JEREMIAH 3:3 - Kathara Bible (BSI)

³ Chiwui vang zingrot ngasām ngasakhaira, kala mayo kachāng zingrotla marothura; nava khayorva̱wui azakla thahaoda kakhayakla marāpeithumana.

JEREMIAH 3:3 Iomraidhean Croise

HAOKAPHOK 19:34

Akhama kathā khararva̱ china agatuiva̱li hānga, “Yanglu, angayā ina ishāvāli ngasopihaira, ajala marip ngasakluida ashama nani ngasopilu; chithāda sāda iniwui nao ishāvāwui eina samphangda amachi leipaira.”

NEHEMIAH 9:17

kahāngla manganāmana, kala nana athumli matakhak kahai ot sākachithei saikora chi athumna maphaningungmana; kha athumna ngakaishida Egyptli rao asalui khavai athum khalattawui kathāna phāsanga. Kha nava huimikhangaiya, lumashanmikhangai, malung mathuikazāra kala leikashi makhangacheina kapema Varena.

CHĀNSAM 21:29

Makhayā mi mai shālaka, kha khamashung mina awui otsak chukmaja̱kazaka.

ISAIAH 5:6

Ina chi rampho ngasakra; aphāng makatatmimara, kachangla machangmimara, kala phānāng eina ka̱shāt kharshokra; muiyālila chiwuitungli kazing marotaalu da ina kasora.

JEREMIAH 14:1

Kazing kakāngwui pongli Prohowui tui Jeremiahli rākahāng:

JEREMIAH 14:22

Yurbingwui makhamashunga varebingwui ngachaili kazing romishapa khipā lei? Lha kazingramna zingrot romishapla? A chi na maningmalā, O Proho ithumwui Vare? Ithumna nali chihāna, kaja ot saikora hi nana sai.

JEREMIAH 14:3

Awui khangambingna raobingli tara̱ sokkhavai chihovai, athumna ra̱khongli vai, tara̱ masamphangmada tara̱ham khamasai eina hanunga. Athum vaishida ningrākhaida kuirunhaowa.

JEREMIAH 14:4

Ngalei chili kazing marotāmithuda ngalei ngachakkhaiserhaowa, lui khavābing khayakhaoda kuirunhaowa.

JEREMIAH 36:2

“Lairik akhalui akha khuilaga, Israel, Judah kala miyur saikorawui pongli ina hāngkahahai saikora chi, Josiahwui atam eina thuida aja rāshungda ina hāngkahai saikora chi kapikhuilu.

JEREMIAH 5:24

‘Atam athishurda mayo kachāng, māthei kachāng zingrot rokhame, kala mahātwui vang haptātā haimida ithumli yangkhame, Proho ithumwui Vareli ngacheesa’ da athumwui wuklungli mahāngmana.

JEREMIAH 5:25

Nathumwui khayonkhamāng china ngareithui khangasakna, kaphā kaho chi nathumwui moreina mathei khangasakna.

JEREMIAH 5:3

O Proho, namikna khamashungwui vang mayangmala? Nana athumli ngaphitmihaira, kha athumna kachot matheimana; nana athumli yummihaira, kha mashungkhui khavai masāmana. Athumna athumwui mai lunghārli makangmei ngasakta, ning mangateingaithuwa.

JEREMIAH 6:15

Ningkakachai ot kasā tharan athum khayakla? Maningmana, athumna makhayakphaphutmana; kathāda mai hungra̱khala dala matheimana. Chiwui vang konglui kasangbingwui alungli athumla kongluisangra; ina athumli tandi khami atamli athumlila mai shingasakra” da Prohona hānga.

JEREMIAH 8:12

Ningkakachai ot kasā tharan athum khayakla? Maningmana, athumna makhayakphaphutmana; kathāda mai hungra̱khala dala matheimana. Chiwui vang kongluikasangbingwui alungli athumla kongluisangra; ina athumli tandi khami atamli athumlila maikashi mira” da Prohona hānga.

JEREMIAH 9:12

“Thangmeikhailakhaoda hi theishingkhuikashapa mi chi khipākhala? Hi lānchitheira da khipāli Prohowui khamorna hanghailikhala? Khi sāthuda khipākhana mamakānkapai lamhāng thāda ngalei chi ramcho ngasāhaokhala?”

EZEKIEL 3:7

Kha Israelwui shimkhurna nali manganāsangmara, kaja athumna iwui tui manganāngaimana. Khikhalajila Israelwui shimkhur saikora mai kashāmāng kala wuklung khamakangmānga.

PĀNGMONSHI 26:19

kala nathumwui langso khavai pangshap chi sakhaimihaida kazingla mari thāda, ngaleila pithrai thāda sāmira;

AMOS 4:7

“Kala ina mā hātnanai kachāng kathum vātlakha, kazing maro ngasakmara; ina keinung akhali rongasakra, khangatei akhali marongasakmara; luipam akhali rotāmira, marokatā pam chi thenghaora;

AMOS 4:8

chieina keinung khani kathumna khangatei keinung akhali tara̱ phavāra, kha chirchomri kahai masamphangmara; chithālala nathum ili malatungmana,” da Prohona hānga.

ZEPHANIAH 2:1

Rālu, rākazipserlu, O kakhayak makathei yur,

ZEPHANIAH 3:5

Awui alungli khalei Prohova khamashung khangarongana, ana khangui ot masāmana; ngathor kachida awui mashun chithei, zingthanlam kachida khavāt maleimana; kha makathara china kakhayak matheimana.

HAGGAI 1:11

Kala ina ngaleitungli, kaphungtungli, theishiraiwuitungli, drakhāra̱ kadhartungli thaowuitungli, thingnā-ra̱hāwuitungli, miwui kala sha̱keiwuitungli, kala athumwui ot kasā saikorawuitungli ina kazing kāngkhavai kasohaira.”

KHALATLUI 28:23

Kala atungshong khalei kazingram pithrai thāra, kala azingshong okathuina mari thāda sāra.

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?