaira, Belli maishi ngasakhaira, Merodachli wukkhanang ngasakhaira. Awui meoma̱bingli maishi ngasakhaira, awui meomabing wukkhananghaira.’”

JEREMIAH 6:18

Chiwui vang, “Nganālu, O yurbing, kala theilu O kazip kahaibing, athumli khi shokrakhala da.

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

JEREMIAH 6:22

Prohona hithāda hānga: “Yanglu, atungshongwui ngaleiwui eina miyur akha rārāli, kahaka yur akha okathuiwui tameikap kaje pam eina ngatha̱phokhaira.

JEREMIAH 6:23

Athumna kazeila malāla singkhuihaira; athum sakashe, lukhamashan makatha yurna, athumwui khon shamadru kakhangang thai, athumna sigui tonga, mayarnao akhana raiwui vang shakkasā thāda, nali ngasung khavai vang, O Zionwui naongalāva̱.”

JEREMIAH 8:19

Nganālu, apam huptawui eina iwui khangazana yurwui naongalava̱wui ringkhangā, Proho Zionli maleimala? Awui Awunga awuili maleimala? “Khisāthuda athumna sākakhui meoma̱, kala yur khangateiwui meoma̱ eina ili malung thuikhavai sākhala?”

EZEKIEL 21:22

Khamor makāda vaokhavai, raikhotkhon vaokhavai, ngavei mashir khavai, ngalei thonglaga raipan yakkā khavai, awui yāpangli ungkatā kalā chi Jerusalemwui ngasāhaowa.