JEREMIAH 4:1 - Kathara Bible (BSI)

¹ “Nana latungakha, O Israel, da Prohona hānga, na ili latungphalungra. Nawui ningkakachai otsak hupta iwui mangāwui eina horserhaida ning mayaoyaakha

JEREMIAH 4:1 Iomraidhean Croise

HAOKAPHOK 35:2

Chiwui vang Jacobna awui shimkhur kala ali khangasobing saikorali hānga, “Nathumwui alungli khalei ayar mibingwui varebing horserhaolu, kala nathum khalatta tharmathengda kashankachon shinhaolu;

2 WUNGNAOBING 23:13

Chiwui thili Jerusalemwui zingshoshong, sāmakhao kahai kaphungwui azingshong khalei kajujui apambing saikora Israel awunga Solomonna sākakā, Sidon mibingwui ningkakachaiya Ashtoreth, Moab mibingwui ningkakachaiya Chemosh, Ammon mibingwui Milcom, chi Josiahna sākhamāngmiserhaowa.

2 WUNGNAOBING 23:24

Chili lāngda Prohowui shimwui eina Hilkiahna phākakhui lairikli kapi kahai athishurda sākhavai, Judah kala Jerusalem ngaleili leikasā khanongbing, leivā kasā, teraphim kala meoma̱, ningkakachai saikora Josiahna hormiserhaowa.

2 THOTRINCHĀN 15:8

Odedwui naomayara Azriahwui phongkhami tui chi shālaga Asana ninglumturhaowa, kala ana ningkakachaiya meoma̱bing, Judah eina Benjaminli, kala Ephraim kaphung ngaleili ana akhuida keinungli khalaleila hormiserhaowa; kala Prohowui shim zangkhavaiwui mangāli khalei hanphut chi chiphokhui.

2 THOTRINCHĀN 33:8

kala athumna iwui kakaso nganāda Mosesli hāngkahai; kakaso ain, shiyan chikan kala sharphahorbing saikora ning ngasharda mayontitakha, ina navā ngarāwui vang mikahai ngalei chiwui eina Israelwui phei maphatthuimiluimara.”

2 THOTRINCHĀN 34:33

Kala Israelwui apam saikorali khalei ningkakachai ot saikora Josiahna chiwui eina khuithuimiserhaowa. Israelli khalei athum saikora athumwui Proho Vareli otram ngatha̱ ngasaka. Awui mirin peida athumwui avāva̱ ngarāwui Proho Vareli kashurwui eina mayāmlakmana.

ISAIAH 31:6

Nathumna ngakaishitingting kahaiali ngareiunglu, O Israelnaobing!

JEREMIAH 15:19

Chiwui vang Prohona hithāda hānga: “Nana latungakha ina nali khuisangmira, kala iwui mangāli nana nganingra. Makānkhanā tui horhaida kasaka tui matuiakha, nana iwui khamor ngasāra. Athumna nali ngareiungra, kha nana athumli mangareivāmara.

JEREMIAH 15:4

Kala Hezekiahwui naomayara, Judahwui awunga Manassehna Jerusalemli kasāsā chiwui vang, okathuiwui wungram saikorali khangachee sāmira.”

JEREMIAH 18:11

Chiwui vang eina, ara, Judahwui mili kala Jerusalemwui mibingli hānglu: Yanglu, Prohona hithāda hānga, Ina nathumli makapha sākhavai machukta lei kala ngarānda lei. Kachichāwui makaphā chiwui eina latunglu, kala nawui apong kala otsak mashungkhuilu jilu.

JEREMIAH 24:9

Athumli ina kashamkhavāpam kachida, okathuiwui wungram saikorali, ngachee-ngacha khavai, yangkharing khavai, tantakli ngazek khavai, mana̱shi khavai kala khonshi khavai sāngasakra.

JEREMIAH 25:5

Athumna hānga, nathum kachichāwui makhayā apongwui eina kala khangui otsakwui eina latunglu, kala nathumli kala navā ngarāli khare eina katang mavaila mikahai ngalei chili ungpamlu;

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:12

Vālu, atungshong shangda tui hi vaomalānmilu, kala hānglu, shitkasang makhaleiva̱ Israel, latunglu, da Prohona hānga. Ina nali malungvātta mayangmara, kaja I lumashantheilaka, da Prohona hānga; I malung mavātchingmara.

JEREMIAH 3:14

Latunglu, O shitkasang makhalei nao ngarābing, da Prohona hānga; kaja I nathumwui akhavāna; keinung akhawui eina akha, shimkhur akhawui eina khani khuida nathumli ina Zionli khuiungmira.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

JEREMIAH 35:15

Iwui rao marānbing kachungkha chihoda athumna, ‘Makhamashung apongwui eina nathum kachiva̱ latungda nathumwui apong mashung ngasaklu, kala khangatei vareli otram ngatha khavai mashurzatalu, chithakha nathumli kala navāngarāli ina mikahai ngalei chili somra’ da hāng ngasakchinga. Kha nathumna ili manganāsangmana, kakhuila makhuisangmana.

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 4:4

Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

JEREMIAH 7:3

Nathumwui shongpong kala otsak mashungkhuilu, chithākha ina nathumli apam hili somngasakra da saikorawui Proho Israelwui Varena hithāda hānga.

JEREMIAH 7:5

“Kaja nathumwui apong kala otsak kachangkhatta nathumna mashungkhuihaiakha, kachangkhatta akha eina akha mashun eina sangarokchaoakha,

JEREMIAH 7:7

achālakha nashāvā ngarāli ina metchang kahai ngalei, apam hili nathumli sompam ngasakra.

EZEKIEL 11:18

“Kala athumna chili khaung tharan, mayangkhangai ot, ningkakachai ot saikora khuishokserhaora.

EZEKIEL 18:13

atar eina shināmda, kala henda khuizaakha; mi chi ringrala? A maringmara. Ningkakachai ot saikora hi ana sāhaira; a thiphalungra; awui ashee chi akhalattawuitungli tāphalungra.

EZEKIEL 43:9

Ara varebingli kaphaning ot kala awungabingwui kathingun chi iwui eina katāva̱li haihaoranu, chieina ina athumli ngayurpamchingra.”

HOSEA 14:1

Latunglu, O Israel, Nawui Proho Vareli, kaja nawui khayonkhamāngwui vang na kongluihaira,

HOSEA 2:2

Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

HOSEA 7:16

Athumna Baalli ngareivai; athum sākashe malā thai, athumwui wungnaobing raighai eina pitāra, athumwui lāngkaso malewui vang. Hina Egypt ngaleili athumwui zeikakharui ngasāra.

JOEL 2:12

“Kha aruila” Prohona hānga, “ningtongda kakhum eina, sifada chapsasui,

ZECHARIAH 1:4

Marān kharebingna, ‘saikorawui Prohona hithāda hānga, Nathumwui makaphā shongfa kala makaphā otsakwui eina latunghaolu, da machin kahai navā ngarāwui thāda masālu.’ Kha athumna mashāmana kala manganāsangmana, da Prohona hānga.

KHALATLUI 27:15

“‘Yekkakhui meoma̱ranu, lah heikakhui meoma̱ranu Prohowui mangāli ningkakachai otna, them kathemawui pāng eina sākakhui ot kala ngathumda kahai mi chili khonkashi ngasāranu’ da kahāng eina, mi saikorana ‘Amen’ jira.

KHALATLUI 4:30

Nathumna kachotkachāng samkaphang tharan, kala ot saikora hi nathumli naoda rākashung atam chitharan nathumna Proho Vareli latungda awui khon nganāra,

JOSHUA 24:14

“Chiwui vang eina ara Proholi ngacheelu, ning tharda, kala ning katong eina ali otram ngatha̱lu; navāngarāna Kong makānda pamlakha kala Egyptli leilakha khokharum varebing chi horhaolu, kala Proholi otram ngatha̱lu.

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.

1 SAMUEL 7:3

Chieina Samuelna Israelwui shimkhur saikorali hānga, “Kalikhada nathumna Proholi nathumwui ningyang tongda hanungda leiakha, yur khangateiwui varebing kala Ashtaroth, nathumwui alungli khalei chi horhaolu, kala Proholi nathumwui ning ngareiunglu, kala amāngli otram ngatha̱akha, ana nathumli Philistinenaobingwui pāng eina ngatangkhuimira.”