JEREMIAH 3:6 - Kathara Bible (BSI)

⁶ Awunga Josiahwui atamli Prohona ili hānga: “Shitkasang makhaleiva̱, Israel, ana kajuiya phungrā kachiva̱wuitungli kālaga khamateka thingphei khaya̱li khayor otsak kasā chi na matheihaira?

JEREMIAH 3:6 Iomraidhean Croise

1 WUNGNAOBING 14:23

Kaja, athumna kajujuipamli shim sakai, ngalung shoma, kala kaphung kajui kachiva̱li kala khamatek thingphei kachida Asherim sakai.

2 THOTRINCHĀN 34:1

Josiahna mungkaphok tharan a kum chishat kāshunghairasai, kala ana Jerusalemli kum thumrāda akha munga.

LAA 106:39

Chithāda sāda athumwui otsak eina athum makathar ngasāhaowa, kala athumwui otsak khayorva̱̱wui otsak sāthuihaowa.

ISAIAH 57:3

Kha, laivā kathemawui naobing, nathum hili rānganailu, shāmkasā kala khayorva̱̱wui ara̱-azābing.

ISAIAH 57:7

Phungrei kajui khamashonli nathumna pet sāhai, kala pha̱phayā khavai chili kai.

JEREMIAH 1:2

Judahwui awunga Amonwui naomayara Josiahna mungda tharāda kakathuma kum Prohowui eina kharā tuina.

JEREMIAH 11:10

Iwui tui makhuisangngaimada avāva̱ ngarāwui khayonkhamāng kasā chili hanungluishithaida khangatei varebingli khoruma; Israelshi shimkhur kala Judahshi shimkhurna avāva̱ ngarāli ina tuingashit sākahai chi kaihaowa.

JEREMIAH 17:2

anao ngarāna khamatek thingpam kachida kala phungrāton kajujui apambingli lāngmeida athumwui hanphut kala Asherimli khorumchinga.

JEREMIAH 3:8

Shitkasang makhaleiva̱, Israelwui phokaphā saikorawui vang ina kapāngwui lairik kapimida chiho kahai chi makhamashungva̱ achināva̱ Judahna thatheilaga mangacheela ala vālaga khayorva̱wui ot sāzata.

JEREMIAH 31:22

O shitkasang makhaleiva̱, karankha ningchungpamfarakhala? Kaja Prohona okathuili ot kadhar akha sāhaira: sha̱nao akhana mayarnao akhali kanmi.”

JEREMIAH 5:11

Kaja Israel eina Judahwui shimkhurna ili shitkasang maleilakthuwa” da Prohona hānga.

JEREMIAH 7:24

Kha athumna iwui kahāng manganāmana, khanāla manāshungmana, kha athum khalattawui theikakhuili zata, kala athumwui zakkashi wuklung eina ngakaishitingtingda, mangāshong mavāla sa̱na̱unga.

EZEKIEL 16:31

shongfaphei kachida shungtit kahai kā sākhuilaga, kayāng kharei kachida kajuipam saikhuiya. Laga nava khayorva̱̱ mathāmana, kaja nava pheisā eina khamasāli malungvāta.

EZEKIEL 16:35

“Chiwui vang eina O khayorva̱̱! Prohowui tui chi nganālu:

EZEKIEL 20:28

Kaja ina ngashit kahai lam chili thānkhaung tharan, kaphung kajujui kala thingpompa̱ theikachida athumna pha̱kaphayā ot sāda machigat khangayili chigata, chili athumna nganamkaphā otyur riktāda ra̱shakchigat chigata.

EZEKIEL 23:11

“Achināva̱ Oholibahna hi thei, chithālala khamathanglungli achināva̱li ana zakshimeida khayorva̱̱wui ot sai, achinaova̱wuili zakshimeikhara.

EZEKIEL 23:4

Khararva̱li Oholah hoi, agatuiva̱li Oholibah hoi. Ani iwui ngasāhaowa, kala anina mayarnaola sha̱naola pharākhui. Oholah kaho hiya Samaria kajina, kala Oholibah hiya Jerusalem kajina.

HOSEA 11:7

Iwui miyurna iwui eina yāmphalungra jihaowa, chiwui vang eina athumli kashai phungngasaka, kala khipānakha makhuitāmimara.

HOSEA 4:13

Athumna phungreibingwuitungli pha̱phayai, kala phungrārātungli shirimthing, thinglengthing, mathangthing pheili kachigat ot sai, kaja athumwui khaya̱ chi mathai. Chiwui vang nanao ngalāva̱bingna khayorva̱wui otsak sai, kala mākkhām kahaiva̱bingna phokaphā ot sai.

WUNGVA̱-WUNGVĀ 2:17

Thalala athumna athumwui wungva̱-wungvāwui tui makhuimana; kaja athumna vare khangateibingli shurda khayorawui otsak sāzata kala athumli khoruma, kala avāva̱ ngarāna kazata apongli mazatla, Prohowui ningkhami manganāla kala mashurla thaklāk eina mai ngareithuihaowa.